JIHUSUA 24:15 - OTSAO BAIBEL (BSI)

¹⁵ Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

JIHUSUA 24:15 ပူးပေါင်းရင်းမြစ်များ

1 WANGHOMBU 18:21

Elija a khünaknu hato dong ilaxle thüi: “Hünzom ang mongzangwün angkya hanpak chemtukux lole laxlaxüi? Jowanpa a Zang jangchang, chix to shwomkox, ikoxle Bal wüi Zang jangchang chix to shwomkox!” Ikoxle khünaknue kaxfa tuita chilan.

TSAITONG-KAXTONG 29:18

Anyix ikhama ajongle tüikya sheko, lüka, kako-homkha, chichangba homjen opupuchu, mixnok baozangbu to shwom ang paoüima, Jowanpa kem Zang hato tok chiaho angkya münchangpuole mongzangwünle tsuaklax. Ile jangchang thüiningle ija a khaxkya hia zik-hing füikya püntsing jukya tuita ang achangüi.

EZEKEL 20:39

Jowanpa Khüthak Zang-e akaxle: “Ilaxle athax hünzom Israel khünak pangwüi, hünzom achwonlax! Paolax ilaxle hünzom chapabu thothale changlax! Ikoxlechu kue kaxkhün koxpu, athax ifüima hünzome ku kax ma laxle chang angkya wüi ilaxle hünzom chapabu ang hingho-chaktwonbu koxle changkya makhange ku otsao mün amale ngokya zak angkya oli changle.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

LAIPAO 23:24

Hwom baozangbu tong to taxakhux tamchu ibu to taxshwom. Ibu nok mwottho laxle taxkop. Hwom baozangbu amadao ilaxle hwom otsao long thuple akhixdao.

KAXFÜNPA-HWOM 6:10

Kue ku a Jowanpa hünzom Zang changpu ilaxle athax hünzom ngokya haxtok ma tüikya Amor nok baozangbu to taxshwomle kue akaxdaoa. Ikoxle hünzome ku kax ma chilax.”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

MÜNCHUAK-TSAI 101:2

Ku zanglom-saikha a thaikya chitüile changüi. Nang ku hato chemtue nguiüi? Ku hom ma kua tsaothakya tsün ngoüi,

MÜNCHUAK-TSAI 119:106

Sukya nange adangle fakyabu kax ma laxle tüi angkya kue ku kaxtsao otia ma thomüi.

TSAITONG-KAXTONG 13:7

Ibu kha angkya tütapue hünzom zui ma ngokya khünakbue shwomkya baozangbu to chichangba tsailo tokya baozangbu to shwom angkya zong adünle chang ang tsuak.

LAIPAO 34:15

Ija chaxwan tokya khünak owa füichu tingmüi-nokzingle taxchang. Chemtue hwome hwom baozangbu to shwomle ibu ang tö koxle changüihex, hwome hünzom ahyenüi, ilaxle hwom baozangbu ang tö koxle changdaokya süt asüt-sele hünzom to thwontsingüi.

PONGWANG LAIPEX 35:2

Ikhoma Jakop-e hwom homkha tamchu hwom füi tüikya khünak pangwüi ang thüi: “Hünzom ma tüikya mixnok baozangbu awütdao üntoxle ma alüile atsaole changlax üntoxle hünzom nyizabu lüilax.

JIHUSUA 24:16

Khünaknue lan: “Kwome mix baozangbu to shwomüi ma otuechu Jowanpa danle müntoxüi!

DANEL 3:18

Chixe kwom kho chisünle chang koxlechu, wanghompa, nange tsingle kop angkya a, kwome otuechu nang baozang to münshwom, ilaxle otuechu nange küile ajong thomkya hun chapa tuntho to münakhux.”

MIKA 4:5

Pangnok jating towüi ma baozang-zang to shwomle ilaxle kam ma laxle, ikoxlechu kwome Jowanpa kwom Zang to othuithuima shwomüi.

LAIPAO 23:2

Hwome thaikya mokpongma tamchu sukya kaxfün tupangpün ang thaikya zangwün apüile changpongma, nang a ibu füito azuile taxchang.

LIWI 14:42

Ifüima awüt daokya longbu manma chatle mama long onüi danüi ilaxle long katuk to haxzün füi pale chwopüi.

1 PUKAX-PANGAO 1:14

Kanan a Jebu nok, Amor nok, Girgash nok,