JIHUSUA 2:12 - OTSAO BAIBEL (BSI)

¹² Athaxpi chix mün ma, kue chemle hünzom to chingcha ahopuix ilailaile ku tamchu kwom kako to chingchakya tüiüile tsaohüi, ilaxle kue hünzom to mongong thomtsuak angkya kuxma münwan tütali fale toxhüi.

JIHUSUA 2:12 ပူးပေါင်းရင်းမြစ်များ

JIHUSUA 2:18

Nange ile mok angkya changle: Chemtue kwom tingtakle ikhato nguiüihex, thangmik oja makhange kwom ajopuix, ija ma ija zukhik fünle thomlax. Hünnu hünpa hia hüntüi hünnao hwom tamchu hwom kako homkhabu pangwüi nang hom ma athütle nüilax.

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

1 TIMOTHI 5:8

Ikoxle ma tomzi mo ojao chiwünkya mix owawa jangtüi thüiba, tamsüilechu kako ma, chixe mongong tha ajao daoa ilaxle chix a mix mik amütkya mix füi ngaxchu sümakya changle.

ROM NOK HATO ZAKYA POL LAIZA 1:31

hwom a ongatbu, mongong chitüikyabu, küntex mong chizaikyabu, tamchu chingchajaja chitüikyabu.

MARK 14:44

Jisu khohang angkya mixsüne hwom ang münwan fale akax: “Kue owa füi tun apong üihex; hünzome lomkya mix chix changüi. Koplax ilaxle khünkhile hule paolax.”

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

ESTAR 8:6

Kwom khünakbu hato iningkya thama hüilaxle ku füikya ma-mixbu langle changkya kue chemle adu thoüi?”

2 PUKAX-PANGAO 36:13

Zang mün ma tsaotsüt ang chix atsangkya wanghompa Nebukadnezar zongto alünle Zedekiah ajong. Jowanpa, Israel nok Zang hato mongchatle münhüipu le chix mong angam.

1 SAMUEL 30:15

Dawid-e atüi: “Nange ku ibu zan-nokbu hato apüifa ang chami?” Ija naosae lan: “Nange Jowanpa mün ma ku münlangpu tamchu tamchatle ku hopupa chak to koxle münchangpule jangtsao kue apüikoxüi.”

JIHUSUA 9:15

Jihusua-e Gibeon nok füi zuikhui hex-ole nokmüi zing ilaxle ibu hwom khato ngo ang tom. Israel nok lompabue hwom katzua otya ma thom angkya ibu pomtho ma tsaosaxle akax.

JIHUSUA 2:13

Ku anu hia apa hwom, kutüi hia kunao hwom tamchu hwom kako-homkhabu pangwüi sünle tüiüile tsaofa. Kwom a mik max ang taxtomünfa!”

LAIPAO 12:13

Kapox ma ajie lyetle tüikya a hünzom ngokya homkha changpu lükya münwan ang changüi. Kue aji ngünkya zuma ijakha kaile leüi. Ile kue Ijip nok to sikngün ang tomkoxle chu hünzom to chemchu münthüi.

PONGWANG LAIPEX 24:9

Ikhoma ija dapae, chix hopupa Abraham chungnam ma chix chak sho ilaxle Abraham-e chemle akaxpuix ibu ile chang ang tomüile tsaotsüt.

PONGWANG LAIPEX 24:3

Ku sa hanpakma kakonu ang ikha tokya Kanan naochabu kha angkya münzünpu le, nange ding-hi-hax zingkya Jowanpa mün ma tsaohüi.

PONGWANG LAIPEX 21:23

Idaile ikhama Zang tunthoma, nange ku tamchu kusu-kusa hwom chichangba ku sixli hwom to dyen-nganle münchangpu le tsaosaxhu. Ku nang zongto müile hüidaoa, idaile ku zongto tamchu ija nang ngole tüikya haxtok zongto nang sule tüiüile tsaosaxhu.”

PONGWANG LAIPEX 40:14

Ikoxle ile nang osho müikya hüikya zuma ku wüi taxalak. Ku bama wanghompa hama wün angkya tamchu ija kunkha angkya alaile pao angkya bama chingchalaxle ku to asunkya tüihüi.

JIHUSUA 2:19

Ija homkha angkya owawa laile jangpao, chix a ma thaikya khoma zilaxüi, ija bama kwom ma tsaitox-kaxfe angkya chitüiüi; ikoxle nang füi tomle hommong ma asukya owawa to maklaxle jangchang, ija bama kwom hünlit changpu.

JIHUSUA 6:22

Ifüima Jihusua-e amipongma hwom zyetmix ang laxkya mixsün nyi füi akax: “Hünkhie tsaosaxle changdaokya lailaile tsangtsa hangle ngokya mixcha Rahap hato paolax ilaxle hwom kako-homkha pangwüi ikhato apüihüi.”

KAXFÜNPA-HWOM 1:24

Ija mixsüne khünak tuita laile paoüi ngün. Ija mixsüne chix ang thüi: “Kwome nang to chem münthüipu, kwom hama tingnu to ngui angkya lom awanle fahüi.”