JIHUSUA 6:18 - OTSAO BAIBEL (BSI)

¹⁸ Ikoxlechu amüt angkya oli hünzome litutachu chitoxüi; hünzome lax-twonle jangchang thüiningle Israel pom hato thama apüiüi.

JIHUSUA 6:18 ပူးပေါင်းရင်းမြစ်များ

1 JUHAN 5:21

Kuli-kunaohom, ma alüile othai zangbu chak tokya azünle thomlax!

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

JIHUSUA 7:1

Jowanpae Israel khünakbu ang Jeriko tingnu angkya amüt angkya oli chemchu taxlax-ole thüikya kaxtom kax ma hwome chilax. Akhan le amünkya mixsün tuitae ija kaxte, ikhoma Jowanpa ang Israel nok füi tüle mongtsik-mongma. (Akhan a Karmi sasün Zabdi hosu Judah homjen Zerah saxthom angkya changkya.)

JIHUSUA 7:25

Jihusua-e atüi: “Nange kwom hato ipongkya thama büthüikoxle ngui ang tompu? Athax nang hato sikngün Jowanpae apüiüi!” Khünaknu pangnusae Akhan long füi thuple lang, hwome chix homkha chu bakle thuple lang ilaxle hwom füi tomle tuinabu chu komkaile zokle ashun.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

JONA 1:12

Jona-e lan: “Hünzome ku tinu khato tswonle awütkox, ijama ija zangchei zaküi. Hünzom ipongpongkya zangchei thama füi apong ang tomkya a ku thaikya khoma changpule kue awanle.”

HWON-NWOT-JAONO 9:18

Chang-pax füi ngaxchu müikya mwot je-hwon-e wüi sümokle, ikoxle ochax khünak tuitae müikya mwotbu huanuma achat ang tsuakle.

2 SAMUEL 21:1

Dawid wangtsün ma chizakle zanglao azom kaikuak-saonu le. Ikhoma Dawid-e ija bama Jowanpa füi tsaitik-kaxsho, ilaxle Jowanpae thüi: “Sol hia chix homkha khünakbu a mix mik amütkya ma thaidaoa; chixe Gibeon nok komkaile langle awütpu.” (

TSAITONG-KAXTONG 7:26

Chapa ijabu tüta ningkyachu hünzome ma hom to taxapüi, ile jangchang thüiningle hwom hato hüihaxkux thuakzom bakle hünzom hato hüiüi. Hünzome chapa ibu to wünhaile tamchu anule changlax, chemthüikoxle ibu a Jowanpa othuak-ozom ma tüile.

JIHUSUA 7:15

Kue taxlax-ole thüikya tütali owama bangpuix, chix a kako-homkha hia chix tuina pangnusa füi afomle zokle ashunüi, chemthüikoxle chixe Israel nok hato müimamakya thajao apüidaoa ilaxle ku Tsaotsüt amale changdaoa.”

TSAITONG-KAXTONG 13:17

Olithule amüt angkya othuak-ozom ma womdaokya tuina ma hanpak ang tütalichu taxtüi, ile changkox tix Jowanpae chix mongtsik mongma tokya mongchat laxle hünzom hato chingcha ahoüi. Chixe hünzom to chingchaüi ilaxle hünzom a tüle pu-tsakya khünaknu ang achangüi, ija a chixe hünzom putong hwom tsaosaxdaokya ningle changüi.

JIHUSUA 7:13

Zolax! Khünaknu atsaolax ilaxle hwom ku hato hüi ang achwon ang tomkox. Hwom füi ngainop wüi achwon angkya kax laxkox, chemthüikoxle ku, Israel nok Zang-e ija kax akax angkya tüile: ‘Israel khünaknu, kue hünzom ang amütdao-ole thüikya tütali bwot-ba hünzome koplaxle tüile! Hünzome ija awütle ma-atsao tanto hünzom zan tuntho to ajong ang müntho!’

TSAITONG-KAXTONG 23:10

Khünak tuita zangnak ma wünmang chito ngünkya thoto oti paole bang koxle zanglom ma chitsaokya ang jang achang, ija khünak a pom homtho to lailaxle ikhato ngo angkya changle.

1 SAMUEL 15:9

Ikoxle Sol sasün nyie Agag a chilang ilaxle amüimüi chun hia maihu, maihu hosa hia chun hosa ibu chichangba tütalichu amüimüi chilang-chihuak; hwome mwot to chihüi angkyakya lang.