JIHUSUA 3:10 - OTSAO BAIBEL (BSI)

¹⁰ Hünzome alople hüikya zuma chixe Kanan nok, Hit nok, Hip nok, Peri nok, Girga nok, Amor nok ilaxle Jebu nok; ibu pangwüi jwonle apao angkya changle. Khüzün Zang a hünzom khama womle tüile le hünzome awan ang kopüi.

JIHUSUA 3:10 ပူးပေါင်းရင်းမြစ်များ

TSAITONG-KAXTONG 7:1

“Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

LAIPAO 33:2

Nang lom azüi ang kue kaxtaimix tuita ahüiüi, ilaxle kue Kanan nok, Amor nok, Hit nok, Peri nok, Hip nok ilaxlechu Jebu nok jwonle apaoüi.

IBRI 10:31

Ozün ma tüikya Zang chak ma dong angkya tüle zadün changle!

1 SAMUEL 17:26

Dawid-e chix zui angkya khünak ma atüi: “Chuja Filistia mixsün langlaxle Israel nok thajao-wünhai khangkho angaile jangfa thüiningle ija khünak ang chemfaüile tong? Ikoxle Khüzün Zang mün ama angkya ija Filistia songsari mixsün a owale-o?”

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

2 WANGHOMBU 19:4

Asiria nok chongwangpae ozün ma tüikya Zang tha ajao ang chix nguakax-wangkho khama akhokya ahüile. Jowan Zang, nange ibu thajao wünhai kax nax atat ilaxle ibu akaxkyabu to sikngün koxle naxchang. Ikhoma kem khünaknu ozün ma tüile ngokyabu hanpakma zangjople changkox.”

JIHUSUA 22:31

Nguapa Finehas, Eliazar sasün-e hwom ang thüi: “Athax kwome tsingle laxdaoa, Zang a kem füi tüile. Hünzome chix füi chialün, idaile hünzom Israel khünak to Jowanpae sikangünse chak tokya khosünle changdaoa.”

TSAITONG-KAXTONG 31:17

Chemtue ija changle hüiüihex, ku hwom füi mongtsiküi; kue hwom danle toxüi ilaxle hwom a max ang tomüi. Tüle za-adünkya thamabu hwom hato hüiüi. Ifüimatix ibue ku hwom Zang hwom füi womle chitüikya khoma ibu ile changpule tsingle awan ang kopüi.

LAIPAO 3:8

Ku a Ijip nokbu chak tokya hwom khosün angle nguikya changpu; ilaxle kue hwom ikhatokya, müikya tamchu haxka khaole tüikya; tsomti hia nax-ti shuajen jenle tüikya: Kanan nok, Hit nok, Amon nok, Periz nok, Hip nok, Jebu nok, ibu ngokya Kanan chaxwan to apüi angkya changle.

1 THESALONIKA 1:9

Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

MÜNCHUAK-TSAI 9:16

Chix otsao kaxfün makhange Jowanpa chix sukya ngaile ahodaoa, üntoxle chichang-chizangkyabu a hwom mwot mawüi alüile mandaoa. Selah

TSAITONG-KAXTONG 5:26

Khüzün Zang-e wünkha tokhange akaxkya kax atatkya füima ozün ma ngokya khünak tütüichami?

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 WANGHOMBU 22:28

Mikaiah-e akhong: “Nang müimüi-zangngaile jangchat thüiningle Jowanpa ku füi chiakaxkya ang changüi.” Anaole chuwüi chixe thüi: “Kue chem akaxpuix ija to pangnusae apale koplax.”

JIHUSUA 21:45

Israel khünakbu füi tsaosaxkya Jowanpae tuita chu alakle chitox, ikoxle pangwüi tsuakle hüi.

LAIPAO 17:7

Ija kha ang Massah üntoxle Meribah le nyak; chemthüikoxle Jowanpa kem füi tüile leo? le khünakbue kaxthup-ngaotünle Israel noke chix to thwontsing.

JUHAN 6:69

Ija to kwome ongpu tamchu nang a Zang tokhange nguikya Otsao changpu le kwome awanle.”

TSAITONG-KAXTONG 7:21

Idaile khünaknu ibu thua taxza. Jowanpa hünzom Zang hünzom füi tüile; chix a tüle chongkya Zang changpu ilaxle chix thua tix za angkya changpu.

JIHUSUA 3:9

Ifüima Jihusua-e khünaknu ang thüi: “Ikhato hüilax ilaxle Jowanpa hünzom Zang-e hünzom füi akaxse lükya zangwün to apale koplax.

JIHUSUA 9:1

Jordan shuanu zongma hannopchi angkya wanghombu: Haxhua nok, haxchithong nok, Mediterenian achole tüikya haxsha nok, shuakux chito Lebanon alople tüikya pangnusae, Israel noke pangnu to lütle hüikya zing atat; wanghom ibu a Hit nok, Amor nok, Kanan nok, Peri nok, Hip nok ilaxle Jebu nok wanghombu changkya.

1 SAMUEL 26:6

Ifüima Dawid-e Hit nok Ahimelek hia Joap tuita-naopa Abisai (Hwom honu a Zarüiah changkya) hwom ma atüi: “Sol pom to ku füito hünkhi opupu dongüi?” Abisai-e lan: “Ku dongüi.”

MÜNCHUAK-TSAI 42:2

Ozün ma tüikya Zang, nang sungkya tilan kuma tüile. Kue nang ngwotnui to nguilaxle chemtue nang shwom ang thoüi?

PONGWANG LAIPEX 15:21

Amor nok, Kanan nok, Girgash nok, üntoxle Jebu nok, hwom bibi haxtok changle.”

HUAKE LAIPEX 13:29

Shuathongchi kaoma Anakimbu ngole; ikoxle Hit, Jebu hia Amor nokbu a haxhuachi ma tüile; ilaxle Mediterenian tinu chikao ma Jordan shuanu ajole Kanan nok tüile.”

JIHUSUA 11:3

Chixe ibibi nok hato chuwüi kaxpua apik: Jordan shuanu pangnyichi ma tüikya Kanan nokbu, Amor nok, Hit nok, Peri nok ilaxle Jebu nok, haxhua to tüikya onok pangwüi hato ilaxle Mizpah haxtok angkya Hebron haxnu chithong ma tüikya Hip nok, ibu pangwüi hato kaxho kox.

JIHUSUA 12:8

Ija haxtok wankam ma: haxhua nok, hannopchi haxnu chithong ma tüikya nok, Jordan haxsha hia ija haxchithong nok, handünchi haxsha ilaxle shuathongchi haxkozan to tüikya onok pangwüi wom. Ija haxtok a Hit nok, Amor nok, Kanan nok, Peri nok, Hip nok, ilaxle Jebu nok, ibu tingtok changkya.

JIHUSUA 24:11

Hünzome Jordan shuanu tale lelaxle Jeriko tingnu to ngui. Jeriko nok chuwüi Amor nok, Kanan nok, Hip nok, Hit nok, Peri nok, Girga nok, Jebu nok, ibu lailaile hünzom füi azan ang lai. Ikoxle ibu pangnusa to kue hünzom ang lüt ang tom.

1 PUKAX-PANGAO 1:14

Kanan a Jebu nok, Amor nok, Girgash nok,