JIHUSUA 2:11 - OTSAO BAIBEL (BSI)

¹¹ Ibu zing atatkya füi tomle kwom zale ngopu; hünzom zing thoto kwom pangwüi ang mongmaxle changüna. Jowanpa hünzom Zang a zangkangting hia chaxwannu pangnu thakma Zang changle.

JIHUSUA 2:11 ပူးပေါင်းရင်းမြစ်များ

TSAITONG-KAXTONG 4:39

Idaile anyixkya texle ataklax ilaxle Jowanpa a zangkangting hia chaxwannu ma Zang changpule chemtuechu taxalak. Chatle mama Zang tümüntüi.

JIHUSUA 5:1

Jordan shuanu zongma hannopchi angkya Amor nok wanghom pangnusae tamchu Mediterenian tinu achole tüikya Kanan nok wanghom pangnusae, Israel khünaknu bakle machang machangle Jowanpae Jordan shuanu zop ang koxputale atat ang kop. Israel nok hüikya khoma hwom tüle abüt-aban ilaxle monghixle chang.

ISAIA 13:7

Pangnusa ang chak shale changüi, ilaxle khünaknu mongchen chem chitüile changüi.

JIHUSUA 7:5

Ai tingnu angkya khünake hwom panja makhange shebarim kople achuale achatlaxle, Israel khünaknu haxkho tokya zikle julaxle zaktho-lehale nale maxngo pongma hwome khünak mixhuak 36 to lünle lang. Ifüima Israel khünaknu ang mongchen chitüile zale ashwot.

MÜNCHUAK-TSAI 102:15

Jat-libue Jowanpa thuazale changüi; chaxwannu angkya wanghombu pangnue chix tsak-zong thua zaüi.

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

1 WANGHOMBU 8:60

Ikhoma chaxwannu pangnok-jating towüi Jowanpa ti Zang changpule awan ang kopüi, chix boboma Zang mama tamtüikya münchang.

MIKNGÜN-OHÜN 6:16

Hwome haxnubu hia longnubu nyakle akhong: “Chongwang thüntho ma thungkya mix hia Chun Hosa thoto kwom khom ang kwom ding to düthüi!

NAHUM 2:10

Ninewi a amadaoa, dantoxdaoa, owachu chingole! Za le mong-khax shunzo le chang; chikux ahong, janzüi tamchitüi; thünza-nakua huisho le.

MÜNCHUAK-TSAI 22:14

Ku janzüi a samdaoa, chaxwan tok to ti thokkya zople paopu ninglea. Ku zapong-kapong bakle atsaile changüna; ku okhax-omong a bakle shanle paoüna.

JIHUSUA 14:8

Ikoxlechu ku füi tomle paokya khünakbue kem khünaknu aza. Ikoxlechu kue mongong thomkya füi Jowanpa ku Zang kax ma lax.

TSAITONG-KAXTONG 20:8

“Ija lompa-e khünaknu ang ile chu thüiüi, ‘Ikhama owawa chahix-monghixle abüt-aban ngokya mix tüicha? Ilükya mix jangtüi, chix a hom to chatlax, chemthüikoxle chixe mix mongchu ahikle awütüi.’

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

LAIPAO 15:14

Jat-libue atat ilaxle khünaknu nang thua zale abün; Filistia nokbu a khom-atsikle singlaxle kop.

LAIPAO 15:15

Edom nok lompabu abüt ang tom; Moab mixtsak naomüibu abün; ilaxle Kanan nok ang mong chichongtsuak.

2 WANGHOMBU 5:15

Chixe ma khünakbu füi Elisha hato chat üntoxle thüi: “Athax kue mama baozangbu wüi achongkya münchang ikoxle Israel nok Zang wüi achongkya changpule awan ang kopdaoa; idaile alixachong, chingchajaja laxle nange pi ija ku hinghobu pongle shongkop-hüi.”

MÜNCHUAK-TSAI 58:7

Ti zople samkya ningle hwom osün chingünle naxsamün; hwom a lomnu tang tokya fumbu ningle cha füi nakle naxakhix dao.

ISAIA 19:1

Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.

EZEKEL 21:15

Ijae ku khünaknu ang mong ahik tamchu chikho suale chang ang tomle. Kue hwom tingnubu changlo tuita füi aza-ana ngopu Ija a zangchangjep ningle jikjeple tamchu mik amüt ang achwonle tüile.

JIHUSUA 2:24

Okhie thüi: “Jowanpae ija haxtok kem ang bakle koxdaokya atsingsho. Ikhatokya khünaknu pangwüi kem thoto zanle abanle ngole.”

JIHUSUA 9:24

Hwome lan: “Alixachong, changle, kwome ile mokdao ngüna, ikoxle ija a, Jowanpa hünzom Zang-e chix dapa Mosa füi kaxtom koxle, hünzom ang ibibi haxtok komkaile koxdaoa ilaxle hünzom nguile hüikya zuma ikhato ngole tüikya khünaknu pangwüi langle awüt angkya kaxzing atatkya khoma kwome ile mokpu. Chemthüikoxle kwom hünzom thua tüle zalaxle tamchu kwome ma mik max angkya thua zalaxle ile mokdaoa.

NEHEMIA 6:16

Chemtue kwom zanpa ang ngokya tomzi nokbue ija kax atatpuix, ija mwot pangwüi Zang-e fongle tsuakle hüikya daile hwom ang thün aho angkya onui müntüile awanle lax.

ESTAR 8:17

Wanghompa-e apukkya kaxho ojongpang to epuix, ibu haxtok pangkha towüi Judah khünakbue mongmüi tungle fongkhale nui. Otsingtsingma, athax khünakbu hwom thua zalaxle huanuma Judah khünak ang achangle hüi.