JIHUSUA 24:1 - OTSAO BAIBEL (BSI)

¹ Jihusua-e Shekem ma Israel nok pangwüi sele asox. Chixe Israel nok tüichong mixmüibu, lompabu, kaxfünpabu tamchu nguakax-wangkhobu pangwüi se, ilaxle ibu Jowanpa ngwotnui to ngui.

JIHUSUA 24:1 ပူးပေါင်းရင်းမြစ်များ

JIHUSUA 23:2

Ikhoma chixe Israel nok tüichong mixmüibu, lompabu, kaxfünpabu, ilaxle mama nguakax-wangkhobu pangwüi se üntoxle thüi: “Athaxpi ku a müimamale taikopa ang achangle maxdaoa.

1 SAMUEL 10:19

Ku a hünzom Zang changpu. Hünzom sikngün tuitai hia thangshix pangnu chak tokya hünzom khosünle hüikya a ku changpu, ikoxle anyix a hünzome ku wünhaile changpu ilaxle wanghom laxhüi le mix jupu. Müihule, jangthüiba hünzom homjen-homjen hia saxthom-saxthom ma süile Jowanpa tuntho to asoxlax.’”

WANGSHEMBU MWOT 10:33

Ikhoma kue nang hato akhangle tsanle akatpu, ilaxle nang nguikya tüle müile. Athax a Zange nang ang akax ang tomkya kax pangwüi to apa ang kwombibi ima tüile.”

1 WANGHOMBU 12:1

Rehoboam Shekem to ka; ikhato chix wanghom ang achang ang shuakuxchi Israel nok pangwüi asox.

PONGWANG LAIPEX 12:6

Shekem angkya otsao nui ma tüikya otsao pünnu Moreh ha alople Abram aham. (Ipongma ija haxtok ma Kanan nok ating-anok lüwüi tüikya.)

PONGWANG LAIPEX 35:4

Ikhoma hwome ma ma atüitüi mixnok baozangbu komkaile Jakop chak to kox, ilaxle hwom na angkya nasaxbu wüi sukle kox; ilaxle ibu pangwüi Jakop-e, Shekem zui ma tüikya Ok pünnu tong ma khomle tox.

TSAITONG-KAXTONG 29:9

Ija tsaotsüt ma tüikya wanlom pangwüi kax ma laxle tüikox, ile changkox tix mokkya mwottho pangwüi ma hünzom tho-lünle tüiüi.

JIHUSUA 20:7

Idaile Jordan zongma hannopchi kao ma Galili angkya Kadesh süile kop, ija a Neptali haxtok haxhua angkya Shekem; ilaxle Judah haxhua angkya Hebron le süile kop.

KAXFÜNPA-HWOM 20:26

Ifüima Israel khünaknu pangwüi Bethel to ka ilaxle ikhato mangsop. Hwom ikhato Jowanpa tunthoma ngo ilaxle hansong alople hwome sax-lingle chichang. Hwome Jowanpa ngwotnui ma notom-tusüi tö hia otom ma lanle zokle ashunkya töbu kox.

2 WANGHOMBU 23:1

Wanghompa Josiah-e Judah nok hia Jerusalem lompabu nyak,