JIHUSUA 21:44 - OTSAO BAIBEL (BSI)

⁴⁴ Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.

JIHUSUA 21:44 ပူးပေါင်းရင်းမြစ်များ

JIHUSUA 11:23

Jowanpae Mosa ang kaxtom koxkya ningle Jihusua-e ibu haxtok pangwüi laxtsuak. Jihusua-e ibu Israel nok ang mating-matok ang lax ang kox ilaxle hwome homjen-homjen to ma haxtoktokle ahanle lax. Ile khünaknu achax-azanle ngokya zakle ashuk.

IBRI 4:9

Akaxle thomkya ningle, Zang khünaknu hanpakma nyix anüt lükya to Zang nazakkya lailaile nazak athaxchu tüile.

LAIPAO 23:31

Kue hünzom longzi a Agaba angkya Tütsak-tinu tokhange Eufrat shuanu kople ilaxle Mediterenian tokhange sak-hax alople achenüi. Ija chaxwan ma ngokya nokpu pangnu thakma kue hünzom ang apün ang tomüi, ilaxle süsox-süsoxle soxle hüikya zuma hünzome hwom jwonle apaoüi.

JIHUSUA 22:9

Idaile Reuben homjen, Gad homjen hia Manasseh homjen süifi mahax mahom to chat. Hwome ma füikya Israel khünaknu Shiloh ma danle tox ilaxle hwom a ma chaxwan to chat ang achex. Hwom haxtok ang Gilid nok ngole hüikya kha changkya ikoxle Mosa makhange Jowanpa kaxtom hüikya lailaile hwome ija haxtok a makux ang kop.

JIHUSUA 22:4

Athaxpi chixe tsaokya jaojaole hünzome mamix Israel khünaknuechu mongsom atakle changdaoa. Idaile, athaxpi, Jowan dapa Mosa-e hünzom ang koxle toxkya haxtok, Jordan shuanu zongma handünchi, ojongkha hünzome ma haxsüt sungdün ang laxpuix, ikhato chatlax.

JIHUSUA 1:15

Jordan shuanu zongma hannopchi haxtok koplaxle tingtan nokzingle changkya kople hwom to asunle azanüi. Chemtue chixe Israel homjen pangwüi ang khosün fale tsuaküihex, ifüima hünzom chatlaxle, Jowan dapa Mosa-e hünzom ang koxle toxkya haxtok, Jordan shuanu zongma tsaxchi ma hünzome tingtan nokzingle ngo ang tsuaküi.”

JIHUSUA 1:13

“Jowanpa hünzom Zang-e Jordan shuanu zongma handünchi haxtok hünzom tingtok ang koxüihex-ole Jowan dapa Mosa-e hünzom füi akaxkya texle ataklax.

LAIPAO 33:14

Jowanpae thüi: “Ku nang füi paoüi, ilaxle kue nang ang wüi lüt ang tomüi.”

TSAITONG-KAXTONG 21:10

“Chemtue Jowanpa hünzom Zang-e hünzom ang zan-nokbu to lütlaxle zandabu kople apüi ang tompuix,

JIHUSUA 23:1

Müimamale aba füimatix Jowanpae Israel nok ang akhople tüikya hwom zan-nokbu chak tokya kho-awale thom. Ipongma Jihusua a müimamale taiko ang achang.

ISAIA 63:14

Haxzao tüikya haxsha to müizyembu zunle paokya lailaile, Jowanpae chix khünaknu ang nazak kox. Chixe chix khünaknu azüi ilaxle chix mün chuak-chongle chang ang tom.

TSAITONG-KAXTONG 2:36

Jowanpa kem Zang-e kem ang Arnon haxcha kax ma tüikya Aroar angkya tingnu hwople kop ang tompu; iboma Gilid to leüi lom ma haxcha osungwa ma tüikya tingnu tuita chuwüi amüt ang tompu.

JIHUSUA 1:5

Jihusua, nang ozün ma ngokya kople owaechu nang to lüt ang münthoüi. Mosa füi chemle ngokyahex, ilailaile ku nang füi ngoüi; kue nang chemtuechu münawüt.

JIHUSUA 2:24

Okhie thüi: “Jowanpae ija haxtok kem ang bakle koxdaokya atsingsho. Ikhatokya khünaknu pangwüi kem thoto zanle abanle ngole.”

JIHUSUA 11:8

Jowanpae ibu to Israel noke wüi lüt ang tom; Israel nok hwom to single shuakuxchi Misrefoth Maim hia Sidon alople jao achua, ilaxle handün chito Mizpah haxsha alople jao achua. Zan nok tuita ozün ma chitoxle ma-amüt tanto hwom chizakle azan.

JIHUSUA 11:12

Jihusua-e ibu tingnu tamchu hwom wanghombu pangwüi koptsuak, hwom pangwüi langle awüt; ile Jowan dapa Mosa-e fakya kaxtom ningle hwome mok.

2 PUKAX-PANGAO 13:16

Judah nok thoto Israel nokbu fütle pao, ilaxle Zang-e ibu to Judah nokbu ang lüt ang tom.