JIHUSUA 7:6 - OTSAO BAIBEL (BSI)

⁶ Jihusua hia Israel nok lompabue manyi-maza akyet, ma alüile Jowanpa Tsaotsüt Suak tuntho to hax to tswonle awüt, ilaxle ikhama hansong alople, khang ma labu awangle koplaxle, ma mongma ahole nui.

JIHUSUA 7:6 ပူးပေါင်းရင်းမြစ်များ

PONGWANG LAIPEX 37:29

Reuben chatlaxle tswomkha to hukoxle ikhama Jusep chibangkya zuma chix ang mongma ilaxle chix nyi-za akyet.

PONGWANG LAIPEX 37:34

Mongma laxle Jakop-e nyipong akyet ilaxle nyikhwon awun. Chixe sasün hanpakma okuilole mang sople ngo.

MANGSOP 2:10

Jerusalem angkya zupabu hax ma dangjale thungle ngo, Hwom khangbu to haxbu fu ilaxle tsangtsa ma nyikhwon awunlaxle. Naochabu hwom khang haxchi to akhux.

2 SAMUEL 13:31

Wanghom a ajong, mongma laxle chix nyix akyet, ilaxle chix alüile haxkha to tswonle awüt. Chix füi tomle ikhama tüile asukya chix dabue chuwüi ma nyi-za akyet.

HUAKE LAIPEX 14:6

Ilaxle Nun sasün Jihusua hia Jefuneh sasün Kaleb hokhie mongtsik laxle ma nyi-za akyet

MIKNGÜN-OHÜN 18:19

Hwome ma khang to alüile hax füi fu; hwom mongma üntoxle sople thüi: “Naowange! Ipong chongkya tingnu müt, ngünlaxle ku zamaxüntong! She füi thalex juatai laxle, she angkya tuina füitix; tinu khatokya khua hopunubuchu, ahak-aluale tüikya changwüi! Ikoxle khonta tuita mong ma wüi, she-e pangwüi amüt asamdaoa!

WANGSHEMBU MWOT 14:14

Hwome ile mok ang achwonle ngokya otue Pol hia Barnaba nyie awanle lax, hokhie nyiza akyet laxle khünaknu thüntho to laile akhong,

JOB LAIPEX 2:12

Ochu tokhange wüi hwome Job ngünle lax ikoxlechu hwome chix chitsingtsuak. Chemtue hwome tsingle changpuix, hwom tüle-tüle azole akhongle sop. Hwome ma mongma ahole manyi-mazabu akyet ilaxle ding to labu atwomle ibu füi hwom khangto fu.

JOB LAIPEX 1:20

Ifüitomle Job ajong üntoxle mongma laxle chix nyi-za akyet. Chixe khang ongle awut ilaxle thün haxchi to ajole akhux.

ESTAR 4:1

Chemtue ile changkyabu Mordekai-e awanle laxpuix, mongtsik üntoxle chixe chix nyi akyetle awüt. Ifüima chixe nyikhwon nyi lax, chix khang to labu füi fu, üntoxle tingjang lomnu to aham. Chix tüle akhongle sople ahamkyae

2 SAMUEL 12:16

Nao kakmüi angkya hanpakmale Dawid-e Jowanpa to jop. Chixe süt ngaxchu münsaxpule chisax-chiling ilaxle jafole chix nui to nguilaxle haxkha ma shuile zang angai.

2 SAMUEL 1:12

Jowanpa khünakbu Sol hia Jonathan tamchu Israel nokbu hanpakma hwom mang sople hansong kople süt saxling chitüile atsao, chemthüikoxle ija zanhok ma khünak müimamale lang.

1 SAMUEL 4:12

Benjamin homjen angkya mixsün tuita ija nyixnyix wüi zantam tokya chatle Shiloh to ngui. Chix mong makya aho ang, chixe chix nyi akyet ilaxle khang to haxkhix füi fu.

KAXFÜNPA-HWOM 21:2

Ikhoma athax Israel khünaknu Bethel to paolaxle Zang ngwotnui ma hwom han-ahomle thung ilaxle ile akhongle hwome mang sople thüi:

KAXFÜNPA-HWOM 20:26

Ifüima Israel khünaknu pangwüi Bethel to ka ilaxle ikhato mangsop. Hwom ikhato Jowanpa tunthoma ngo ilaxle hansong alople hwome sax-lingle chichang. Hwome Jowanpa ngwotnui ma notom-tusüi tö hia otom ma lanle zokle ashunkya töbu kox.

HUAKE LAIPEX 16:45

“Ibu khünaknu ha angkya füito chatün, hwom kue athax ile onui ma amütüi!” Okhi pangnyi wüi haxchi to hule akhux,

HUAKE LAIPEX 16:22

Ikoxlechu Mosa hia Arun nyie thün haxchi to akhuxlaxle thüi: “O, Zang! Nang a pangnu khüzün otong. Khünak tuitae achaxle le khünak pangwüi füi mongmale hi?”

JIHUSUA 7:7

Ilaxle Jihusua-e thüi: “Khüthak Zang! Nange kwom Jordan shuanu atale jao omalax ang apüikya? Amor nok chak to kox ang apüikya hia? Kwom amüt ang apüikya hia? Kwom a Jordan shuanu tachi towüi ngo ang tomlax angpu.

2 SAMUEL 1:11

Dawid ang mongma ilaxle chixe ma nyi akyet, ilaxle chix khünakbu noke manyinyi akyet.

2 WANGHOMBU 22:11

Chemtue wanghompa-e ija laipex ele lekya atatle laxpuix, chix ang mongma ilaxle chix nyi akyet,

2 PUKAX-PANGAO 34:19

Ija laipex ma tüikya wanlombu ele lekya atatkya füi tomle wanghompa-e mongto kaklaxle chix nyibu akyet

JOB LAIPEX 42:6

Ikhoma kue akax daokyabu bama ku tüle azak maxle ilaxle haxbu khato wotle mong alüixpu.

KAXFÜNPA-HWOM 11:35

Chemtue chixe she ngünle laxpuix, chixe mongtsik laxle chix nyi akyetle thüi: “Oh, ku sacha! Nange ku mong ashixdaoa! Ku mongto okak adün angkya nang ang wüio lechu büthüikoxle chang angkya? Kue Jowanpa füi tsaotsütle changdaoa, ilaxle kue ija chatle achat ang müntsuak!”

2 SAMUEL 1:2

Ofüinyix Sol pom tokhange naosün tuita ngui. Chix mongma aho ang chixe ma nyi akyet ilaxle khangto haxbu füi fu. Chixe Dawid hato hüilaxle chathua zakya ahole hax to akhux.

2 SAMUEL 13:19

She-e ma khang to haxbu füi fu, she nyi akyet, ilaxle she thün to chak füi khung laxle sopngale laile pao.

IZRA 10:1

Chemtue Zangshwom-Hom tunthoma Izra zangjop ang akhuxle, ibu onu-ochaxbu ngaile sople ngokyahex, Israel nok khünaknu othom chongkya tuita: lükabu, shekobu, ilaxle naosom hwom: chix zui akhople asox ilaxle mongto kakle sop.

NEHEMIA 9:1

Ija lyetjangjang ma wüi nyixtsa ali nyixkha Israel khünaknu a hwom ochaxbu khoma mongmax ahole chisax-chilingle atsao angkya hanpakma asox. Hwome hwom lailai to mixnokbu füi atsaile changdaoa. Hwom mongma aho ang hwome nyi-za otsyenbu lax üntoxle khangpongbu ma haxbu füi lyet. Ifüima hwom ajong ilaxle hwome tamchu hwom pupa hwome lyenkya ochax pangwüi ngai.

ESTAR 4:3

Wanghompa kaxhua apukle changkya haxtok pangnu khato wüi, Judah khünakbu a mangsopkyae awangle tüikya. Hwome chisax-chilingle atsao, sop, mongmaxle sop, üntoxle hwom sülui tukuxe nyikhwon nyi awun ilaxle labu khato jip.