JIHUSUA 7:24 - OTSAO BAIBEL (BSI)

²⁴ Jihusua tamchu Israel khünaknu pangnue, Akhan füi tomle khop-jan, chun, chix nyihom, ilaxle chixtui-chixna komkaile kop, ilaxle hwome ibu pangwüi Tingtui haxsha to pao.

JIHUSUA 7:24 ပူးပေါင်းရင်းမြစ်များ

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.

HOSIA 2:15

Kue she kux grep haxtok achatle koxüi ilaxle tingtui haxsha a monghom kafülom ang achangüi. She Ijip nok tokya nguitanto, she tuita naocha ma tüipongma ku kax to lankya ningle she-e ikhato ku kax to lanüi.

ISAIA 65:10

Hwome ku to shwomüi ilaxle hwom chun hia osu-maihubu hannopchi angkya Sharon Haxsha ma tamchu handünchi angkya Sikngün Haxsha ma fum tsüt ang tomüi.

JIHUSUA 15:7

Ilaxle mikmüt haxsha makhange Debir alople, ilaxle Gilgal alople shuakux chito kwon, ija a haxsha zongma shuathongchi Adumin Lomnu füi asaole tüikya. Imakhange ija longzie Enshemesh shuasa aloplaxle Enrogel to laile pao,

JIHUSUA 7:26

Hwome ibu ding ma thupkya long tüle atsongle athün, ija anyix kople tüingole. Ija khoma anyix kople ijakha ang Mikmüt Haxsha le nyakle tüile. Ifüima Jowanpa mongtsik dang.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

HWON-NWOT-JAONO 5:13

Chaxwannu ma kue za-adünle ngünkya oli tuita tüile, ija a: hwome lomkya thoma naxbang ang khünaknue ngun athünle thomle,

JOB LAIPEX 20:15

Chichangchizangkyabue ahuxle kopkya tuina fatle alaile; Zang-e hwom wok-kha tokya ngaxchu chatle alai laxle.

JIHUSUA 7:1

Jowanpae Israel khünakbu ang Jeriko tingnu angkya amüt angkya oli chemchu taxlax-ole thüikya kaxtom kax ma hwome chilax. Akhan le amünkya mixsün tuitae ija kaxte, ikhoma Jowanpa ang Israel nok füi tüle mongtsik-mongma. (Akhan a Karmi sasün Zabdi hosu Judah homjen Zerah saxthom angkya changkya.)

JIHUSUA 6:21

Hwome ma changlobu füi tingnu ma atüitüi komle, sheko, lüka, taiko, naosom pangwüi lang. Hwome osu-maihu, chun hia zwonbu chu pangwüi lang.

JIHUSUA 6:18

Ikoxlechu amüt angkya oli hünzome litutachu chitoxüi; hünzome lax-twonle jangchang thüiningle Israel pom hato thama apüiüi.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

JIHUSUA 7:23

Hwome ibu nyihom mong angkya alai, ilaxle Jihusua hia Israel nok lompabu tuntho to apüi, ilaxle ibu pangwüi Jowanpa tunthoma dan.

JIHUSUA 22:20

Zerah sasün Akhan-e amüt-toxdao-o lükya tuina tüikya makhange kax ma chilaxle ochax lyen; ikhokho ma Israel khünaknue sikngün apongkya texle ataklax. Ija chix ochax khoma Akhan chix tata ahuakle zikya chichang.”