JIHUSUA 22:9 - OTSAO BAIBEL (BSI)

⁹ Idaile Reuben homjen, Gad homjen hia Manasseh homjen süifi mahax mahom to chat. Hwome ma füikya Israel khünaknu Shiloh ma danle tox ilaxle hwom a ma chaxwan to chat ang achex. Hwom haxtok ang Gilid nok ngole hüikya kha changkya ikoxle Mosa makhange Jowanpa kaxtom hüikya lailaile hwome ija haxtok a makux ang kop.

JIHUSUA 22:9 ပူးပေါင်းရင်းမြစ်များ

HUAKE LAIPEX 32:29

“Gad hia Reuben khünakbue Jordan shuanu talaxle Jowanpa kaxtom ma zanbu füi azan ang achwonle jangchang, ilaxle hwome asunkya füi hünzome chaxwan kop ang tsuakle jangchang; ile jangchang thüiningle Gilid haxtok a hwom haxtok ang koxdao.

HUAKE LAIPEX 32:26

Kwom kako hia naosombu tamchu maihu hia chunbu a ija Gilid tingnu ma wüi naxnui.

HUAKE LAIPEX 32:1

Reuben hia Gad homjen ang tsom-pombu tüle tüikya. Chemtue hwome Jazar hia Gilid haxtok müitsom ang müikya haxtok changle le ngünle lax,

MÜNCHUAK-TSAI 60:7

Gilid üntoxle Manasseh a ku kux changpu; Efraim a ku khohom changpu ilaxle Judah a ku wanghom kiathox changpu.

JIHUSUA 13:31

Gilid haxtok süifi ilaxle Ashteroth hia Edrüi, Bashan wanghompa Og pongwün tingnubu pangwüi ima wom. Ibibi pangwüi Makir sasün Manasseh homjen süifi tüikya ang bakle kox.

JIHUSUA 13:25

Ija haxsüt ma ibibile womle: Jazar hia Gilid angkya tingnu pangwüi, Aroar alople Amon nok haxtok süifi, Rabbah zongma handün chikao, ibibi.

JIHUSUA 13:11

Gilid, Geshur hia Makah haxsüt, Harmon Haxnu komkaile, Salekah alople Bashan haxtok pangwüi ima womle tüipu.

JIHUSUA 22:10

Chemtue Reuben, Gad hia Handün Manasseh homjenbu Galiloth alople chatpuix, ija a Jordan shuanu zongma hannop chito wüi, hwome ikhato shuakax ma tüle osün müikya tö-tsap tuita zing.

KAXFÜNPA-HWOM 5:17

Gad homjen a Jordan tachi towüi ngohom, ilaxle Dan homjen khua zui ma zakle ngo. Ashar homjen a tinu kax to ngole hom.

2 SAMUEL 2:9

Ekhato Abnar-e Ishbosheth a Gilid haxsüt angkya Ashar, Jezril, Efarim hia Benjamin, ibu nok wanghom ang zing, thüikoxle Israel nok pangnu to tokya tha.

1 PUKAX-PANGAO 5:9

Gilid chaxwan to hwom ang tüle chongkya müizyembu tüikya, ilaxle hwom a Eufrat Shuanu alople khaole tüikya sak-hax alople handünchi kao haxtok ziakop.

HUAKE LAIPEX 32:20

Mosa-e lan: “Hünzome otsingtsing ma akaxkya jangchang, athax ikhama Jowanpa womle tüipongma zan to ka ang achwonlax.

HUAKE LAIPEX 32:22

chaxwan kople machang tanto, hwome kem zanpabu to sing angkya changle. Ifüima, hünzome Jowanpa to tamchu mamix Israel khünaknu hanpakma hünzome mokse mwot tsuakle jangchangdaoba hünzom a chat ang tsuak. Ifüima Jowanpae ija Jordan shuanu zongma handünchi haxtok a hünzom kux hex-ole awan ang tomüi.

TSAITONG-KAXTONG 3:18

“Ipongpong ma wüi, kue hwom ang ibibi zangwün adangle fa: ‘Jowanpa kem Zang-e hünzom ang Jordan zongma handünchi haxtok kop ang koxdaoa. Athax a hünzom mixtsak naomüibu akhyep-adi lax ilaxle ma füikya Israel nok homjenbu thoma achale Jordan shuanu talaxle, ibue chaxwan kopkya to fong ang achale le e nui angkya kaxtom laxkox.

TSAITONG-KAXTONG 3:20

Jowanpae hwom ang koxkya haxtok, Jordan zongma hannopchi kao haxtok kople matsuak tanto tamchu ikhato hünzom ang koxpupule ikhato Jowanpae hwom künsom-mongsom ma ngole chang ang makox tanto ibu to asun-azule changkox. Ifüima kue hünzom ang koxkya haxtok ikhato hünzom chat ang tsuak.’

TSAITONG-KAXTONG 34:1

Moab haxtok angkya Nebo haxnu ma tüikya, Jeriko zongma handün chikao angkya Piska haxnukho to Mosa dong; ikhato Jowanpae Kanan haxtok bakle chix hato aho; Gilid haxtok a shuathongchi angkya Dan tingnu alople;

KAXFÜNPA-HWOM 20:1

Shuakuxchi ma Dan ilaxle shuathongchi ma Bersheba, ilaxle handünchi ma Gilid, ibibi wanmong ma tüikya Israel khünaknu noke ahyenkya to müile lan. Hwom pangwüi müitom tuita ang achangle Jowanpa ngwotnui Mizpah ma asox.