JIHUSUA 22:22 - OTSAO BAIBEL (BSI)

²² “Pangnu to lütkya a Zang tix changpu! Chix a Jowanpa changpu! Pangnu to lütkya a Zang! Chix a Jowanpa changpu! Kwome büthüikoxle mokpuix chixe awan ngopu, ilaxle kwomchi tokhange hünzomechu awanle kopkoxle müiüile texpu! Kwome chix to mongong chithomle chix zan to kale jangchang thüiningle, kwom jaojao ngo ang taxtom!

JIHUSUA 22:22 ပူးပေါင်းရင်းမြစ်များ

1 WANGHOMBU 8:39

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

JOB LAIPEX 10:7

Ku ma thaikya chemchu müntüi, nang thoto ku owaechu khom ang müntho, ija nange awan ngopu.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

2 KORIN 11:31

Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.

2 KORIN 11:11

Kue ija a hünzom to chikün chilua laxle akaxpia? Kue hünzom to künkya Zange awan ngopu!

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

WANGSHEMBU MWOT 25:11

Kue wanlom ama laxle lang-huakle awüt tang oma lita jangmokdao thüiningle, ku azünhüi le kue münthüi ngose. Ikoxle hwome kuma kaxfekya khama otsingtsing tuita ngaxchu chitüikya daile, ku owaechu ibu chak to kox ang münthoüi. Ku chongwangpa hato wüi paohüi.”

WANGSHEMBU MWOT 1:24

Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix,

JUHAN 21:17

Jisu-e chix ma othom azom lekya machu atüi: “Juna sasün Simon, nange ku to künpuix nyi?” Chixe Jisu to mongkün puix nyi le othom azom ma akaxkya khoma Pitar ang mongtsik dong. Ilaxle chixe Jisu ang thüi: “Jowanpa, kue nang to künle le nange bakle awan ngopu.” Jisu-e chix ang thüi: “Nange ku chunbu tuxkox.”

MALAKI 3:18

Otsao khünakbu hia ochax khünakbu chemle mali-mali changpuix, ku thothakya hia ku tho chithakya khünak to chemle mali-mali changpuix, ija nyi bama anaolechu kue süile awan ang kox.”

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

DANEL 2:47

Ifüima wanghompa-e akax: “Nang Zang ang baozang pangnu tha angkya Zang, wanghombu thak angkya Jowanpa, ilaxle huxsa jali komkaile ngaile ahokya mix changpu. Nange ipongpongkya huxsa zangwün ku hama ngaile apua koxkya ma kue ija tikle laxdaoa.”

JEREMIA 12:3

Ikoxle, Jowanpa, nange ku tsingle ngopu; kue chem mokpuix ija nange ngünpu tamchu kue nang to mongkünkya a. Lang angkya chun linle paopu ningle ibu ochax khünakbu linle paodao; hwom lang angkya tu nguikya kople hwom to nyele thomkox.

MÜNCHUAK-TSAI 136:2

Zangbu pangnu thakma akhokya Zang ang münchong fakox; chix mongkün ma oshuk müntüi.

MÜNCHUAK-TSAI 97:7

Chapa shwomkyabu pangwüi zakkop ang tomle; baozangbu pangwüie Jowanpa tunthoma akhuxle.

MÜNCHUAK-TSAI 95:3

Chemthüikoxle Jowanpa a akhokya Zang changle.

MÜNCHUAK-TSAI 82:1

Zang-e zangkangting katzua lax ang ahyen; ikhato nguawangbu tusox ma chixe chix mongtex ngai:

MÜNCHUAK-TSAI 37:6

chixe nang otsao senu zatzong pongkya ningle nyan ang tomüi.

JOB LAIPEX 23:10

Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

LAIPAO 18:11

Athax kue awandaoa, Jowanpa, chix a baozangbu pangnu thakma achongkya changle. Chemthüikoxle Ijip noke hwom to chisumüile hwonpongkhae chixe ma khünaknu khosünle kopdaoa.”

JIHUSUA 22:21

Reuben, gad hia Handün Manasseh homjen khünakbue hannopchi homjen lompabu kax to lan:

MÜNCHUAK-TSAI 40:9

Jowanpa, nang khünaknu tusox ma, nange kwom khosünle kopkya kaxho amüikya kue wünpu. Kue ija mo wünkya münzaktoxüi, ija nang awan ngopu.

MÜNCHUAK-TSAI 50:1

Khüthak Zang, Jowanpa akaxle; handün hia hannop tokya zangfang pangnu chixe nyakle.

1 SAMUEL 2:3

Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

JOB LAIPEX 31:22

ku chak pakle naxmakox; ibu ku suakpong makhange pun-khaile naxchangkox.

MÜNCHUAK-TSAI 44:22

Ikoxle tütatuehex chithüile kwom lang-huakle ngokya a nang khokho ma changle, ikhoma kwom to lang ang kopkya chun tuita to hwonkya ningle hwonle.