JIHUSUA 6:21 - OTSAO BAIBEL (BSI)

²¹ Hwome ma changlobu füi tingnu ma atüitüi komle, sheko, lüka, taiko, naosom pangwüi lang. Hwome osu-maihu, chun hia zwonbu chu pangwüi lang.

JIHUSUA 6:21 ပူးပေါင်းရင်းမြစ်များ

JEREMIA 48:18

Hünzom Dibon ma ngokyabu, hünzom achuak-achenle tüikya ngwotnui tokya thailax ilaxle hax ma labu khato ngolax; Moab ama angkya mix ima tüile ilaxle ija angkya zanhunuibu amale toxdaoa.

MIKNGÜN-OHÜN 18:21

Ifüima tüle tsakkya kaxtaimix tuitae anthut long büta chongkya longnu tuita tswonlaxle ija tinu khato tswonle awütle thüi: “Ilailaile chongkya tingnu tuita, Babilon a zongma laxle tswonle awütüi, ilaxle ija chatle tamchingünüi.

1 WANGHOMBU 20:42

Ifüima ajepae wanghompa ang thüi: “Ija a Jowanpa kax changle: Kue langdao-ole thüikya khünak nange chilangle paole azang ang tomkya khoma nange ija tha a nang tsün koxle thom angkya changpu. Ija ningle chix süpahibu azangle pao ang tomkya khoma nang süpahibu a amüt angkya changle.”

1 SAMUEL 15:8

chixe Amalek wanghompa Agag ozün ma kop ilaxle khünaknu pangwüi lang.

1 SAMUEL 15:3

Paokox ilaxle Amalek nok tingtakkya ningle tingtakle hwom ma atüitüi pangwüi langdao; mixnu-naosa, sheko-lüka tamchu naosa le chemchu chisüile langdao; tsom-pom: maihu, chun, ut hia mantsak, ibu pangwüi langdao.”

JIHUSUA 11:14

Israel khünaknue ibu tingnubu angkya thalix tuina hia tsom-pombu hwom hanpak ang pangwüi tüi. Ikoxlechu khünak-nak a pangwüi lang; owachu ozün ma chitox.

JIHUSUA 10:39

Chixe ija ting kop, ikha nok wanghom tamchu tomzi nok wanghombu pangwüi kop. Hwome ikhama pangwüi mik amüt. Hebron hia Libnah nokbu, ibu wanghombu füi afomle chemle hwondao laxpuix, ilailaile Jihusua-e Debir tingnu hia ija wanghompa tochu hwon.

JIHUSUA 10:28

Ija nyix Jihusua-e Mekkedah nok tingtakle ija nok wanghompa kop. Tingnu mong ma chixe pangwüi mik amüt; owachu ozün ma danle chitox. Jeriko wanghompa to chixe chemle hwonpuix ija lailaile Mekkedah wanghompa to chuwüi hwon.

TSAITONG-KAXTONG 7:16

Jowanpae hünzom ang lüt ang tomkya hünzom zanpabu pangwüi amütkox, hwom to ojao chingcha taxaho. Hwom baozangbu to taxshwom, chemthüikoxle ija a mawüt masan ang changüi.

TSAITONG-KAXTONG 2:34

Ifüi tomle keme tingnubu pangwüi koplaxle ibu amüt, ilaxle khünak pangwüi, mixnu-naosa, mixmüi chemchu chisüile, komkaile langle awütpu. Keme owachu ozün ma chitox.

TSAITONG-KAXTONG 13:16

Ikhama ngokya khünaknu tuina komkaile afoxlaxle tingtan mong ma athünkox. Ilaxle Jowanpa hünzom Zang ang tuita tö koxkya ningle, ija tingnu tamchu ima atüitüi komkaile zokle ashundao. Ija a tamchatle zingkya chitüile othuithui hanpak ang thom-mwonle naxngo.

JIHUSUA 8:2

Jeriko hia ija wanghompa to chemle hwondao laxpuix, nange ilailaile Ai hia ija wanghompa to chuwüi hwon angkya changpu, ikoxle hünzome tuina hia tsom-pom hünzom hanpak ang tüi ang tsuak. Ija tingnu to lomnong tokhange hüilaxle allele sing ang achwonlax.”

JIHUSUA 8:22

Tingnu amüt tsuaklaxle Ikha angkya Israel nok ija azanle ngokya khato ngui. Imakhange sisile Ai nok a pao nui ojao chitüile Israel noke akhople koplaxle hwom pangwüi langle awüt. Owachu paole azang ang chikop, ilaxle ija akaile owachu ozün ma chingo.

JIHUSUA 9:3

Ikoxlechu Gibeon angkya khünaknu opang Hip nok changkya hex, hwome Jihusua-e Jeriko hia Ai nok to mokkya ozing atat,

JIHUSUA 11:11

Hwome ikha angkya pangwüi langle awüt; owachu ozün ma chitox, ilaxle tingnu a zokle ashun.