JIHUSUA 23:7 - OTSAO BAIBEL (BSI)

⁷ ilaxle hünzom khama danle toxkya mixnok khünakbu füi hünzom tomsax-tommok le chichangüi chichangba hwom baozangbu mün lünle zang chiwünüi chichangba tsaosaxle changpongma ibu mün chilünüi chichangba ibu baozangbu to shwom-to le chichangüi chichangba ibu tong to puinaile chichangüi.

JIHUSUA 23:7 ပူးပေါင်းရင်းမြစ်များ

LAIPAO 23:13

“Jowanpa kue akaxkax to hünzome nathale apalax. Mama baozangbu to taxjop; ibu mün ngaxchu taxlün.

JEREMIA 5:7

Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

MÜNCHUAK-TSAI 16:4

Mama baozangbu hato paokyabue hwom hato alüile thamabu apüile. Hwome tö koxkyabu khato ku münwomüi; kue hwom baozangbu to münshwomüi.

LAIPAO 23:33

Ibu khünakbu hünzom chaxwan ma ngo ang taxtom; hünzome hwom ngo ang jangtsan, hwome hünzom ang ku zongto ochax lyenle chang ang tomüi. Hünzome hwom baozangbu to shwomle jangchang, ija a hünzom hanpakma opao chimüikya longfyen ang changle bangüi.”

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

ZEFANIA 1:5

Homkho to donglaxle lyetnu, zanghan, hia lyettsibu to shwomkyabu kue amaüi. Ku to shwomtole tamchu kutsai-kukax ma laxle tüiüihex le tsao laxle Molek baozang mün ma tsaotsütle changkyabu chuwüi kue amaüi.

WANWÜNKAX 4:14

Ochax khünakbu paokya khato nang taxpao. Chichangchizangkya khünakbu thüi anole taxchang.

JIHUSUA 23:12

Ikoxle hünzome kax ma chilax, ilaxle athax kople hünzom füi tüile ngokya mixnokbu füi tomsax-tommok ilaxle ibu füi tuiju-nasomle jangchang,

HOSIA 2:17

Kue she ang tamchatle Bal mün lünle chang ang müntom.

HUAKE LAIPEX 32:38

Nebo, Bal Meon (ija mün mama le kox), ilaxle Sibmah, ibibi tinglongbu azünle zinglaxle ngo. Hwome azünle zingkya tinglongbu ang hwome mün mamale kox.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

TSAITONG-KAXTONG 6:13

Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

JIHUSUA 23:8

Itülüi, Jowanpa to mongong thomlax. Anyix kople hünzom ngole hüikya lailai ngolax.

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

HUAKE LAIPEX 33:55

Ikoxle hünzome ikhato ngole nuikya khünakbu jwonle chiapao thüiningle, atale dantoxkyabu a hünzom zongto tuita mik-ma ningle tamchu sam ma süt tüikya ningle tuita poxpa ang ngole nui angkya changle, ilaxle hwome hünzom füi azanle changüi.

TSAITONG-KAXTONG 6:14

Hünzom akhople tüikya khünakbue shwomkya baozang chemtochu hünzome taxshwom.

2 WANGHOMBU 5:18

Idaile kwom wanghom füi tomle Siria nok baozang Rimon shwomkya nui to paolaxle chix to shwomle changdaokya bama Jowanpae ku ang thailak naxtüihüile ongpu!”

2 WANGHOMBU 17:12

ilaxle ija chapabu to taxshwomle thüikya Jowanpa kaxtom kax ma chilax.

2 PUKAX-PANGAO 7:19

Ikoxlechu nang üntoxle nang khünaknu, kue koxkya wanlom hia kaxtombu kax ma chilaxle tamchu mixnok baozangbu to shwomle jangchang,