JIHUSUA 8:31 - OTSAO BAIBEL (BSI)

³¹ Chixe ija Jowan dapa Mosa-e Israel khünaknu ang chix makhange fakya Wanlom ma adangle fakya lailaile zing: “ija tö-tsap tuita a, jan füi honghele machangkya long füi zing.” Ija ding ma hwome Jowanpa ang zokle ashunkya tö kox, ilaxle hwome notom-tusüi tö chuwüi kox.

JIHUSUA 8:31 ပူးပေါင်းရင်းမြစ်များ

2 PUKAX-PANGAO 35:12

Ilaxle Mosa Wanlom ma zale tüikya ningle hwome tö ibu koxle tsuak angkya hanpakma, zokle ashunkya tö kox angkya müibu, kako-kako ma süile khünaknu othom-othom ma ahan.

JIHUSUA 1:8

Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

LAIPAO 24:5

Ifüima chixe naosünbu züizüi tsanle apao, ilaxle hwome Jowanpa ang koxle tö zokle ashun ilaxle müi tuita-anyi tumüi tö ang kox.

LAIPAO 18:12

Ifüima Jethro-e, komkaile zokle ashunkya tö hia mama töbu kox angkya apüi; ilaxle Arun hia mama lompabu shwomkya tsyen ang ija otsao fongsax ang hwom pangwüi chix füito pao.

MATHI 12:26

Idaile baoechu ma ningkya hozui bao jangjwon thüiba, hwomchu wüi tata füi afanüi. Jangchangba chix wangting chemle ngothoüi?

NEHEMIA 13:1

Chemtue Mosa Wanlom a khünak natat ma azaxle epuix, Amon nok hia Moab nok a Zang khünakbu khato tuita ang chingo angkya kax zakya kha ha alop.

IZRA 6:18

Hwome, Jerusalem Zangshwom-Hom ma thotha angkya mwotbu hanpakma, Mosa Laipex ma adangle fakya olom tole, nguapabu hia Liwi hwom tu asüi ang tom.

2 PUKAX-PANGAO 25:4

Ikoxle chutix chixe hwom susabu a chilang, ikoxle Mosa Wanlom ma tüikya: “Naosombu ochax khoma nu-pa hwom mik amüt angkya münchang, ija ningle nu-pa hwom ochax khoma susa hwom mik amüt angkya münchang; mae mokkya ochax mwot khoma tix khünakbu a mik max ang tom angkya oli!” lükya Jowanpa kaxtom kax ma lax.

2 WANGHOMBU 22:8

Shafan-e wanghompa kaxtom Hilkiah hato apüi ilaxle chixe Zangshwom-Hom ma Wanlom Laipex atakle tüikya chix hama apua. Hilkiah-e chix ang ija laipex kox, ilaxle Shafan-e ija e.

2 WANGHOMBU 14:6

Ikoxlechu, chixe hosu-sasün hwom a chilang ikoxle Mosa Wanlom ma, Jowanpa kaxtom: “Hosu-sasün hwom mütkop khoma honu-hopa hwom mik amüt angkya münchang, ilaxle honu-hopa hwom mütkop khoma su-sa hwom mik max ang tom angkya oli münchang; khünak tuita a chix huak mütkop khoma tix wüi mik-max ang tomüi”, le tüikya ningle mok.

TSAITONG-KAXTONG 27:2

Jordan shuanu talaxle, Jowanpa hünzom Zang-e hünzom ang koxle ngokya haxtok to nguikya zuma, hünzome züizüi longnu chongkyabu athünlaxle ija to chwople anünlax,

TSAITONG-KAXTONG 27:8

Chwople anünle tüikya longtok ma tsaothale Zang wanlom kaxhuak pangwüi zale thomkox.”