JOEL 2:1 - OTSAO BAIBEL (BSI)

¹ Nyazong mütkox; khünak mong asa ang Zang otsao haxnu, Zaion haxkho to. Abünlax, Judah angkya khünaknu! Jowanpa Hanpak-zanghan chwonle nguingole.

JOEL 2:1 ပူးပေါင်းရင်းမြစ်များ

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

JOEL 2:15

Zaion Haxnu ma nyazong mütkox; chisax-chilingle zangjop angkya kaxtom koxle khünaknu tusüi ang tomkox!

JOEL 1:15

Jowanpa hanpak zanghan nguile, Khüthak Zang-e thama apüi angkya nyix a. Ija nyix thamakya huanu zadün changüi!

JOEL 3:17

Jowanpae thüi: “Izuma, Israel, ku a hünzom Zang changle le hünzome awanle laxüi. Ku a, ku otsao haxnu Zaion ma ngole. Jerusalem a otsao tingnu tuita ang changüi; mixnokbue tamchatle ija tingtakle lax ang münthoüi.

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

ZEFANIA 1:14

Jowanpa hanpak chongkya hüitu nguiüna: müimama lejao ngangle soxüna tamchu mom-momle nguile ngole! Ija nyix a khaxkya nyix ang changüi, chemthüikoxle tüle chachen mongchen füikya naomüibu ngaxchu jemax-hwonsamle akhongüi!

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

1 THESALONIKA 5:2

Chemthüikoxle Jowanpa hanpak zangnake ahuxmix nguikya ningle chang angkya le hünzome ipong müile awan ngopu.

OBADIA 1:15

“Jowanpa, kue jat-libu hanpakma kaxfün fa angkya otu nguile hüile. Edom, nange chemle mokdaopuix ija nang to mokle faüi. Nange chem koxdaolaxpuix ija nange chatle kopüi.

AMOS 3:6

Khünaknu chaza ang chitomle tingnu ma zan-khong nyazong mütle chang ang chami? Jowanpae ahüile lüwüi chichang, tingnu tuitae kaknu-laknu thama apongle chang ang chami?

HOSIA 5:8

Gibeah ma zankhong nyazong mütkox! Ramah ma khong tinglyetkox! Bethawen ma zankat sungdünle changkox: Benjamin khünakbu, zan to ka ang a!

EZEKEL 7:12

Hanpak a hüile ngole. Shak-sünkya hia hangjokya chem angchu chichang angkya nyix hüile ngole, chemthüikoxle noknusa hato Zang sikngün tomwüi hüi angkya chang koxle.

JEREMIA 4:5

Haxtok awangle nyazong mütkox! Tsingshole akhong-akhakox! Judah hia Jerusalem angkya khünaknu füi akaxkox ziakop laxle thomkya tingnu to pao angkya bama.

JAKOP 5:8

Hünzome chuwüi adu angkya changle, Jowanpa hüitu chwonüna, hünzom monghom shingmong ang laxkox.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

ZEFANIA 1:16

süpahibue ziakople thomkya tingnubu hia dingkho to zaile tüikya zanhunuibu to sing akhongkya chax-hi-zan zinge awangle azingkya nyix ang changüi.

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

HOSIA 8:1

Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

EZEKEL 33:3

Chemtue chixe zanpabu hüile ngokya ngünle laxpuix, noknusa mik-hing naka angkya hanpakma tinglyet.

EZEKEL 12:23

Ikoxle athax Jowanpa Khüthak Zang, kue ija bama chem akaxse hex hwom hama apuakox. Kue ija wanwünkax ashuk ang tomüi. Ija kax Israel noke otuechu tamchatle chiwünüi. Itülüi hwom ang thüikox: Hanpak nguidaoa, ilaxle aje kaxbu asütle hüile!

EZEKEL 7:10

Thama apong angkya nyix hüile ngole. Tata füi alünkyae ule hüile. Ongam a oza lünle tüile.

DANEL 9:20

Kue chizakle zangjop, ku ochaxbu tamchu ku khünak Israel nok ochaxbu ngaile Jowanpa ang chix Zangshwom-Hom zingle achat angkya tsaiju-kaxju.

DANEL 9:16

Ledaokya ma nange kwom kho awale thompu, ikhoma athaxpi Jerusalem füi nang ang mongmakya taxtüiünfa. Ija a nang tingnu changle, nang otsao haxnu changle. Kwome mokkya ochaxbu hia pupa hwom chichangchizangle tüidaokya khoma tomzi nok pangwüie Jerusalem to ilaxle nang khünaknu to ajaole hule.

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

EZEKEL 33:6

Ikoxle humixe zanbu nguile ngokya ngün ikoxchu chixe tinglyetle chichang, zannokbu nguilaxle ibu ochax khünakbu langüi, ikoxle ibu mik maxkya bama kue hu-mix ma feüi.

JEREMIA 16:10

“Chemtue nange ibu pangwüi hwom hama wünle koxüihex, chemkhoma kue hwom to ipongpong thomshixle sikangün ang thüipule hwome atüiüi. Hwom tsangmüt chem hex ilaxle Jowanpa zongto thaikya hwome chem mokdaopuix, ibu hwome atüiüi.

JEREMIA 16:7

Owawa mamix zile changpongma owaechu owa füichu mong asom ang hexle tomsax-tomlingle chichangüi. Owaechu chingchajaja ahole chitüiüi. Honu hia hopa max-samle changkya khünak to ngaxchu humele chichangüi.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.

MÜNCHUAK-TSAI 119:120

Nang khoma ku zale; chemthüikoxle nang kaxfün thoto ku zakyae awangle.

MÜNCHUAK-TSAI 87:1

Jowanpa chix tingnu otsao haxhua ma zai;

HUAKE LAIPEX 10:3

Chemtue ija nyazong anyi okuilole mütüihex, ku ngokya Nyihom homtho ma nang akhople noknusa nguiüi.

ZEKARIA 8:3

Ku a Jerusalem, ku otsao tingnu to chatüi, ilaxle ikhama ngoüi. Ija tingnu a tuita mongong tüikya tingnu changpule fuale wünüi, ilaxle Jowanpa Khüthak Zang haxnuang otsao haxnu le nyaküi.

1 PUKAX-PANGAO 15:28

Israel nok pangwüi ija Suak zunle, nyazongbu müt, thuaput-waxmaibu angao, khopsya hia klingkingkongbu angaole, hwom a mongmüi atungle akhongle Jerusalem to ngui.

1 KORIN 14:8

Khom thut mixe onox tole chithu thüikoxle, zan to ka ang owa atha anyemüi?

MIKNGÜN-OHÜN 6:17

Chemthüikoxle hwom mongtsik chongkya nyix hüile ngole, üntoxle ija mongtsik thüntho ma ajong ngo ang owae thoüi?”

LAIPAO 10:14

Ibu othom-othom ma nguilaxle Ijip haxtok pangnu khato ngo ang süt. Ngündaokya khakha ma zazwop kuknu chaoxkya ija ma akhokya changle ilaxle iningle huanuma chaoxkya chatle tamngün toxüi münchang.

EZEKEL 30:3

Jowanpae mwot mok angkya ija nyix a soxle hüile, Jatlibue zangfwom hia thamabu apong angkya nyix a.

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

JOEL 2:31

Zanghan a nakle paoüi, ilaxle lyetnu a aji lailaile khile paoüi, ija za-adünkya Jowanpa Nyix nguiüi thoma a.

JOEL 3:14

Hajat hajat makhange kaxfün fakya haxsha ma tüile. Jowanpa hanpak chwonle ngui angkya a ikhama changle.

AMOS 5:18

Hünzom Jowanpa Hanpak Nyix sungle ngokyabu hanpakma khomtsi angkya chongle tüile! Ija hanpak nyixe nang zongto müikya chem mokle faüi? Chemthüikoxle ija nyix a zangngai hanpak chichangle zangnaknu nyix ang changüi.

ZEKARIA 14:1

Jowanpa kaxfün nui ma thung angkya hanpak chwonle tüile. Ifüima Jerusalem a tsuiüi, ilaxle ibu tsuikya tuinabu a hünzom miksho ma ahanle laxüi.

HUAKE LAIPEX 10:2

“Khünaknu pangwüi nyakle asox ang tamchu pom pün angkya hanpakma twon ang khop-jan makhange nyazong anyi zinglax.

ISAIA 13:6

Kakkoxle awaolax! Jowanpa hanpak a hoxüna; ija nyix a khüthak Zang-e thama apüikya nyix ang changüi.

ISAIA 13:9

Jowanpa hanpak a nguile ngole — shixle makya hia za-adünkya mongma hia mongtsik nyix a. Chaxwan tok a faokha ang achangüi ilaxle ochax khünak pangwüi amütüi.

EZEKEL 21:12

Mongmale akhong kox, ziün angkya khünak; ija changlo a ku khünaknu hanpak ma changle ilaxlechu Israel lompabu pangnu hanpakma changle. Hwom a lang angkya changle mama khünak noknusa füi tomle a. Künmax-mongshanle ma khaxtok to fitlax!

ZEFANIA 1:7

Kaxfün nui ma Jowanpa thung angkya hanpak chwonüna; ikhoma chix tüipongma taxpu-taxzua. Jowanpae chix khünaknu tö koxle chang angkya hanpak achwon ngole ilaxle Judah nok pünpakle chang angkya hanpakma zanpabu ahyenle changdaoa.