JIHUSUA 22:29 - OTSAO BAIBEL (BSI)

²⁹ Kwome Jowanpa füi chemtuechu münalün chichangba zokle ashunkya tö hia saxziak tö chichangba mama töbu koxle tö-tsap zinglaxle kwome chix mantokya danüile münchang. Jowanpa Ngwotnui Nyihom ma tüikya boma Jowanpa kem Zang hanpak ang mama tö-tsap tam-münzing.”

JIHUSUA 22:29 ပူးပေါင်းရင်းမြစ်များ

JIHUSUA 24:16

Khünaknue lan: “Kwome mix baozangbu to shwomüi ma otuechu Jowanpa danle müntoxüi!

ROM NOK HATO ZAKYA POL LAIZA 9:14

Athaxpi keme chemle thüiüi? Zange süisüichaple mokle le thüiüi hia? Ile otuechu münchang!

ROM NOK HATO ZAKYA POL LAIZA 6:2

Ile otuechu münchangüi! Kem ochax ma zidaoa: ikoxle ija ma wüi kem chemle ngole hüiüi?

ROM NOK HATO ZAKYA POL LAIZA 3:6

Ile jao münchangüi! Zang jangthai dao thüiba, chixe khünaknüsa ang kaxfün chemle faüi?

2 PUKAX-PANGAO 32:12

Jowanpa to shwomkya onuibu hia tö-tsapbu pünle ama laxle Judah hia Jerusalem angkya khünaknu ang onui jongtakha matix zangshwomle hia ongan müikya sobu zokle chang ang akaxkya mix a Hezekiah changpu.

2 WANGHOMBU 18:22

Ija Asiria nok nguakax-wangkhoe chizakle akax: “Chichangba nange, Jowanpa, nang Zang to mongongpule ku hama akaxüi hia? Judah hia Jerusalem ma tüikya khünaknu ang Jerusalem tö-tsap tata ma tix tö koxle chang angkya oli changpule akaxlaxle, Hezekiah-e pünle amakya zangshwomnui hia tö-tsap ibu a Jowanpa kux changkya.

1 WANGHOMBU 21:3

Naboth-e lan: “Kue ija haxtok a apu-apa hwom man tswonkya changle, kue ija nang ang kox angkya to Jowanpae ngaxchu naxabaxkox.”

1 SAMUEL 12:23

Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

JIHUSUA 22:26

Ikhoma kwome tö-tsap tuita zingpu, ikoxle ima zokle tö kox angle chichangle

JIHUSUA 22:23

Kwome Jowanpa kax ma chilax homtoxle kwom lualua to kwome tö-tsap süile zinglaxle tö zokle ashun chichangba ija saxziak tö hia notom-tusüi tö kox ang jangtwon; Jowanpa chix jaojaoe kwom to sikangünle naxchang kox.

PONGWANG LAIPEX 44:17

Jusep-e thüi: “Oh! Ile münchang! Kue otuechu ile chang ang müntom! Owa ma ku wansa bangpuix, chix tix ku da ang changüi. Mamabu a hünzom pangwüi haxmüi-zangmale hünpa hato chatkox.”

PONGWANG LAIPEX 44:7

Hwome chix ang thüi: “Alixachong, nange ija chem hanpak ang akaxpu? Kwome tsaopu kwome ija ningkya oma mwot chemchu münmok.

JIHUSUA 22:28

Ile namchang thünba, ‘Hulax! Kwom pupa hwome ngaxchu Jowanpa tö-tsap lailaile wüi zingpu, le lanüimale ija ma chemchem zokle ashunle tö koxüile münchang, ikoxle hünzom hia kwom khünakbu bama tuita münwan ang naxngonui’ le kwome mokpu.

JIHUSUA 22:30

Nguapa Finehas hia Hannopchi Israel nok lompabu hwom mixsün büne Reuben, Gad hia Handün Manasseh hwome akaxkya kax komkaile atatle lax, ilaxle hwom ang mongzom müi.

TSAITONG-KAXTONG 12:11

Jowanpae chix to shwom angkya onui tuita wüi zünüi, ilaxle hünzome ang kue kaxtom fale changdaokya ningle, hünzom töbu pangwüi ikhato apüi angkya changpu; zokle ashunkya tö, müi langle tö koxkyabu, hünzom bünfong ilaxle hünzom chak angkya tö ilaxle hünzome Jowanpa ang koxüihex-ole tsaosaxdaokya mama hinghobu pangwüi apüi angkya changpu.