JIHUSUA 18:19 - OTSAO BAIBEL (BSI)

¹⁹ Beth Hoglah longzi zongma shuakuxchi male ilaxle Omang Tinu shuakuxchi Jordan shuanu jenle jukya shuapong ma ashuk. Ija a shuathongchi longzi changpu.

JIHUSUA 18:19 ပူးပေါင်းရင်းမြစ်များ

JIHUSUA 15:2

Ija haxtok shuathongchi longzi Omang Tinu shuathong-tsim alople ju.

PONGWANG LAIPEX 14:3

Wanghom aga hwom bibi Siddim haxsha, oja athax Omang Tinu ang achangle tüipuix, ikhama zankat thom tuita ang achang.

ISAIA 11:15

Jowanpae Suiz angkya tinu shinthuk angkya ti azopüi, ilaxle chixe Eufrat shuanu azop angkya hanpakma khamtungkya zangwin apüiüi, ikoxle muaküsa shuasa anüt wüi zop ang chitomle dantoxüi, chemthüikoxle ibu a pangnusae wüi ahamle ti ta ang tsuakle tüikoxle.

JIHUSUA 12:3

ijae Jordan haxsha angkya Galili Shinthuk-titung, Beth Jeshimoth zongma shuathongchi (Omang Tinu zongma handünchi) ilaxle Piska haxnucha to leüi lom pangwüi to o.

JIHUSUA 3:16

jenle ngokya ti thumle jongta khama afox ilaxle Zerethan zui angkya Adam tingnu alople anongle jenle dong. Omang Tinu jenle jukya tijen owüiole zop, ilaxle Jeriko zui makhange khünaknu tale le ang tho.

TSAITONG-KAXTONG 3:17

Hannopchi ma hwom longzi Jordan shuanu alople le, ija a shuakuxchi ma Keneret makhange shuathongchi ma Omang tinu shinthuk ilaxle handünchi ma Piska Haxnu chitong alople tüikya.

HUAKE LAIPEX 34:3

Shuathongchi haxsüt longzi a Zin faonu makhange Edom longzi pong alople changüi. Handün chikao longzi a Omang Tinu shuathong ashukkya makhange owang wangle,

PONGWANG LAIPEX 19:25

Tingnu pangnyi tamchu haxsha komkaile amüt, ibu füi tomle ikhama tüikya khünak-mixsa hia haxtok ma alailai komle amüt.

JIHUSUA 18:18

Ilaxle longzi zongma shuakuxchi Jordan haxsha to asongle hule le. Ifüima ija haxsha to ju,

JIHUSUA 18:20

Jordan a handünchi longzi. Ibibi a Benjamin homjene hwom haxtok ang kopkya haxsüt longzi changpu.