JIHUSUA 9:24 - OTSAO BAIBEL (BSI)

²⁴ Hwome lan: “Alixachong, changle, kwome ile mokdao ngüna, ikoxle ija a, Jowanpa hünzom Zang-e chix dapa Mosa füi kaxtom koxle, hünzom ang ibibi haxtok komkaile koxdaoa ilaxle hünzom nguile hüikya zuma ikhato ngole tüikya khünaknu pangwüi langle awüt angkya kaxzing atatkya khoma kwome ile mokpu. Chemthüikoxle kwom hünzom thua tüle zalaxle tamchu kwome ma mik max angkya thua zalaxle ile mokdaoa.

JIHUSUA 9:24 ပူးပေါင်းရင်းမြစ်များ

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

JOB LAIPEX 2:4

Bao-e lanle thüi: “Ozün ma ngo angkya hanpakma khünake pangwüi dantox angkya changle.

JIHUSUA 9:9

Izuma hwome chix ang ija pukax zex: “Alixachong, kwom a tüle tsailo nok tokya nguipu, chemthüikoxle kwome Jowanpa hünzom Zang bama atatle hüipu. Chixe Ijip nok to chempang ole mokpuix ibu kwome atat ang kople,

JIHUSUA 2:9

ilaxle hokhi ang thüi: “Kue awanle, Jowanpae ija haxtok hünzom ang koxdaoa. Tingnu angkya khünak nok wüi hünzom thoto za-ngoüna.

JIHUSUA 2:11

Ibu zing atatkya füi tomle kwom zale ngopu; hünzom zing thoto kwom pangwüi ang mongmaxle changüna. Jowanpa hünzom Zang a zangkangting hia chaxwannu pangnu thakma Zang changle.

JIHUSUA 6:21

Hwome ma changlobu füi tingnu ma atüitüi komle, sheko, lüka, taiko, naosom pangwüi lang. Hwome osu-maihu, chun hia zwonbu chu pangwüi lang.

JIHUSUA 10:2

Jerusalem tingnu angkya khünaknu ang ija zingtho to na nwon, chemthüikoxle Gibeonbu chuwüi tingnu tu ma wanghom füikya chongkya tingnu tuita tamchu ija a Ai füi ngaxchu chongkya, ilaxle ikha angkya khünakbu a azan ang tüle thokyabu chang koxle.