JIHUSUA 8:28 - OTSAO BAIBEL (BSI)

²⁸ Jihusua-e Ai tingtak laxle olithule amüt. Ija a anyix kople ile wüi tüitan.

JIHUSUA 8:28 ပူးပေါင်းရင်းမြစ်များ

TSAITONG-KAXTONG 13:16

Ikhama ngokya khünaknu tuina komkaile afoxlaxle tingtan mong ma athünkox. Ilaxle Jowanpa hünzom Zang ang tuita tö koxkya ningle, ija tingnu tamchu ima atüitüi komkaile zokle ashundao. Ija a tamchatle zingkya chitüile othuithui hanpak ang thom-mwonle naxngo.

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

JEREMIA 50:26

Ija to pangnuchi makhange singkox ilaxle hwome saxziak shole thomkya saxpung daple dongkox! Saxjun thokle dan pupule tsui kopkya tuinabu dankox! Ija haxtok amale toxkox! Ikhama chemchu taxtox!

JEREMIA 49:2

Ikoxlechu kue Rabbah pongwün tingnu angkya khünaknu ang zanzing atat ang tom angkya hanpak nguile hüile, ilaxle ija a amale dantoxüi ilaxle ija angkya tingkhuabu a zokle ashun toxüi. Ifüimatix hwom chak tokya pale laxkyabu chak tokya Israel khünaknue ija haxtok tamchatle kopüi.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

ISAIA 25:2

Nange tingnubu amadaoa ilaxle ibu ziakople thomkya panbu pündaoa. Kwom zanpabue zingkya onuibu a othuithui hanpak ang amütdaoa.

ISAIA 17:1

Jowanpae thüi: “Athax Damaska a tuita tingnu le münngoüi; ija a tingmaxdaokya tamting tuita ang ngoüi.

2 WANGHOMBU 19:25

“Nange ibu ile chang angkya kaitanto wüi kue ajukle tsuakthom daokya nange münatat hexnyi? Athax kue ibu ile mokle paopu. Pan zailaxle ziakople thomkya tingnubu a longkhix athünle thomkya nui ang achang angkya tsak-zong nang ang kue tix koxpu.

JIHUSUA 4:9

Jordan shuanu tanti to Jihusua-e chu, nguapabu ajongkya wama othom 12 ma long athünle dan. (Ibu long a anyix kople tüile.)

JIHUSUA 8:29

Chixe Ai tingnu angkya wanghompa mang pün ma ashale hansong kople thom. Zanghan mik dütle chang füima Jihusua-e ija mang ajo angkya kaxkox, ilaxle ija mang a tingnu panja ma tswonle awüt. Hwome ija to long füi chwople tox, ija anyixchu tüitan.

TSAITONG-KAXTONG 13:17

Olithule amüt angkya othuak-ozom ma womdaokya tuina ma hanpak ang tütalichu taxtüi, ile changkox tix Jowanpae chix mongtsik mongma tokya mongchat laxle hünzom hato chingcha ahoüi. Chixe hünzom to chingchaüi ilaxle hünzom a tüle pu-tsakya khünaknu ang achangüi, ija a chixe hünzom putong hwom tsaosaxdaokya ningle changüi.