JIHUSUA 5:9 - OTSAO BAIBEL (BSI)

⁹ Jowanpae Jihusua ang thüi: “Anyix kue Ijip nok to da ang ngokya thajao-wünhai awütle fapu.” Ikhoma ija onui ang Gilgal le nyak, anyix kople ikha ang ile wüi nyakle.

JIHUSUA 5:9 ပူးပေါင်းရင်းမြစ်များ

1 SAMUEL 17:26

Dawid-e chix zui angkya khünak ma atüi: “Chuja Filistia mixsün langlaxle Israel nok thajao-wünhai khangkho angaile jangfa thüiningle ija khünak ang chemfaüile tong? Ikoxle Khüzün Zang mün ama angkya ija Filistia songsari mixsün a owale-o?”

JIHUSUA 4:19

Khünaknue Jordan shuanu pongwang angkya lyetnu nyix bün lükya to tale le ilaxle Jeriko zongma handün chikao, Gilgal ma pom zaile athong.

PONGWANG LAIPEX 34:14

Hwome chix ang thüi: “Kwome Khwonzüt-Zom chizingkya khünak ma kwom na kwom nao koxle apao ang müntsuak; ija a kwom zongto müimamakya thajao ang changüi.

LIWI 24:14

“Ija mixsün a pom angkya homtho to alaidao. Chixe Zang to thuakzomle changkya zing opangsae atatle laxpuix, hwom bibie chix a thaile le aho ang, hwom chak füi chix khang ma twon ang laxkox, ifüima noknue chix a long füi thuple langüi.

EZEKEL 23:8

Ijip nok to ngopongma naocha chang zakle oja tsangtsa hangkya mwot mokle hüipuix ija tamchizak. She naochasa ang ngotan tokhange wüi, lükabu she füi jip-pomle she a tuita tsangtsa hangkya mixcha thama twonle hüi.

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

JEREMIA 9:25

Jowanpae akax: “Hwome ma kho sexle amoxlaxle ngokyabu. Ijip nok, Judah nok, Edom nok, Amon nok, Moab nok, ilaxle sak-hax tokya khünaknu to kue sikngün fa angkya hanpak nguile hüile.”

MÜNCHUAK-TSAI 119:39

Ku zale ngokya thajao-wünhai chak tokya ku azünhüi; nang kaxfünbu chemtukuxkya ohünotün changpuix!

1 SAMUEL 17:36

Kue chaxnu hia chepnubu obibihex langdaoa, ilaxle kue ija songsari Filistia sün tochu ile wüi moküi. Chixe ozün ma tüikya Zang süpahi ang ngokyabu adix-adale changkya münmüi.

1 SAMUEL 14:6

Jonathan-e ija naosün ang thüi: “Hai, künyipi Filistia songsari nok hato hwom pom to nguihax, owatsing Jowanpae künyi to asunle chu changtüilax; chixe jangfong, künyi tata wüi chang koxlechu, ibu to lüt angkya künyi to owaechu münabax.”

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

JIHUSUA 5:8

Khwonzüt-Zomzing mwot tsuakkya füima mak mamüi-mamüile khünaknu pom ma nui.

1 SAMUEL 7:16

Zangfo to chix Bethel. Gilgal hia Mizpah, ibu tingnu anguile aham, ilaxle ibu nok to chixe khünak bama tsaifün-kaxwün angkya zangwünbu tsuakle tox.

2 SAMUEL 19:15

Chix chatüi lomba to tüipongma Judah khünakbu Jordan Shuanu ma Dawid füi apong. Hwom a shuanu atale Dawid zun angkya hanpakma Gilgal ma laikyabu changkya.

MIKA 6:5

Ku khünaknu, Moab wanghompa Balak-e hünzom zan to ka ang chemle wünkya dai tamchu Beor sasün Balam-e ija to chemle lankya dai, ibu texle ataklax. Akasia tokhange Gilgal lom to lekya lom to chempangle changkya dai, ibu texle ataklax. Hünzome ibu texle ataklax ijama hünzom khosün angkya hanpakma kue chempangle mokpuix ibu awanle lax ang kopüi.”

ZEFANIA 2:8

Jowanpa Khüthak Zang-e thüi: “Moab nok hia Amon nokbue ku khünakbu adix-adale ajaokya, ilaxle hwom haxtok hwople kop ang thoüile kaxngam akaxkyabu kue atatle hüidaoa.

NEHEMIA 12:29

ilaxle Bethgilgal tokya, Geba, üntoxle Azmaweth tokyabu chuwüi ngui.

HOSIA 4:15

“Israel khünaknu hünzom ku zongto mongong chitüile tüikoxchu, Judah hwom tix ile tix taxnaktüi hom a. Gilgal chichangba Bethawen, ma shwom tole taxchang chichangba ikhama ozün ma tüikya Jowanpa mün ma tsaotsütle taxchang.

AMOS 5:5

Zangshwom ang Bersheba to taxka. Bethel ma ku lomle atak ang taxazong—Bethel a muato maxdao angkya changle. Gilgal to taxka—she ma tüikya khünaknu a zanda ang apaole asam angkya changle.”