JIHUSUA 19:51 - OTSAO BAIBEL (BSI)

⁵¹ Nguapa Eliazar, Nun sasün Jihusua hia Israel nok lompabu thome Shiloh ma Jowanpa ngwotnui Nyihom fülom ma Jowanpa füi kaxtik-ngaoshole chang ang chizing tswon laxle haxsüt tom-hanle koxkya mwot tsuakle hüi.

JIHUSUA 19:51 ပူးပေါင်းရင်းမြစ်များ

JIHUSUA 18:10

Jihusua-e hwom hanpak ang Jowanpa füi tik-to laxle chizing tswon; ilaxle haxsüt ma kopkya Israel homjenbu ang ma haxsütsütle ahanle kox.

JIHUSUA 14:1

Ibibi a Jordan zongma hannopchi Kanan haxtok, Israel khünaknue hwom bama chemle tom-hanle laxpuix, ija mowün changle. Nguapa Eliazar, Nun sasün Jihusua, ilaxle Israel nok saxthom homjen lompabue hwom khünak huak to hulaxle haxtok tomhanle kox.

JIHUSUA 18:1

Hwome haxtok bakle lüttsuakkya füima Israel khünak pangwüi Shiloh ma asox ilaxle ikhama Jowanpa ngwotnui Nyihom tuita ajong.

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MATHI 20:23

Jisu-e hokhi ang thüi: “Changpu hünzome ku pe makhange ling ang thoüi, ibachu ku tsaxchi hia ku nongchi ma owa thungüi hex, ija kam angkya ku ma chem olom müntüi. Ijabu ngwotnui a opang hanpak ma-ole Apae achwonle tüilaxpuix hwom kux changpu.”

MÜNCHUAK-TSAI 78:60

Chixe Shiloh angkya chix nyihom danle tox; ikha a kem khato chix ngonuikya hom changkya.

1 SAMUEL 1:3

Zangpua to Elkanah, Zang shwomle Jowanpa ang tö kox ang Ramah tokhange Shiloh to ngui. Eli sasün Hofni hia Finehas nyi ikhama Jowanpa nguapa ang ngole tüikya.

KAXFÜNPA-HWOM 21:21

ilaxle hungale ngolax. Chemtue pangpwon tukma Shiloh angkya naochabu azüi ang laile paoüihex, hünzom a grep haxtok tokya laile hüilax. Hünzome ma mongtextex to shingle ma shekoko ang lax ang naochabu koplax ilaxle ibu a hünzome ma Benjamin haxtok to kople chatlax.

KAXFÜNPA-HWOM 21:19

Ifüima hwome ajangle lax: “Zanglao to ziakya Jowanpa pangpwon Shiloh ma sax angkya chwonle wüi hüile ngole.” (Shiloh a Bethel zongma shuakux ilaxle Libonah zongma shuathong, Bethel hia Shekem nyi ba angkya lomnu zongma handünchi ma tüikya.)

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

WANGSHEMBU MWOT 13:19

Chixe Kanan haxtok angkya jat-li anüt max ang tom üntoxle ija chaxwan ma chixe ma khünaknu ho-ali punyi zangpua tukux hopunu ang achangle thom.

JIHUSUA 20:1

Ifüima Jowanpae Jihusua ang