JOEL 1:13 - OTSAO BAIBEL (BSI)

¹³ Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

JOEL 1:13 ပူးပေါင်းရင်းမြစ်များ

JEREMIA 4:8

Ikhoma nyikhwon aponglax, ilaxle awaole soplax chemthüikoxle Jowanpa mongtsik zadünkya Judah hatokya machat.

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

EZEKEL 7:18

Hwome nyikhwon awunlaxle ngoüi ilaxle hwom abünle maxüi. Hwom khangbu ongüi, ilaxle hwom pangwüi zakkop ma ngoüi.

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

1 WANGHOMBU 21:27

Chemtue Elija-e chix kax ashukpuix, Ahap-e chix nyi akyet, ilaxle sikle awüt, ilaxle nyikhwon awun. Chixe süt chisax, nyikhwon dingma jip, ilaxle thün wüi huishole mongma füi aham.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

1 KORIN 9:13

Zangshwom-Hom ma thothakyabue zangshwom-hom angkya süt koppu, ilaxle tö koxkya khato mokkyabue tö ang koxkya kha angkya süntom koppu, ija hünzome matsing hexnyi?

1 KORIN 4:1

Zang huxsa otsao to hume ang kamkya Khrista dabu changpu le hünzome kwom bama ajang angkya changle.

ISAIA 61:6

Ilaxle hünzom a Jowanpa nguapabu le awan ang kopüi, Kem Zang dapabu a. Hünzome chaxwannu nok tuina lax ang kopüi Ilaxle ibu a hünzom kux changpule angasomkya tüiüi.

2 SAMUEL 12:16

Nao kakmüi angkya hanpakmale Dawid-e Jowanpa to jop. Chixe süt ngaxchu münsaxpule chisax-chiling ilaxle jafole chix nui to nguilaxle haxkha ma shuile zang angai.

HUAKE LAIPEX 29:6

Ibu a othuithuima koxle hüikya, lyetkua foto pongwang nyixnyix koxle hüikya zokle ashunkya tö ilaxle saxziak tö hia grepti-ju tö oja nyixfokya to koxle hüipuix, ibu obo ang laxkox. Ibu süt tö a Jowanpa zongto ongan tüle müikya changle.

MIKNGÜN-OHÜN 11:3

Kue ku kaxkhi sün anyi pongkhwon za laxlaxle tsanle apaoüi, ilaxle nyix 1,260 bama hwome Zang kaxho apuk apuaüi.”

ISAIA 22:12

Ifüima Jowanpa Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

EZEKEL 21:12

Mongmale akhong kox, ziün angkya khünak; ija changlo a ku khünaknu hanpak ma changle ilaxlechu Israel lompabu pangnu hanpakma changle. Hwom a lang angkya changle mama khünak noknusa füi tomle a. Künmax-mongshanle ma khaxtok to fitlax!

HOSIA 9:5

Ilaxle Jowanpa achuakle Pangpwon sax angkya tunu ngui ningle, izuma hwome chem moküi?

JOEL 2:14

Owatsing, Jowanpa, hünzom Zang-e chix mong alüixlaxle saxziak-tuaziak okhonguile müi ang tomle hünzom to mohiman lechu changtsuak. Ifüima hünzome chix ang saxziak tö hia grep-ti tö fa ang tsuaküi.

HUAKE LAIPEX 28:4

Tuita a anopningle töüi ilaxle ata mix a hansong ma töüi.

HUAKE LAIPEX 28:7

Pongwang angkya chun hosa füi, grepti-ju tö hanpak ang, tö ang koxle grepti-ju pe tuita thokle awüt.

HUAKE LAIPEX 28:14

Grep-ti koxkya olom a maihupong tuipong to grepti-ju pe anyi pong, tsoxta okao a chunla füi tomle ilaxle chun hosa tuipong füi tomle grepti-ju tsoxpong. Ija a lyetkua owang nyix-nyix zanglao atatle koxkya zokle ashunkya tö hanpak ang mok angkya olom.

EZEKEL 27:31

Nang hanpakma hwome kho ong Ilaxle hwome nyikhwonbu awun. Hwom sople changpongma mongto tüle kak.

JOEL 2:12

“Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.