JIHUSUA 23:1 - OTSAO BAIBEL (BSI)

¹ Müimamale aba füimatix Jowanpae Israel nok ang akhople tüikya hwom zan-nokbu chak tokya kho-awale thom. Ipongma Jihusua a müimamale taiko ang achang.

JIHUSUA 23:1 ပူးပေါင်းရင်းမြစ်များ

JIHUSUA 13:1

Athax Jihusua tüle azule taiko ang achang. Jowanpae chix ang thüi: “Nang a müimamale azudaoa ikoxle athax ngaxchu makoptsuakkya haxtok tüihupu:

JIHUSUA 21:44

Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.

JIHUSUA 11:23

Jowanpae Mosa ang kaxtom koxkya ningle Jihusua-e ibu haxtok pangwüi laxtsuak. Jihusua-e ibu Israel nok ang mating-matok ang lax ang kox ilaxle hwome homjen-homjen to ma haxtoktokle ahanle lax. Ile khünaknu achax-azanle ngokya zakle ashuk.

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

JIHUSUA 22:4

Athaxpi chixe tsaokya jaojaole hünzome mamix Israel khünaknuechu mongsom atakle changdaoa. Idaile, athaxpi, Jowan dapa Mosa-e hünzom ang koxle toxkya haxtok, Jordan shuanu zongma handünchi, ojongkha hünzome ma haxsüt sungdün ang laxpuix, ikhato chatlax.

TSAITONG-KAXTONG 31:2

ilaxle thüi: “Athax ku zanglao 120 nguile hüipu, ilaxle athaxpi ku hünzom lompa ang ngo ang müntho. Ibomachu kue Jordan chita angkya Jowanpae akax dao.

ISAIA 63:14

Haxzao tüikya haxsha to müizyembu zunle paokya lailaile, Jowanpae chix khünaknu ang nazak kox. Chixe chix khünaknu azüi ilaxle chix mün chuak-chongle chang ang tom.

1 SAMUEL 12:2

ilaxle athaxpi hünzome hünzom lom azüi angkya hanpakma chix koplax. Ku a kho ngaxchu thole azudaoa, ikoxlechu kusa hwom hünzom füi tüile. Ku hünzom lompa ang naosün pong tokhange wüi ngole hüikya anyix kople ngole hüipu.

1 WANGHOMBU 1:1

Athax wanghompa Dawid a owüiole azule hüi, ilaxle chix dabue chix to toxnyibu füi awunle toxkoxchu, chix to zangkongkya chimüitsuak.

1 PUKAX-PANGAO 23:25

Dawid-e thüi: “Jowanpa, Israel nok Zang-e chix khünaknu ang mongsom fadaoa, ilaxle chix jaojao Jento Jerusalem ma ngoüi.

1 PUKAX-PANGAO 27:1

Ibibi a Israel wangting ma apün-adale hüikya lompabu, homkha-homkha hia saxthom-saxthom ma süile akiakle thomkyabu changle. Zanglao ma lyetjang fole, ija lyetjang ma mwot akhile kaxkox ang kamkyabu kaxtom ma,24, 000 kha angkya othom-othom ma ajong.

2 PUKAX-PANGAO 14:1

Abijah zi, ilaxle chix a Dawid Tingnu angkya wanghom hwom zukting ma akhün. Chix man ma wanghom ang chix sasün Asa achang, ilaxle Asa-e apünkya zangfang ma onoke zanglao 20 to nguile tingmüi-nokmale ngo ang kop.

2 PUKAX-PANGAO 14:5

Chixe Judah haxtok angkya tingnubu ma tüikya songsari baozangbu to shwomkya onuibu hia ibu ang ongan müikya sobu zokle koxkyabu awütle changkya tokhange, chixe apün-awangle ngopongma wangting a tingmüi-nokmüile ngo.

2 PUKAX-PANGAO 20:30

ikhoma Jehusafat-e tumüi-lomkhaole apün-awang, ilaxle pangnu lomkua towüi Zang-e chix kho awale thom.