JIHUSUA 7:21 - OTSAO BAIBEL (BSI)

²¹ Kwome tingtakle kopkya tuina khama kue Babilon nok nyimüi, khopjan tuak anyi tukux ilaxle hun dwon tuak ta tukux, ku mik-hu ma tüle mikzalole ngünlaxle, kue laxsele osingkya khoma ibu kople thomkoxa. Hünzome ibu ku nyihom mong ma othongchi ma khop-jan sholaxle akhünle thomkya ataküi.”

JIHUSUA 7:21 ပူးပေါင်းရင်းမြစ်များ

JAKOP 1:15

Ifüima ochax lom to mongzokkya otue kem ma awoküihex; ochax puxle alaiüi; üntoxle otue ochax tsongle hüiüi hex, zik puxle alaiüi.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

MÜNCHUAK-TSAI 119:37

Kue chilaxlibu to mongkoxle ngo ang taxtom; nang tsaodaokya ningle nang ku zongto müihüi.

2 PITAR 2:15

Hwome tangthokya lom dantoxdaoa ilaxle hwome lom asamdaoa. Hwome Beor sasün Balam ahamkya man tole tüiüna. Ochax mwot mokle achakkya ma kopkya chix ngun to chixe tüle mongkün,

TSAITONG-KAXTONG 7:25

Hwom chapabu zokle ashundao. Hwom ma tüikya hun hia khopbu to osingkya taxtüi, ilaxle ibu hünzome makux ang taxlax. Hünzome ile jangmok ija a hünzom zongto tuita thama ang changüi, chemthüikoxle Jowanpae chapa to shwomkya thua anule.

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

WANWÜNKAX 28:22

Nüfux füikya khünakbu a ahak-alua ang müimamale akhangle, otui-onuake hwom to chemtue hongkhup ma hongüihex hwome müntik.

2 SAMUEL 11:2

Nyixta tsomfüie, Dawid jiple ngokya zolaxle chix wanghom homlo homkho to dong. Chix homkho to dongle ngopongma, sheko tuitae ti ajole ngokya chixe ngünle lax. She osün huanuma müile tüikya.

PONGWANG LAIPEX 6:2

züizüi zangkho tokyabue ibu shekobu tüle osün müile ngün, ikhoma hwome mamong atsutsu tuipong tswonle lax.

PONGWANG LAIPEX 3:6

Chemtue ija mixchae pünziak a saxkoxle müi ang asusule mik-hu zongma tüle müile ngünle laxpuix, jetüi-hwonlangle chang angkya to mongzalo laxle ija pün angkya oziak khaile sax; ilaxle she füi tomle tüikya ma kakopa ang chuwüi hidaole kox; chixe chuwüi ija sax.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

EFISIA 5:5

Chemthüikoxle chinunchakkai khünak, chitsaokya mix chichangba chapa shwomkya mix opupuechu Khrista hia Zang Wangting ma wom ang müntsuaküile hünzome awanle ngopu.

EFISIA 5:3

Hünzom a Zang khünaknu changkya daile, tüta ningkya chinunchakkai chichangba chitsao chithakya chichangba osing nüfux chemchu hünzom khama bwomle wün ngo angkya jaojao münchang.

KAXHO MÜIKYA LUK 12:2

Ikoxchutix otok to chilaitsuak angkya lima chemchu akhuple münthomüi; üntoxle awan ang chitsuak kya lima chemchu pyenle münthomüi;

HABAKUK 2:9

Hünzom a maxdaoa! Changnong-pünthomle mixkux tsui apüikya füi hünzom ahak-aluale chang ilaxle hünzome ma hom to mix chakmok-janlangle chakju ang chithole zing thompu!

ISAIA 29:15

Ma mwottho Jowanpa pomtho ma pyen ang azongkyabu a maxdaoa! Hwome hwom mwot huxsa ma mokle ilaxle ija hwome mokle ngokya mwot owaechu münngün chichangba müntsingle thütle.

ISAIA 28:15

Hünzom a zikmüt-mangkho füi muamüi laxle amalum füi zangwün azutle tsuakdaoale ngamtüi. Thama hüikya tuk ma hünzom a ijae tsiakle toxüile mong chongtüi; ija a hünzome ma khangkhom man angkya bama kaxthai zangwün hia dyen-ngankya to onglaxle ngokya khoma changpu.

WANWÜNKAX 23:31

Ija zawan khato je pongma tomkhile, huba tsutsule othong to jule ngünkoxchu, nang to ju füi thwontsingkya tüi ang taxtom.

WANWÜNKAX 4:23

Nang mongjang bama khünkhilax; nang khüzün a nang tutexbu makhange tix zingle.

JOB LAIPEX 31:1

Sheko tuita to mikzalole chihu angkya, kue mong makhange tsaotsütpu.

LAIPAO 20:17

“Mixkux-mixka to za-taxlo; mix kakonu, mix da, mix tsom-pom, chichangba mixtui-mixna chemtochu osingkya taxtüi.”

PONGWANG LAIPEX 10:10

Pongwang ma chix wangting ma ibibi womle tüikya: Babilon, Erek hia Akad; ibu pangwüi Shinar haxtok ma tüikya.

JIHUSUA 7:20

Akhan-e lan: “Ija changkox-a. Kue Jowanpa, Israel nok Zang tunthoma ochax lyendaoa, ilaxle kue mokkya a ija changpu.

JIHUSUA 7:22

Ikhoma Jihusua-e khünak züita tsanle apao ilaxle hwome ibu lün ma womdaokya mwot-kat otsingtomtata ma, othong ma khop-jan sholaxle hax to akhünle thomkya atak.

2 WANGHOMBU 7:8

Chemtue ija mixsün ali hwom thongnui to nguipuix, hwom nyihom mongto dong, ikhama abang-bang pangwüi sax-lingle chang. Khop, hun hia nyi-za, ikhama abang-bang pangwüi hwople kop, ilaxle ibu tsuile paole khom. Anaole chatlaxle hwom mama nyihom to chuwüi dong, ilaxle ikha angkya tuinabu chuwüi tsuile pao.

PONGWANG LAIPEX 34:27

Ile khünak lang füima, Jakop sasün hwom mamabue tingnu angkya tuinabu komle tsui paole mana-manao to chimüile hwonkya olüix khom.

WANWÜNKAX 1:19

Ahuxmix a huxmix chak ma lam: owa khünak changnong-pünthomle ngopuix, chix hanpakma ilele wüi changle hüipu.