Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JIHUSUA 6:17 - OTSAO BAIBEL (BSI)

17 Ija tingnu tamchu ija ma atüitüi, Jowanpa to shwomkya ang laxle pangwüi olithu angkya changpu. Tsangtsa hangle ngokya mixcha Rahap hia hwom homkha a mik max ang chitomüi, chemthüikoxle kem zyetmixbu pyenle azünkya a she changle.

အခန်းကိုကြည့်ပါ။ ကော်ပီ




JIHUSUA 6:17
26 ပူးပေါင်းရင်းမြစ်များ  

Jowanpae hünzom ang kaxtom koxkya ningle: Hit nok, Amor nok, Kanan nok, Peri nok, Hip nok, ibu khünakbu komkaile amütdao.


Tsahangcha Rahap füichu ile wüi chang. Israel nok zyetmixbu she hom ma athong ang kox üntoxle mama chito khange paole hwom azang ang tomkya khoma, she mwot makhange she Zang zongto sukya ang achang.


Jowanpae thüi: “Jerusalem angkya khünaknu, paokox üntoxle hünzom zanpabu to sikangünkox! Kue hünzom a jan ozong hia khop chisok füikya maihupong tuita ningle tsak-zongle chang ang tomüi. Hünzome jat-libu huanuma olithule changüi, ilaxle hwome changnong-pünthomle kopkya tuinabu hünzome ku Chaxwannu Jowanpa ang kox angkya changpu.”


Mongong makhange she e Israel zyetmixbu wünpwonle kopkya khoma, tsahangcha Rahap, Zang kax ma chilaxle tüikyabu amütkyabu füi tomle max ang chitom le khosün.


Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.


Ikoxle wanlome mongong füi mok angkya chemchu müntüi. Otsing tomtata ma Otsao Lai-e akaxkya ningle: “Wanlom ma alomlom lwot owae tole tsuaklaxpuix chixchu wüi imakhange ozün ma ngoüi.”


Wanlom lwot tokya to onglaxle ngokyabu a othuak-ozome awang laxle tüile. Chemthüikoxle Otsao Lai-e akax: “Owae Wanlom Laipex ma zale tüikya pangnuli to othuithuima kax ma laxle chitüi üihex chix a Zang othuak ozom fangma tüile!”


Ikoxlechu kue apukkya a khünak hato chiaho le pyen thomkya ikoxlechu ijae kem fuazang angkya hexo le chaxwannu mazing tanto wüi Zange tsuakle thomdaokya Zang je-hwon bama changpu.


Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’


“Nang to mohimankyabu to kue mohimanüi; nang to thuakzomkyabu to kue thuakzomüi. Nang makhange pangnu jat-li to mohimanüi.”


Owae Jowanpa to chikün laxpuix, chix to othuak ozom naxtüi! Maranotha: kem Jowanpa, nguihüi!


Jowanpa Khüthak Zang-e ku füi akaxle thüi: “Ziün angkya khünak, kue hwom hanpak ang achwonle thomkya tö sax ang pangnu chitokya o-juxbu sele asox kox. Israel nok haxnu ma ija a tuita chongkya püntut ningle changkya, ikhato hwom müibu sax ilaxle ajibu lingle chang ang thoüi.


Ija a Jowanpa, Khüthak Zang hanpak-zanghan changle: anyix chixe olüix khomüi; anyix chixe chix zanpabu to sikangünüi. Wok afwotle machang machangle hwom a chix changloe saxüi, ilaxle tilan mamüi mamüile hwom aji lingle changüi. Anyix Khüthak Zang-e chix zanpabu tö koxüi shuakuxchi ma, Eufrat zui ma a.


Chix changlo a, tö kox ang lang pongkya chun aji hia ozao lailaile hwom aji hia ozao füi awangle tüiüi. Jowanpae chix tö a Bozrah tingnu ma koxüi; chixe ija a Edom haxtok ma tö koxle müi langkya khama achongkya ang achangüi.


Ija kaxho a khünaknu lompabu kaxtom ma apuk. Nyix azom mong ma owawa chinguile jangthai, hwom tuinabu komkaile tsuiüi ilaxle hwome noktu angkya hwom nokpu chifün max ang tomüi.


Hwompu-hwompa hwom Ijip nok tokya nguipongma hwom to chingcha ahokya Ken nok hato chixe kaxkhün koxle kaxho: “Amalekbu dantoxlaxle hünzom paoün chichang thüiba hwom füi tomle kue hünzom chuwüi langüi tüile.” Ikhoma Ken nok pangwüi pao.


Jowanpae Israel khünakbu ang Jeriko tingnu angkya amüt angkya oli chemchu taxlax-ole thüikya kaxtom kax ma hwome chilax. Akhan le amünkya mixsün tuitae ija kaxte, ikhoma Jowanpa ang Israel nok füi tüle mongtsik-mongma. (Akhan a Karmi sasün Zabdi hosu Judah homjen Zerah saxthom angkya changkya.)


Zyetmixbu a haxhua to donglaxle azwonle ngo. Nyix azom mong ma wanghom süpahibue chamtua-suizang pangnu khato hwom tüichale hule aham, ikoxle hwome chiataktsuak; ikhoma hwom Jeriko tingnu to chat.


Ifüima Kanan haxtok to zyetle hu ang tamnüile chu Jeriko tingnu to hu ang Akasia angkya thongnui makhange Jihusua-e huxsa ma zanhu mix tsanle akat. Ija tingnu to hwom nguikya zuma, hwom a wünpom ang, ma tsangtsa hangle ngokya mixcha Rahap hato ngui.


Paokox ilaxle Amalek nok tingtakkya ningle tingtakle hwom ma atüitüi pangwüi langdao; mixnu-naosa, sheko-lüka tamchu naosa le chemchu chisüile langdao; tsom-pom: maihu, chun, ut hia mantsak, ibu pangwüi langdao.”


Ikoxle jubili zanglao nguikya zuma, owüiole koxdaokya daile ija haxtok a othuithuima Jowanpa hanpak ang ngoüi, ilaxle nguapa haxtok ang ngoüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ