JIHUSUA 4:6 - OTSAO BAIBEL (BSI)

⁶ Longtom ibue khünaknu hama Jowanpae chemle mokdaopuix ija texle atakle lax ang tomüi. Athax füichima, hünzom su-sabue hünzom ma, ija longthün a chem hanpak-hex, le atüikya zuma,

JIHUSUA 4:6 ပူးပေါင်းရင်းမြစ်များ

LAIPAO 13:14

Athax füichi ma hünzom naosombue ija olom twonkya a chem hanpakhex le atüikya zuma, hünzome hwom kax to lan angkya changle, ‘Jowanpae chongkya chix tsak-zong makhange Ijip chaxwan tokya kem laile pao ang tomkya changpu. Ikhato kem a dan ang ngole tüikya.

JIHUSUA 4:21

Chixe Israel khünaknu ang thüi: “Athax füichima, su-sabue ija long chem hanpak-hexle atüikya zuma,

MÜNCHUAK-TSAI 44:1

Kwom na makhange jao kwome ija atatdaoa, O Zang: kwom pupa hwome ija bama kwom hama wünpu, hwom tsün ma nange mokkya ohünotünbu bama a, kaile pupa hwom tsün to a;

JIHUSUA 22:27

hünzom hia kwom, kem bama tamchu kem füima füichi-naoli hwom tsün thoma, kwome Jowanpa to chix Nyihom ma zokle ashunle tö koxkya hia notom-tusüi töbu koxle otsao nui ma Jowanpa to shwomkya changtomtapu lükya münwan tuita ang naxngolax ang tamchu hünzom tokfüi ma, füisu füisabue kwom ang Jowanpa füi tüta mok angkyachu müntüile akax angkya kaxlom naxtsyen ang mokpu.

TSAITONG-KAXTONG 11:19

Ibu a hünzome su-sabu hama anwot-anole changkox. Hünzome hom ma ngopongma, hünzom lomba to tüipongma, hünzome nazak laxpongma tamchu hünzome mwot mokle ngopongma, ibu bama zangwünkya tüikya.

ISAIA 55:13

Athax pongma kongbüibu tüikya khato saipres pünbu nyemüi; huxpün lüi ma martul fumsabu laiüi. Tamchu chiashukle ngo angkya münwan a ija changüi, Jowanpa kue chem mokdaopuix ija texle atak angkya a.”

ISAIA 38:19

Athax kue nang achuakkya ningle, nang achuak angkya a ozün ma ngokyabue tix. Nu-pa hwome naosombu hama chialekya nang mongong bama wün.

MÜNCHUAK-TSAI 71:18

Athax ku azudaoa ilaxle kho thole changdaoa, O Zang, ku danle taxtox! Kue nang tsak-zong hia janzüi bama khuapule changpongma ku füi ngohüi hüile ngokya tsüntsün ma a.

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

EZEKEL 20:20

Sabath nyix a otsao nyix ang achang kox, ikoxtix wüi ija a kem bama tsaotsüt tüikya manwan tuita ang changüi, ilaxle ijae ku a hünzom zongto Jowanpa hünzom Zang changpule texle atak ang tomüi.

EZEKEL 20:12

Kwom ba angkya tsaotsüt tuita ningle tamchu hwom otsao ang achangle fakya a Jowanpa ku changpule texle ngo angkya hanpakmale kue hwom ang Sabath nyi nui angkya kox.

HUAKE LAIPEX 16:38

Hwome tö-tsap ma ibu koxkya füi tomle hwom a otsao ang achangdaoa. Idaile hwom ochax khoma mix mik-amüt daokya khünak, ibu kux wündix hok-khuabu koplax ilaxle pakdangkya khuabu ang achangle thuplax ilaxle tö-tsap to chwopkya ohux ang achanglax. Ija a, Israel khünaknu hanpakma tsaikhax-kaxkhün ang ngoüi.”

LAIPAO 31:13

kaxtom koxle thüi: “Ku hanpakma Sabath nyix thomlax, chemthüikoxle ija a hünzom tamchu ku, kem bama athax füichi hanpak ang jento münwan tuita ang changpu. Ija makhange hünzom a, Jowanpa, kue ku khünak ang zingdaoale aho angkya changle.

LAIPAO 13:9

Ija pangpwon a tuita mongto texle atak ang tom angkya hanpakma changle; ija a oli tuita nang chak ma chichangba nang khangpong ma khale thomkya münwan ningle changpu. Imakhange nang ang ija mo wün angkya tamchu Jowanpa Wanlom tole chang angkya mongto texle atak ang tomüi; chemthüikoxle Jowanpae hünzom a Ijip nok tokya chongkya chix tsak-zong füi alaile paokya changpu.

LAIPAO 12:14

Hünzome ija nyix a zanglom pangpwon tuita hanpak ang laxle, Jowanpa kue hünzom to chemle chingcha daopuix, ija texle atak angkya hanpakma zangpua to puashole nuilax. Athax füichi machu ija hanpak chiamütle twonle ngolax.”

JIHUSUA 4:5

ilaxle chixe hwom ang thüi: “Jowanpa Tsaotsüt Suak thoma achale Jordan shuanu tole-kox. Hünzom pangnue ma suakto ma longtom tuipong, Israel nok homjen foto tuipong ang tswonle apüikox.