JIHUSUA 18:28 - OTSAO BAIBEL (BSI)

²⁸ Zela, Haelef, Jebu (Jerusalem), Gibeah, ilaxle Kiriath Jearim: tingnubu 14, ibu akhople tüikya tinglongbu tüihukya. Ibibi a Benjamin homjene hwom haxsüt ang kopkya haxtok changpu.

JIHUSUA 18:28 ပူးပေါင်းရင်းမြစ်များ

2 SAMUEL 21:14

Ilaxle wanghompa kaxtom ma laxle hwome ibu pangwüi mokle, Benjamin haxsüt angkya Zeda ma, Sol hopa Kish zukting ma hwome Sol hia Jonathan nyi za-tua akhün. Ilaxle ifüi makhange Jowanpae hwom chaxwan hanpakma hwom zangjop to lan.

JIHUSUA 15:8

ilaxle Hinnom haxsha akaile Jebu nok tingnu Jerusalem zongma shuathongchi haxhua to ngui. Ifüima ija longzi a hannopchi kao haxhua oja Hinnom haxsha zongma hannopchi kao ma tüikya hex, ikhato Refaim haxsha shuakuxchi otua alople ngui.

HOSIA 10:9

Jowanpae thüi: “Israel khünaknue Gibeah ma ochax lyenkya makhange wanglaxle ku zongto ochax lyenle ngokya mazak. Ikhoma Gibeah zane hwom ha alopüi.

ISAIA 10:29

Hwome ija lomtang akaile le ilaxle Geba ma wünpom! Ramah ma tüikya khünaknu abüt, ilaxle wanghompa Sol tingnu ma tüikya khünakbu zikle pao.

2 SAMUEL 5:8

Ija nyix Dawid-e chix khünakbu ang thüi: “Jebu nok to kue anukya tukuxle anukya mix ikhama tüicha? Hwom lang koxle wüi asule tüipuix nyi? Jangchangthüiba ti lom makhange donglaxle tingnu angkya miksut naba hia tüimix nuakmixbu to single changkox.” (Ikhoma ile akax: “Miksut naba hia chafai-chaknyai mix Jowanpa hom to ngui ang müntsuak.”)

1 SAMUEL 10:26

Sol chuwüi hwom hom Gibeah to chat. Züizüi mixtsak-naomüibu, opang mongto Jowanpae pole changdaopuix, ibu chix füito pao.

JIHUSUA 18:16

Imakhange ija haxnucha to jule Hinnom haxsha atale ngünkya kha Refaim haxsha shuakux-tsim to lai. Ifüima ija Hinnom haxsha akaile shuathong chito Jebu nok haxzi shuathong chikao Enrogel chitole.

JIHUSUA 15:63

Ikoxlechu Judah homjen angkya khünakbue Jerusalem tingnu ma ngokya Jebu nok jwonle apao ang chitho. Jebu nok a anyixchu Judah hwom füi tomwüile ngole hüile.

HUAKE LAIPEX 33:54

Chizing tswonlaxle haxtok a homjen pangwüi ang, saxthom-saxthom ma daole ahanle laxlax. Khünak huak süluile tüikya saxthom ang haxtok sükhao le laxkox, khünak huak sühi le tüikya saxthom ang haxtok sühi le laxkox.

HUAKE LAIPEX 26:54

Haxtok a chizing tswonle nantak laxle ahanlax, ilaxle süchongkya kha a süluikya homjen ang ilaxle sühixkya kha a sühixkya homjen angle laxkox.”

HUAKE LAIPEX 26:38

Benjamin homjen: Bela, Ashbel, Ahiram,

JIHUSUA 18:27

Rekem, Irpil, Taralah,

JIHUSUA 19:1

Anyi-lükya haxtok süntswon Simeon homjen hato ngui. Ija haxsüt a Judah homjen ang koxkya haxtok alople tüikya.

2 SAMUEL 5:6

Dawid hia chix khünakbue Jerusalem to single tingtakle nguile hüi. Ikhama ngokya Jebu noke Dawid-e hwom tingnu tingsumle kop ang münthoüile thütlaxle chix ang thüi: “Chemtuechu nang ikhato dong ang münthopu; nang a miksut nababue ngaxchu abax ang thoüi.” (

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

KAXFÜNPA-HWOM 1:21

Ikoxlechu Benjamin homjene Jerusalem ma ngokya Jebu nok jwonle chiapao, ilaxle owang tokhange wüi Jebu nok a Benjamin hwom füi tomle ngole hüi.

KAXFÜNPA-HWOM 19:10

Ikoxlechu ija mixsüne tamchatle ikhato pomhomle ngosele chitsu, ikhoma chix danucha laxlaxle hwom a hom to chat ang achex, hokhi füi tomle dapa hia mantsak anyi ma hünzing laxle tüikya. Hwome Jebu zuito nguipongma hansongle tix alop (ija a, Jerusalem), ikhoma chix dapae hopupa ang thüi: “Ajakya zangnak a kem ija Jebu nok tingnu ma pomle toxkox wüi müikoxlax?”

1 PUKAX-PANGAO 8:28

Ibu a haxnu-homsa putong hwom okax-okhobu ilaxle Jerusalem ma ngokyabu sixli hwom akhokyabu changkya.