JIHUSUA 8:1 - OTSAO BAIBEL (BSI)

¹ Jowanpae Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

JIHUSUA 8:1 ပူးပေါင်းရင်းမြစ်များ

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

TSAITONG-KAXTONG 7:18

Hwom thua taxza; Jowanpa hünzom Zang-e Ijip nok wanghom hia chix khünaknu hanpakma chempangle mokdaopuix ibu texle ataklax.

JIHUSUA 6:2

Jowanpae Jihusua füi akax: “Kue Jeriko angkya wanghompa hia chix süpahibu füi tomle Jeriko bakle nang chak to danpu.

TSAITONG-KAXTONG 31:8

Jowanpa chix jaojaoe azuiüi ilaxle chix a nang füi ngoüi. Chixe otuechu hünzom mün-ale tamchu danle müntox, idaile mong taxhi chichangba taxza.”

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

MATHI 8:26

Jisu-e lan: “Hünzom ibukux büthüikoxle zapu? Hünzom ang mongong ibukux hixle hi?” Ifüima chix zolaxle zangchei hia tichap to sa. Ifüi tomle zingle dang.

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

DANEL 4:25

Nang a khünaknu tukha tokya jwonle apaoüi ilaxle faomüibu khato ngo ang tomüi. Zanglao anüt hanpakma maihupong lailaile nang fum tsütle saxüi ilaxle kothofa to jipüi, ikhato nang ding to nyenti dütle changüi. Ifüima khünaknu wangting pangwüi Khüthak Zang chaktom ma tüikox-ngün-a ilaxle ija chixe chix mong atsutsu ang kox ang tho angkya chang koxngünle nange awanle laxüi.

DANEL 2:21

Chixe otu-owan hia hanpak-zanghan pangwüi chix chak ma kople thomle; khünak züizüi chixe wanghom ang achang ikoxle züizüi a wanghom ang ngokya amüt; Je-hia hwon koxkya a chix tix changpu.

JEREMIA 46:27

“Ku khünaknu, hünzom taxza, Israel khünaknu, hünzom a taxabüt-ban. Tsailo nok chak tokya kue hünzom khosünle changüi, zanda ang hünzom ngole hüikya nok chak tokya a. Hünzom a hom to chatle chatüi ilaxle mongsom ma ngo ang kopüi; hünzom to chem münthüi: ilaxle owaechu hünzom aza-anale münchang.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

JIHUSUA 7:9

Kanan nok hia ija haxtok ma tüipupu pangnusae ija zing atatüi. Hwome kwom akhople koplaxle kwom pangwüi langle awüt angkya changle! Ifüima nange ma münchong-ngampai khosün ang chem moklaxüi?”

JIHUSUA 10:7

Ikhoma Jihusua hia chix süpahibu, ataxle müikya othom chuwüi koplaxle, Gilgal angkya achexle lai.

JIHUSUA 10:8

Jowanpae Jihusua ang thüi: “Hwom thua taxza. Kue nang ang lüt ang tomdaoa. Hwom opupuechu nang füi alünle chang ang münthopu.”

JEREMIA 49:3

Heshbon angkya khünaknu soplax! Ai a amütdaoa! Rabbah angkya shekobu, mangsople ngolax! Nyikhwon awunlaxle mangsoplax. Khosam ashukle zikle ahamlax. Hünzom baozang Molek a koplaxle paoüi; ija füi tomle chix thothale ngokya hia zompu-zangpabu koplaxle paoüi.

TSAITONG-KAXTONG 7:21

Idaile khünaknu ibu thua taxza. Jowanpa hünzom Zang hünzom füi tüile; chix a tüle chongkya Zang changpu ilaxle chix thua tix za angkya changpu.

JIHUSUA 2:24

Okhie thüi: “Jowanpae ija haxtok kem ang bakle koxdaokya atsingsho. Ikhatokya khünaknu pangwüi kem thoto zanle abanle ngole.”