JIHUSUA 24:19 - OTSAO BAIBEL (BSI)

¹⁹ Jihusua-e khünaknu ang thüi: “Ikoxlechu hünzome Jowanpa thothale chang ang chitho tüilax. Chix a otsao Zang ilaxle chixe hünzom thaikya ochaxbu alak ang chithoüi. Chixe chix zan to kakyabu füi adu ang müntho,

JIHUSUA 24:19 ပူးပေါင်းရင်းမြစ်များ

ISAIA 5:16

Ikoxlechu sukya mwot mokkya tokhange Khüthak Jowanpae chix chongkya ahole, ilaxle chix khünak to kaxfün fakya tokhange chixe chix otsao angaile ahole.

LAIPAO 23:21

Chix chito na thalax ilaxle chix kax ma laxlax. Chix füi alün-aloxle taxchang, chemthüikoxle chix a kue tsanle ahüikya changle üntoxle iningkya olün-olox to chixe thailakkya müntüiüi.

MÜNCHUAK-TSAI 99:9

Jowanpa kem Zang achuak kox, üntoxle chix otsao haxhua ma chix to shwomkox! Jowanpa kem Zang a otsao.

MÜNCHUAK-TSAI 99:5

Jowanpa kem Zang achuak kox; chix tüntong tunthoma achuak kox! Chix a Otsao changle!

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

1 SAMUEL 6:20

Ikhoma Bethshemesh angkya khünakbue thüi: “Ija ningkya otsao Zang, Jowanpa tunthoma owa ajong thoüi? Keme chix kem füi atsaile ojongto apaoüi?”

LAIPAO 34:14

“Mama baozang tütatochu taxshwom, chemthüikoxle ku a ma zanpa chishan tsuakkya Jowanpa changle.

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

ISAIA 30:15

Khüthak Jowanpa, Israel nok otsao Zang, chixe khünaknu füi akax: “Anongle chatlax ilaxle dangjajale ku to mongonglax. Ifüima nang tsak-zongle tamchu chaza angkya chemchu chitüile changüi.” Ikoxle hünzome ile münmokle angampu!

ISAIA 30:11

Kwom ang lomdaple kwom lom tsyenle ngokya achaün. Kwome hünzom Israel nok otsao Zang mowün atat-sele müntsu.”

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

1 SAMUEL 3:14

Ikhoma kue Eli hwom homkha ang thüipu, tütaningkya töbu koxle changkoxchu hwome mokdaokya ochaxbu khoma hwome apong angkya thama achatle lax ang müntsuak.”

RUT LAIPEX 1:15

Ikhoma Naomi-e she ang thüi: “Rut, nang nanaonu a she mamix hia she baozang hato chatdao. She füi tomle nangchu hom to chatlax.”

JIHUSUA 24:23

Ikoxle Jihusua-e thüi: “Jangchangthüiba hünzom ma tüikya mixnok baozangbu füi atsaiün ilaxle Jowanpa, Israel nok Zang hato hünzom ang mong chatlax.”

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

HABAKUK 1:13

Ikoxle iningkya ong angkya ojao chitüikya ochax khünakbu to hule nang chemle ngothoüi? Nang a ochax to hu ang chithokya otsao changpu, idaile khünaknue ochax mokkya to hule nang ngo ang müntho. Jangchangba khünakbue hwom füi ngaxchu sütsaokya khünakbu to thama adünle changkya to nange büthüikoxle chitsapu?

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

LAIPAO 34:7

Kue ku kaxtsao tsünthom-tsünthom to kople thomle ilaxle chichang-chizangkya hia ochax mwotbu thailakkya tüile; ikoxlechu hopu-hopa hwom ochax khoma kue hwom sutai-sulai tsün kople sikngün chifa homtoxle müntox.”

LIWI 20:7

Malailai to tsaole ngolax, chemthüikoxle ku a Jowanpa hünzom Zang changle.

JIHUSUA 24:18

Ija haxtok to kem nguile changpongma, ikhama ngole hüikya Amor nok pangwüi Jowanpae jwonle apaopu. Idaile kwome chuwüi Jowanpa thowüi thaüi; chix a kwom Zang changpu.”

MÜNCHUAK-TSAI 99:3

Pangnusae chix chongkya hia taitax mün achuaküi. Chix a Otsao changle!

NAHUM 1:2

Jowanpae Khüthak Zang-e chix zan to kale changkya chemchu adu ang müntho; chix füi apüile tüikya mix to chixe sikngün ang tomle. Ibu to chixe mongtsik füi olüix khomle.

LIWI 11:44

chemthüikoxle, Jowanpa ku a hünzom Zang changle. Hünzome ma alüile atsaolax ilaxle otsao ma ngolax, chemthüikoxle ku a otsao changle. Chaxwantok ma ozyem ma ahamkya zünmok tüta makhangechu hünzom chitsaokya ang taxachang.

LIWI 11:45

Ku hünzom Zang ang achang ang, Ijip haxtok tokya hünzom zunle apüikya Jowanpa a ku changpu. Ku a otsao idaile hünzom chuwüi otsao ma ngo angkya oli changpu.

ISAIA 2:9

Pangnusae hwom tha ajaole adix-adaüi. Jowanpa, hwom ang thailakkya taxtüi!