JIHUSUA 7:25 - OTSAO BAIBEL (BSI)

²⁵ Jihusua-e atüi: “Nange kwom hato ipongkya thama büthüikoxle ngui ang tompu? Athax nang hato sikngün Jowanpae apüiüi!” Khünaknu pangnusae Akhan long füi thuple lang, hwome chix homkha chu bakle thuple lang ilaxle hwom füi tomle tuinabu chu komkaile zokle ashun.

JIHUSUA 7:25 ပူးပေါင်းရင်းမြစ်များ

JIHUSUA 6:18

Ikoxlechu amüt angkya oli hünzome litutachu chitoxüi; hünzome lax-twonle jangchang thüiningle Israel pom hato thama apüiüi.

1 PUKAX-PANGAO 2:7

Akhan owa Karmi sasün changpuix, chix a Zerah sixli tuita. Zang ang koxkya tuina kha angkya khomle kopkya makhange chixe Israel nok hato thama apüi.

TSAITONG-KAXTONG 17:5

ija khünak a tingnu panfang to paolaxle long füi thuple langdao.

LIWI 24:14

“Ija mixsün a pom angkya homtho to alaidao. Chixe Zang to thuakzomle changkya zing opangsae atatle laxpuix, hwom bibie chix a thaile le aho ang, hwom chak füi chix khang ma twon ang laxkox, ifüima noknue chix a long füi thuple langüi.

LIWI 20:2

Israel khünaknu füi ija akax angkya kaxkox: “Hünzom wüi changlax chichangba hünzom khato ngole hüikya mixnok wüi changlax, owae masu-masabu Molek baozang shwom ang koxle changüihex, ija mixsün a noknue long füi thuple lang angkya changpu.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

2 THESALONIKA 1:6

Zange oja supuix ija moküi; hünzom sikngün ang tomkyabu hato Zange sikngün apüi koxüi;

GALATIA 5:12

Hünzom to tingtui adün ngokyabu hwom lualua le ma lailai to naxzüt ngokox!

JIHUSUA 7:15

Kue taxlax-ole thüikya tütali owama bangpuix, chix a kako-homkha hia chix tuina pangnusa füi afomle zokle ashunüi, chemthüikoxle chixe Israel nok hato müimamakya thajao apüidaoa ilaxle ku Tsaotsüt amale changdaoa.”

TSAITONG-KAXTONG 21:21

Ifüima tingnu angkya khünakbue chix to long füi thuple langüi; ile hünzom ininglükya ochax füi atsaile ngo ang thoüi. Chemle changpuix ija zing atatlaxle Israel khünak pangnusa wüi zaüi.

TSAITONG-KAXTONG 13:10

Hwom a longfüi thuple langdao! Hünzom Ijip nok to da ang ngokya khosünle apüikya Jowanpa hünzom Zang füi atsaile hünzom pao ang azongkya mix hwom changpu!

LIWI 21:9

Nguapa tuita sacha ma tsangtsa hangkya mixcha tuita ang jang achang, she-e hopa ang zak-akoppu; idaile she a wünkha to zokle lang angkya changle.

LIWI 20:14

Owawae sheko tuita lax ilaxle manu laxle jangchang thüiningle hwom azom pangwüi, hwome mokdaokya zakkop mwot khoma wünkha to zokle lang angkya oli changpu. Hünzom khama iningle chang ang chikox angkya oli changle.

PONGWANG LAIPEX 38:24

Lyet azom tukux füima owawae Judah ang thüi: “Nang nomcha Tamar tsangtsa hangkya mixcha tuita ningle ngolaxle athaxpi she ma naotüiüna.” Judah-e kaxkox: “She kotok to alailaxle zokle langdao.”

PONGWANG LAIPEX 34:30

Jakop-e Simeon hia Liwi nyi ang thüi: “Hünkhie ku hato tingtui apüidaoa; athax-a, Kanan nok, Periz nok tamchu ija haxtok ma atüitüi pangnusae ku to miktsakle changüi. Ku ma khünak aluile chitüi; hwom pangwüi asüilaxle ku füi alünle ajongle jangchangba, kem homkha pangwüi max angkya changle.”

1 SAMUEL 14:29

Jonathan-e lan: “Apa-e khünaknu hato ipongpongkya ziama büthüikoxle apüi! Hulax kue hidaole nax-ti saxlaxle tix chemtukux tsak-zong koppuix!

TSAITONG-KAXTONG 13:11

Ifüima chempangle changpuix ija bama Israel khünak noknue atat ang kopüi; hwom chazale changüi ilaxle iningkya haxshix mwot owaechu chimoküi.

WANWÜNKAX 1:19

Ahuxmix a huxmix chak ma lam: owa khünak changnong-pünthomle ngopuix, chix hanpakma ilele wüi changle hüipu.

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.