JIHUSUA 4:19 - OTSAO BAIBEL (BSI)

¹⁹ Khünaknue Jordan shuanu pongwang angkya lyetnu nyix bün lükya to tale le ilaxle Jeriko zongma handün chikao, Gilgal ma pom zaile athong.

JIHUSUA 4:19 ပူးပေါင်းရင်းမြစ်များ

JIHUSUA 5:9

Jowanpae Jihusua ang thüi: “Anyix kue Ijip nok to da ang ngokya thajao-wünhai awütle fapu.” Ikhoma ija onui ang Gilgal le nyak, anyix kople ikha ang ile wüi nyakle.

MIKA 6:5

Ku khünaknu, Moab wanghompa Balak-e hünzom zan to ka ang chemle wünkya dai tamchu Beor sasün Balam-e ija to chemle lankya dai, ibu texle ataklax. Akasia tokhange Gilgal lom to lekya lom to chempangle changkya dai, ibu texle ataklax. Hünzome ibu texle ataklax ijama hünzom khosün angkya hanpakma kue chempangle mokpuix ibu awanle lax ang kopüi.”

AMOS 5:5

Zangshwom ang Bersheba to taxka. Bethel ma ku lomle atak ang taxazong—Bethel a muato maxdao angkya changle. Gilgal to taxka—she ma tüikya khünaknu a zanda ang apaole asam angkya changle.”

AMOS 4:4

Jowanpa Khüthak Zang-e thüi: “Israel khünaknu, hünzome ochax lyen angkya wüile jangchang, Bethel angkya otsao nui to paolax ilaxle ochax lyenlax! Gilgal to paolax ilaxle hünzome tsuakkya tukuxle ochax lyenlax! Iningle chizakle mokle le-kox ilaxle nopfokya to tö kox angkya müibu apüikox, ilaxle nyix azom lükya to chithaile hünzome ma bünfong apüile changkox.

1 SAMUEL 15:33

Samuel-e thüi: “Nang changlo khokho ma anyix shekobu su-sa chilax homtoxle huanuma ngole tüile, ija lailaile athaxpi hünnuchu masa chilax homtoxle mixcha tuita ang danle toxüi.” Ilaxle chixe Agag a tö-tsap tuntho ma Gilgal ma texle akhix.

JIHUSUA 15:7

Ilaxle mikmüt haxsha makhange Debir alople, ilaxle Gilgal alople shuakux chito kwon, ija a haxsha zongma shuathongchi Adumin Lomnu füi asaole tüikya. Imakhange ija longzie Enshemesh shuasa aloplaxle Enrogel to laile pao,

JIHUSUA 10:43

Ifüima Jihusua hia chix süpahibu hwom thongnui Gilgal to chat.

JIHUSUA 10:6

Gibeon noke Gilgal ma pom zailaxle ngokya Jihusua hato kax akat: “Alixachong! Nange kwom kwom tata taxdan! Athax wüi hüihüi, ilaxle kwom khosün hüi! Haxhua tokya Amor nok wanghom atüitüi komle asüilaxle kwom zan to ka ang achwonle tüia!”

TSAITONG-KAXTONG 1:3

Hwome Ijip nok dantox füima zanglao punyi to lyetbün-ata lükya owang nyixkha, Jowanpae chix ang akaxle koxkyakya kaxtom pangwüi Mosa-e khünaknu hama wün.

TSAITONG-KAXTONG 11:30

Ija haxnu anyi a Jordan shuanu zongma hannop chikao ma, Jordan haxsha ma ngokya Kanan nok haxtok ma tüile. Ibu a Gilgal tingnu zui angkya Moreh ma tüikya otsao pünnu füi alüile chiatsai homtoxle hannopchi ma tüile.)

JIHUSUA 4:18

ilaxle nguapabue shuakax alople changkya zuma, shuanu a amipongkya ningle chatle apongle jen ang süt.

JIHUSUA 5:10

Israel khünaknu Gilgal ma pomzai laxle ngopongma, ija a Jeriko zui angkya haxsha ma, hwome ija lyetkua nyixbün ali lükya hansong ma Kaitox Pangpwon sax.

2 WANGHOMBU 2:1

Chemtue Jowanpae Elija a Zang zangwin makhange pao ang tungpuix, ipongma Elija hia Elisha nyi a Gilgal lom to tüikya.

JIHUSUA 9:6

Gilgal angkya hwom pom to nguilaxle Jihusua hia Israel nok ang thüi: “Kwom a tsailo nok tokya nguipu, kwome hünzom füi pongsaxle muamüise tsupu.”

JIHUSUA 24:11

Hünzome Jordan shuanu tale lelaxle Jeriko tingnu to ngui. Jeriko nok chuwüi Amor nok, Kanan nok, Hip nok, Hit nok, Peri nok, Girga nok, Jebu nok, ibu lailaile hünzom füi azan ang lai. Ikoxle ibu pangnusa to kue hünzom ang lüt ang tom.

1 SAMUEL 10:8

Gilgal to nang ku thoto achale nguile bangüi; ikhato kue nang apongüi ilaxle zokle ashunkya tö hia notom-tusüi tö koxüi. Ikhato ku nguikya tanle nyix-anüt nuithün ilaxle nange chem mok angkya hex ija kue apuale faüi.”