JIHUSUA 2:24 - OTSAO BAIBEL (BSI)

²⁴ Okhie thüi: “Jowanpae ija haxtok kem ang bakle koxdaokya atsingsho. Ikhatokya khünaknu pangwüi kem thoto zanle abanle ngole.”

JIHUSUA 2:24 ပူးပေါင်းရင်းမြစ်များ

LAIPAO 23:31

Kue hünzom longzi a Agaba angkya Tütsak-tinu tokhange Eufrat shuanu kople ilaxle Mediterenian tokhange sak-hax alople achenüi. Ija chaxwan ma ngokya nokpu pangnu thakma kue hünzom ang apün ang tomüi, ilaxle süsox-süsoxle soxle hüikya zuma hünzome hwom jwonle apaoüi.

WANWÜNKAX 25:13

Tsaxtu tue zangmuk-zangkhamle changpongma tikong ling ang kopkya ningle, mongao angkya chitüikya kaxhomix a kaxhole apaokya mix zongto tuita khangkho achale fakya ang changpu.

JIHUSUA 5:1

Jordan shuanu zongma hannopchi angkya Amor nok wanghom pangnusae tamchu Mediterenian tinu achole tüikya Kanan nok wanghom pangnusae, Israel khünaknu bakle machang machangle Jowanpae Jordan shuanu zop ang koxputale atat ang kop. Israel nok hüikya khoma hwom tüle abüt-aban ilaxle monghixle chang.

JIHUSUA 1:8

Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

LAIPAO 15:15

Edom nok lompabu abüt ang tom; Moab mixtsak naomüibu abün; ilaxle Kanan nok ang mong chichongtsuak.

JIHUSUA 2:23

Ifüima zyetmix nyi haxhua tokya thai ilaxle shuanu tale Jihusua hato chat. Okhie chempangle changpuix ibu bakle chix hama wünle kox.

KAXFÜNPA-HWOM 7:9

Ija ja Jowanpa Gideon ang kaxtom kox: “Zolax üntoxle zan pom to singkox; kue ija to nange lüt ang tompu.

JIHUSUA 6:2

Jowanpae Jihusua füi akax: “Kue Jeriko angkya wanghompa hia chix süpahibu füi tomle Jeriko bakle nang chak to danpu.

JIHUSUA 8:1

Jowanpae Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

KAXFÜNPA-HWOM 1:2

Jowanpae hwom kax to lan: “Pongwang ma Judah homjen shong-kaüi. Kue hwom ang ija haxtok hwom chak to dandaoa.”

KAXFÜNPA-HWOM 18:10

Chemtue hünzom ikhato nguiüihex, khünaknu a owatochu cha-ao-mongsakya chitüile ngünüi. Ija a chongkya haxtok tuita changle; khünak zongto laxli komle ikhama tüile ngole, ilaxle ikha a Zang-e hünzom ang koxdaoa.”