JIHUSUA 5:4 - OTSAO BAIBEL (BSI)

^4-6 Chemtue Israel khünakbue Ijip nok dantoxpuix, lükabu hwom pangwüi ang Khwonzüt-Zom zing tsuaklaxle tüikya. Ikoxlechu khünaknue zanglao punyi sak-hax faonu akaile aham, ipongma lüka naosom owa angchu Khwonzüt-Zom zingle chikox. Ikoxlechu, ija hanpak oshuk chito, hwome Ijip toxpongma zankat sangle tüikyabu, hwome Jowanpa kax ma chilaxle tüikya khoma pangwüi zile paodaoa. Chixe tsaotsütdaokya lailaile, hwom putong hwom ang tsaokya, tüle ahak-aluale tamchu haxzaoe awangle tüikya haxtok hwome ngün ang chikox.

JIHUSUA 5:4 ပူးပေါင်းရင်းမြစ်များ

1 KORIN 10:5

Ibachu hwom sülui tukux füi Zang mong chimüi; idaile hwom mangbu faokha to chiakle asam.

TSAITONG-KAXTONG 2:16

“Hwom pangwüi zile tsuak füima,

TSAITONG-KAXTONG 2:14

Ija a keme Kadesh Barnia danle toxkya füikya zanglao tsübün achyet nguile changpongma chang. Jowanpae ile chang angkya hex-ole akaxkya jaojaole ipongma tüikya tsünthom kha angkya mixtsak naomüibu komle zile paodaoa.

HUAKE LAIPEX 14:22

hwomkha angkya ija Kanan haxtok to nop ang ozün ma owachu münnui. Hwome ku tsak-zong zangchangjep ngünle changdaoa ilaxle Ijip nok to tamchu ija faokha to kue mokkya ohünotün mwot hwome ngün ang kopdaoa; ikoxlechu kue adule hüikya to chatchatnaole thwontsing ilaxlechu ku kax ma münlaxpule angampu.

JIHUSUA 5:3

Idaile Jowanpa kaxtom ningle Jihusua-e mok ilaxle Khwonzüt-Zomzing Haxkho le nyakkya ma khama Israel nok ang Khwonzüt-Zom zingle kox.