JIHUSUA 18:16 - OTSAO BAIBEL (BSI)

¹⁶ Imakhange ija haxnucha to jule Hinnom haxsha atale ngünkya kha Refaim haxsha shuakux-tsim to lai. Ifüima ija Hinnom haxsha akaile shuathong chito Jebu nok haxzi shuathong chikao Enrogel chitole.

JIHUSUA 18:16 ပူးပေါင်းရင်းမြစ်များ

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

JEREMIA 19:11

ilaxle Jowanpa Khüthak Zang-e akaxkya kax ija hwom füi akax ang tom: “Kue ibu khünaknu hia ija tingnu akhixle awütüi, ija ashixkya a ija tikkux ashixkya owaechu tamchatle asop-apong ang chithole changkya ningle changüi. Khünaknu hwom mang Tofeth ma ngaxchu akhünüi chemthüikoxle ibobo ma hwom ang mang akhün angkya onui chitüi.

JEREMIA 19:6

Idaile ijongkha ang Tofeth chichangba Hinnom Haxsha le chinyak angkya tunu nguile hüiüi, Ijakha a Mikmütnui lümix awan ang kopüi.

JEREMIA 19:2

ilaxle Tik zingnui Zünkai makhange Hinnom Haxsha to pao angkya chixe ku füi akax. Ikhato kue chixe ku ang koxkya kaxho apuk angkya chang.

2 PUKAX-PANGAO 33:6

Hinnom Haxsha ma chixe chix sasün hwom tö ang koxle zokle ashun. Chixe o-nan hule ilaxle jenu-shipabu füi tik-to le chang. Chixe Jowanpa zongto huanuma wüi ochax lyenle Jowanpa ang mongtsik adün.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

1 PUKAX-PANGAO 14:9

Filistia nok a Refraim haxsha to ngui ilaxle tuinabu tsuile pao.

1 WANGHOMBU 1:9

Nyixta Adonijah-e, Enrogel shuanu zu angkya Pu Longnu ma, chunbu, maihupongbu, chun hosa nutkyabu tö kox. Chixe Dawid sasün hwom pangwüi ilaxle Judah angkya nguakax-wangkho ija tö koxkya fongkhat to ahyen,

2 SAMUEL 17:17

Abiathar sasün Jonathan hia Zadok sasün Ahimaz nyi, Jerusalem tokna, Enrogel shuasa ma, hokhi tingnu mongto nopüi owawae ngünlelax angkya thua zale khünle ngo. Danucha tuita chithaile ikhato pao ilaxle chempangle changpuix ibu hokhi hama wünle kox, ilaxle hokhi wanghompa hato nguilaxle ibu chix hama wünle kox.

KAXFÜNPA-HWOM 19:10

Ikoxlechu ija mixsüne tamchatle ikhato pomhomle ngosele chitsu, ikhoma chix danucha laxlaxle hwom a hom to chat ang achex, hokhi füi tomle dapa hia mantsak anyi ma hünzing laxle tüikya. Hwome Jebu zuito nguipongma hansongle tix alop (ija a, Jerusalem), ikhoma chix dapae hopupa ang thüi: “Ajakya zangnak a kem ija Jebu nok tingnu ma pomle toxkox wüi müikoxlax?”

KAXFÜNPA-HWOM 1:21

Ikoxlechu Benjamin homjene Jerusalem ma ngokya Jebu nok jwonle chiapao, ilaxle owang tokhange wüi Jebu nok a Benjamin hwom füi tomle ngole hüi.

KAXFÜNPA-HWOM 1:8

Judah homjene Jerusalem tingtak laxle ija kop. Hwom khünaknu lang ilaxle tingnu to wünlang.

JIHUSUA 18:28

Zela, Haelef, Jebu (Jerusalem), Gibeah, ilaxle Kiriath Jearim: tingnubu 14, ibu akhople tüikya tinglongbu tüihukya. Ibibi a Benjamin homjene hwom haxsüt ang kopkya haxtok changpu.

JIHUSUA 15:63

Ikoxlechu Judah homjen angkya khünakbue Jerusalem tingnu ma ngokya Jebu nok jwonle apao ang chitho. Jebu nok a anyixchu Judah hwom füi tomwüile ngole hüile.

2 SAMUEL 5:18

Filistia nok Refaim haxsha to nguilaxle ija kop.