JIHUSUA 5:14 - OTSAO BAIBEL (BSI)

¹⁴ Ija mixsüne lan: “Ku a ija opupuchu münchang! Ku a ikhama Jowanpa süpahi lompa tuita changpu.” Jihusua-e shwomle chix chitong to nguakle hüilaxle thüi: “Ku a nang dapa changpu, alixachong. Nange ku füi chem wünse tüipu?”

JIHUSUA 5:14 ပူးပေါင်းရင်းမြစ်များ

ISAIA 55:4

Kue chix lompa ang tamchu onok akhokya ang zingpu, ilaxle chix makhange kue hwom hato ku tsak-zong ahopu.

PONGWANG LAIPEX 17:3

Abram-e chix thün hax to lyetle akhux, ilaxle Zang-e akax,

KAXHO MÜIKYA LUK 20:42

Chemthüikoxle Dawid, chixe alüile Achuak Tsai ma thüitüi: “‘Jowanpa-e ku Jowanpa ang thüi: Ikha Ku tsaxchi ma ngolax

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

DANEL 10:13

Parsia angkya kaxtaimix wanghomsae ku nyixtsa büta jao abaxle thompu. Ifüima Maikel, tuita kaxtaimixbu khama lompa, ku to fong ang nguipu, chemthüikoxle ku a ija Parsia nok to ku tata danle tox.

MIKNGÜN-OHÜN 12:7

Ifüima zangkangting to zan lai. Maikel hia chix kaxtaimixbu dragon füi azan; dragonechu chix kaxtaimixbu laxlaxle hwom füi azan;

JUHAN 20:28

Thoma-e lanle chix ang thüi: “Ku Jowanpa tamchu Ku Zang.”

MATHI 22:44

“‘Jowanpa-e ku Jowanpa ang thüile; ku tsaxchi ma ngohüi; kue nang zanbu nang chifa fangma mathom-mathomle!’

MATHI 8:2

Iponge angwonpa tuita chix hato hüi üntoxle chix chitong ma akhuxlaxle thüi: “Nwotmix, nang mong jangtsu thüiningle nange ku amüi fahüi!”

ISAIA 6:8

Ifüima kue Jowanpa kax atat: “Kue opupu apaüi? Kem kaxhomix ang owa changüi?” Kue lan: “Ku paoüi! Ku tomfa!”

HUAKE LAIPEX 16:45

“Ibu khünaknu ha angkya füito chatün, hwom kue athax ile onui ma amütüi!” Okhi pangnyi wüi haxchi to hule akhux,

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

FILIPI 3:8

Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

WANGSHEMBU MWOT 9:6

ikoxlechu nang zolax üntoxle tingkhua to donglax; ikhato nange chemle moküi hex ija owawae apuale faüihex”, le ija kaxzinge thüi.

KAXHO MÜIKYA LUK 1:43

Ku Jowanpa honu ku wai ang ngui angkya ku ma ojao münasu!

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

LIWI 9:24

Jowanpae allele wün alai, ilaxle zokle ashunkya tö üntoxle tö-tsap angkya müizao zokle ashun. Ibu ngünkya zuma khünaknu akhong ilaxle akhuxle thün khom.

LAIPAO 4:10

Ikoxlechu Mosa-e thüi: “Münchangüi, Jowanpa, ku a sütaxakat; ku a tsaothathale tsaidong-kaxdongle tüikya mixchu münchang. Nange ku füi zangwünle chang füima ngaxchu ku iningkya mix ang chiachang. Ku a zangwün chithokya tamchu kax ma thangkya mix changle.”

PONGWANG LAIPEX 17:17

Abraham-e chix thün füi hax to thule akhux, ikoxlechu “Zanglao hota nguiünkya azupa tuitae supux-sapaile chang ang tho ang chami? Sarah angchu zangpuli-bün nguikoxle nao nguidongle chang ang chami?”, le ajang pongma chix nyi.

KAXHO MÜIKYA LUK 5:12

Hanpak tuita ma ngwon kak füikya mixsün tuita tüikya tingsho to Jisu nguile asu. Otue chixe Jisu ngünle laxpuix, chix alüile chixe Jisu chitong to tswonle awüt le thüi: “Jowanpa, nang mong jangtsuba nange ku amüi ang tsuak!”

HUAKE LAIPEX 16:22

Ikoxlechu Mosa hia Arun nyie thün haxchi to akhuxlaxle thüi: “O, Zang! Nang a pangnu khüzün otong. Khünak tuitae achaxle le khünak pangwüi füi mongmale hi?”

LAIPAO 4:13

Ikoxlechu Mosa-e lan: “Münchangüi, Jowanpa, mama khünak owawa wüi shong-akatfa.”

MÜNCHUAK-TSAI 24:10

Ija fuazangkya chongwangpa a owa? Pangnusa to lüttsuakkya Jowanpa: chix a ija fuazangkya chongwangpa changle! Selah

HUAKE LAIPEX 22:31

Izuma changlo koplaxle thünthochi ma kaxtaimix tuita ajongle ngokya Jowanpae Balam ang ngün ang tom, ilaxle Balam-e haxchi to thün ahole akhuxlaxle chix chitong to ma alüile tswonle awüt.

JIHUSUA 20:1

Ifüima Jowanpae Jihusua ang

2 SAMUEL 7:19

Ikoxle nange athax sisi sümokmokpu, Khüthak Jowanpa, nange athax füichima tüi angkya ku sixli hanpak tsaosaxle changpu; nange ija a khünake ngün ang tomfa, Khüthak Jowanpa!

2 SAMUEL 7:20

Kue iboma nang füi chem zextsuaküi! Nange ku awanle ngopu, ku a nang dapa tuita.

EZEKEL 3:23

Ikhoma ku haxsha to laile pao, ilaxle ikhato kue Jowanpa fuazang ngün, ija a kue Kebar Shuanu ta ma tamngün daokya ningle tüikya. Kue thün haxchi to ahole akhux,

DANEL 8:11

Ijae zangkangting süpahi khama Wanghom ngaxchu chitsaokya ang achangle, chix ang nyixfokya to koxle ngokya tö kox azak, ilaxle Zangshwom-Hom ama.