JIHUSUA 24:31 - OTSAO BAIBEL (BSI)

³¹ Jihusua ozün ma ngokya kople Israel noke Jowanpa thothale ngo. Chix tokfüimachu, Jowanpae Israel nok hanpakma mokle hüidaokyabu ngün ang kopkya lompabu bakle mazi-mazile hwome ile wüi mokle ngo.

JIHUSUA 24:31 ပူးပေါင်းရင်းမြစ်များ

KAXFÜNPA-HWOM 2:7

Jihusua ozün ma ngokya kople Israel khünaknue Jowanpa thotha, ilaxle chix tokfüimachu, Jowanpae Israel nok hanpakma mokkya pangwüi ngünle laxdaokya lompabu ozün ma ngokya kople hwome ile wüi Jowanpa thotha.

TSAITONG-KAXTONG 31:13

Ile hünzom su-sabu chemtuechu Jowanpa hünzom Zang Wanlombu atat ang makopkyabuechu ija atatle lax ang kopüi. Ilaxle Jordan shuanu talaxle hünzome kop angkya haxtok to hwom ozün ma ngokya kople Jowanpa kax ma laxle tüi angkya hwome awanle kopüi.”

TSAITONG-KAXTONG 31:29

Ku zile paokya füima khünaknu a tüle chichang-chizangle tüi angkya tamchu kue anwot-anole koxkyabu hwome chilaxle awütüi. Athax füichima hwome thama füi apongle laxüi, chemthüikoxle chixe taxmokle abaxkya mwot mokle changkya tokhange ipongma hwome Jowanpa ang mong atsikle changdaoüi.”

TSAITONG-KAXTONG 11:2

Hünzome chix füi ngole hüilaxle chix bama chempang tsingle hüidaolaxpuix ibu hünzome anyix texle ataklax. Ibu apongle hüikya a hünzom su-sabue münchang ikoxle hünzom jaojaoe apongkya changpu. Hünzome Jowanpa chongkya, chix tsak-zong, chix janzüi,

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

WANGSHEMBU MWOT 20:29

Ku cha achex füima, chisumüikya shwonbu hünzom hato hüiüi, ilaxle hwome othom angkya chunbu komle thomjoüi.

2 PUKAX-PANGAO 24:2

Nguapa Jehoiada ozün ma ngokya kople chixe Jowanpa zong sukyakya wüi mok.

TSAITONG-KAXTONG 11:7

Changle, Jowanpae mokkya chongkya mwot ibu ngünle hüikyabu a hünzom wüi changpu.

PONGWANG LAIPEX 14:10

Ija haxsha a kom-nüiti füikya tswombue awangle tüikya. Chemtue Sodom hia Gomorah nok wanghom nyi zantam angkya paole azang ang azongpuix, hokhi a ija tswomkha to düt; ikoxle mama wanghom hwom azom a haxnu chito paole azang.

KAXFÜNPA-HWOM 2:6

Jihusua-e Israel khünaknu hwom lom tole ang tom. Hwom pangwüi ma haxsütsüt to tingtak-haxzingle chang ang pao.

KAXFÜNPA-HWOM 2:10

Ija tsünthom pangwüi zile pao, ilaxle ofüi angkya tsünthome Jowanpa tamchu chixe Israel nok hanpakma mokkya ohünotün mwotbu pangwüi alakle asam.

2 PUKAX-PANGAO 34:33

Wanghompa Josiah-e, Israel nok haxsüt ma atüitüi nushixdongle tüikya chapabu pangwüi oli thule ama ilaxle chix ozün ma ngokya kople khünaknu ang, Jowanpa, hwom putong hwom Zang thotha-manzaile ngo ang tom.