JIHUSUA 9:1 - OTSAO BAIBEL (BSI)

¹ Jordan shuanu zongma hannopchi angkya wanghombu: Haxhua nok, haxchithong nok, Mediterenian achole tüikya haxsha nok, shuakux chito Lebanon alople tüikya pangnusae, Israel noke pangnu to lütle hüikya zing atat; wanghom ibu a Hit nok, Amor nok, Kanan nok, Peri nok, Hip nok ilaxle Jebu nok wanghombu changkya.

JIHUSUA 9:1 ပူးပေါင်းရင်းမြစ်များ

HUAKE LAIPEX 34:6

“Hannopchi longzi a Mediterenian Tinu changüi.

LAIPAO 3:17

Kue thüipu, kue hünzom Ijip nok chak to sikngün apongle ngokya chak tokya alaile paoüi, ilaxle tsomti hia nax-ti shuajen jenle ngokya Kanan haxtok; Kanan nok, Hit nok, Amon nok, Periz nok, Hip nok tamchu Jebu nok ngokya chaxwan to apüiüi.’

JIHUSUA 3:10

Hünzome alople hüikya zuma chixe Kanan nok, Hit nok, Hip nok, Peri nok, Girga nok, Amor nok ilaxle Jebu nok; ibu pangwüi jwonle apao angkya changle. Khüzün Zang a hünzom khama womle tüile le hünzome awan ang kopüi.

LAIPAO 23:23

Ku kaxtaimix hünzom thoma leüi ilaxle chixe hünzom Amor nok, Hit nok, Hip nok üntoxle Jebu nok ngokya chaxwan to apüiüi, üntoxle kue hwom max ang tomüi.

JIHUSUA 24:11

Hünzome Jordan shuanu tale lelaxle Jeriko tingnu to ngui. Jeriko nok chuwüi Amor nok, Kanan nok, Hip nok, Hit nok, Peri nok, Girga nok, Jebu nok, ibu lailaile hünzom füi azan ang lai. Ikoxle ibu pangnusa to kue hünzom ang lüt ang tom.

JIHUSUA 23:4

Athax kople makoptsuakle tüikya haxtokbu ngaxchu kue hünzom homjen-homjen ang ma haxtok hex-ole tom-hanle koxdaopu. Ifüima kue opang jat-libu to lütle koptsuakdao laxpuix, ija a Jordan shuanu handünchi ma, imakhange hannopchi ma Mediterenian Tinu alople, ma süntswon-tswon le ahanle koxdaopu.

JIHUSUA 22:4

Athaxpi chixe tsaokya jaojaole hünzome mamix Israel khünaknuechu mongsom atakle changdaoa. Idaile, athaxpi, Jowan dapa Mosa-e hünzom ang koxle toxkya haxtok, Jordan shuanu zongma handünchi, ojongkha hünzome ma haxsüt sungdün ang laxpuix, ikhato chatlax.

JIHUSUA 15:12

Ija a hannopchi longzi ang achangle. Ibibi haxsüt longzi mong ma Judah homjen angkya khünaknu tingtan-nokzing ngo.

JIHUSUA 13:5

Gebal nok haxtok; Balgad makhange handünchi Lebanon pangwüi, oja Harmon Haxnu zongma shuathongchi Hamath lomnu ma Tüikyabu.

JIHUSUA 11:17

Hwom haxsüt longzi shuathongchi Edom zui angkya Halak Haxnu makhange shuakuxchi ma tüikya Lebanon haxsha angkya Balgad alople tüikya. Ibu haxtok angkya wanghombu füi Jihusua okuilole azanle hüilaxle chixe wüi ibu bakle kop ang tho ilaxle pangwüi langle awüt.

JIHUSUA 10:23

Ikhoma longkun daplaxle Jerusalem, Hebron, Jarmuth, Lakish hia Eglon, ibu nok wanghombu alai

JIHUSUA 5:1

Jordan shuanu zongma hannopchi angkya Amor nok wanghom pangnusae tamchu Mediterenian tinu achole tüikya Kanan nok wanghom pangnusae, Israel khünaknu bakle machang machangle Jowanpae Jordan shuanu zop ang koxputale atat ang kop. Israel nok hüikya khoma hwom tüle abüt-aban ilaxle monghixle chang.

JIHUSUA 3:17

Khünaknu haxzan to tale lengo pongma, Jowanpa Tsaotsüt Suak paile ngokya nguapabu shuanu osungkha to haxzan ma, khünak bakle takya tan ang ajongle ngo.

JIHUSUA 1:15

Jordan shuanu zongma hannopchi haxtok koplaxle tingtan nokzingle changkya kople hwom to asunle azanüi. Chemtue chixe Israel homjen pangwüi ang khosün fale tsuaküihex, ifüima hünzom chatlaxle, Jowan dapa Mosa-e hünzom ang koxle toxkya haxtok, Jordan shuanu zongma tsaxchi ma hünzome tingtan nokzingle ngo ang tsuaküi.”

JIHUSUA 1:4

Hünzom haxsüt longzi a shuathongchi sak-hax makhange shuakuxchi ma Lebanon Haxnu alople; handünchi ma Eufrat shuanu makhange Hit nok haxtok akaile, hannopchi ma Mediterenian Tinu alople changüi.

TSAITONG-KAXTONG 7:1

“Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

TSAITONG-KAXTONG 4:49

Shuathongchi ma Arabah haxsüt alople ilaxle handünchi ma Piska Haxnu chithong alople, Jordan shuanu zongma handünchi haxtok pangwüi ima womle tüikya.

TSAITONG-KAXTONG 3:25

Jowanpa, kue Jordan shuanu tale chang ang tomhüi ilaxle tachi ma tüikya haxzao füikya haxtok osün müikya haxhua hia Lebanon Haxnubu ngün ang tomhüi.’

LAIPAO 34:11

Anyix kue hünzom ang koxkya wanlombu tolax. Amon nok, Kanan nok, Hit nok, Periz nok, Hip nok hia Jebu nok, inu a hünzom hüile ngopongma kue jwonle apao angkya changle.

LAIPAO 23:31

Kue hünzom longzi a Agaba angkya Tütsak-tinu tokhange Eufrat shuanu kople ilaxle Mediterenian tokhange sak-hax alople achenüi. Ija chaxwan ma ngokya nokpu pangnu thakma kue hünzom ang apün ang tomüi, ilaxle süsox-süsoxle soxle hüikya zuma hünzome hwom jwonle apaoüi.

HUAKE LAIPEX 13:29

Shuathongchi kaoma Anakimbu ngole; ikoxle Hit, Jebu hia Amor nokbu a haxhuachi ma tüile; ilaxle Mediterenian tinu chikao ma Jordan shuanu ajole Kanan nok tüile.”

JIHUSUA 6:27

Ikhoma Jowanpa Jihusua füi ngo; ilaxle chix achuak-achenkya münchong chix haxtok pangnu khato wüi zangle paoüi.

JIHUSUA 9:7

Ikoxlechu Israel noke lan: “Kwome hünzom füi chemkhoma muamüile pongsax angkya tüipu? Owatsing hünzomchu tomzi nok wüi changtüilax.”

TSAITONG-KAXTONG 1:7

Pombu pünlax ilaxle achexlax. Amor nok haxnu to paolax ilaxle hozui ma akhople tüikya pangnu haxtok to: Jordan haxsha to, haxhua chito, ilaxle haxchithong chito, shuathongchi chaxwan to, ilaxle Mediterenian tinu kax to paolax. Kanan haxtok to paokox tamchu Lebanon haxnu tokna kai tokya Eufrat shuanu alople paokox.

2 SAMUEL 24:7

Ifüima hwom zün-zinglaxle ziakople tüikya Tair tingnu to le, ikhato hwom Hip nok tingnubu hia Kanan nok tingnubu pangnu khato le, oshukma shuathongchi Judah ma tüikya Bersheba to le.