JIHUSUA 24:14 - OTSAO BAIBEL (BSI)

¹⁴ Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

JIHUSUA 24:14 ပူးပေါင်းရင်းမြစ်များ

1 SAMUEL 12:24

Nang kün-hi-mong tokhange zongbakle mongong tüikya füi Jowanpa thothale changkox. Hünzom hanpakma chixe mokkya ohünotün mwotbu taxalak.

TSAITONG-KAXTONG 10:12

Athax a, O Israel khünaknu, Jowanpae hünzom ma chem jupuix ija to apalax: Jowanpa to shwom-to le changlax ilaxle chix kaxtom ma pangwüi moklax. Hünzome ma kün-hi-mong bakle koxle chix to mongkünkox tamchu chix thothakox,

PONGWANG LAIPEX 35:2

Ikhoma Jakop-e hwom homkha tamchu hwom füi tüikya khünak pangwüi ang thüi: “Hünzom ma tüikya mixnok baozangbu awütdao üntoxle ma alüile atsaole changlax üntoxle hünzom nyizabu lüilax.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

JIHUSUA 24:23

Ikoxle Jihusua-e thüi: “Jangchangthüiba hünzom ma tüikya mixnok baozangbu füi atsaiün ilaxle Jowanpa, Israel nok Zang hato hünzom ang mong chatlax.”

MÜNCHUAK-TSAI 119:1

Thaikya chitüile Jowanpa wanlom fang ma ngotsuak puix, ibu khüzün a mohiman changpu.

EZEKEL 20:18

Ikoxle kue hwom khama tüikya tsünzün thom ang kaxkhün koxle thüi: Hünzom pu-pa hwome zingkya wanlombu taxthom ngo; hwome bangkya zanglom-saikha taxto ngo chichangba hwom chapabu füi hünzom chitsaokya ang taxachang.

MÜNCHUAK-TSAI 111:10

Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

IZRA 9:11

nang dapabu, aje hwom makhange nange fakya kaxtom kax ma chilaxle tüidaoa. Hwome kwom hama kwome koplax angkya haxtok a chitsaokya haxtok changle chemthüikoxle ikhama ngole tüikya khünaknue kaochi makhange atakao kople nushix dongkya hia chimüikya mokkya mwotbue amünle tüidaoa.

2 WANGHOMBU 20:3

“Jowanpa, mongong füi tamchu kax ma laxle nang thothale hüikya ku bama nang mongtex chem hex, ile mok angkya ku azong-afale changkya ibu texle ataklaxmi.” Ilaxle chix a mongmaxle sop ang süt.

JIHUSUA 24:2

Jihusua-e khünaknu pangnu ang thüi: “Ija a Jowanpa Israel nok Zang-e akaxkya kax changle: ‘Kaitanto wüi hünpu hünpa hwom eufrats shuanu talaxle ngokya ilaxle hwome mixnok baozangbu to shwomle ngokya. Ibu pupa hwom khama mixsün tuita Terah le amünkya tüikya. Chix a Abraham hia Nahor hokhi hopa changkya.

TSAITONG-KAXTONG 18:13

Jowanpa to mongpak-fünthole mongong tüikya füi ngolax.”

LIWI 17:7

Zwon ma amuakya baobu ang kothofa to müilang laxle tö koxle, athaxpi Israel khünaknu ang Jowanpa to mong chiongle chitüi angkya oli münchang. Füichima Israel khünaknue ija wanlom a jento thom angkya oli changpu.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

EZEKEL 23:3

Chemtue hokhi naosa ma tüikya hex, Ijip nok to ngole tüipongma, ikhato naocha chang zak ilaxle tsangtsa hangkya mixcha nyi ang achang.

FILIPI 1:10

Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.

EFISIA 6:24

Chizi angkya mongkün makhange kem Jowanpa Jisu Khrista to mongkünkyabu to Zange chingchakya naxtüi.

MÜNCHUAK-TSAI 130:4

Kwom nang thua zale ajong angkya hanpakma nange kwom ang thailak fa.

MÜNCHUAK-TSAI 119:80

Kue nang kaxtombu tsaothale kax ma laxle chang ang tomhüi ilaxle kue zakkop ang taxtom.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

1 SAMUEL 7:3

Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

1 SAMUEL 12:14

Hünzome Jowanpa, hünzom Zang to achuak-achenle, chix thothale, chix zangwün to apale, chix kaxtom kaxbu ma laxle jangtüi, ilaxle hünzome tamchu hünzom wanghompa-e chix füito azuile jangchang, hünzom füi pangnusa müile leüi.

TSAITONG-KAXTONG 6:13

Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

MÜNCHUAK-TSAI 81:10

Ku a Jowanpa hünzom Zang changpu, Ijip nok tokya hünzom kue apüipu. Hünzome wikha lanle akahüi, ilaxle kue hünzom tuxüi.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.