JIHUSUA 15:8 - OTSAO BAIBEL (BSI)

⁸ ilaxle Hinnom haxsha akaile Jebu nok tingnu Jerusalem zongma shuathongchi haxhua to ngui. Ifüima ija longzi a hannopchi kao haxhua oja Hinnom haxsha zongma hannopchi kao ma tüikya hex, ikhato Refaim haxsha shuakuxchi otua alople ngui.

JIHUSUA 15:8 ပူးပေါင်းရင်းမြစ်များ

JIHUSUA 18:16

Imakhange ija haxnucha to jule Hinnom haxsha atale ngünkya kha Refaim haxsha shuakux-tsim to lai. Ifüima ija Hinnom haxsha akaile shuathong chito Jebu nok haxzi shuathong chikao Enrogel chitole.

JIHUSUA 15:63

Ikoxlechu Judah homjen angkya khünakbue Jerusalem tingnu ma ngokya Jebu nok jwonle apao ang chitho. Jebu nok a anyixchu Judah hwom füi tomwüile ngole hüile.

KAXFÜNPA-HWOM 19:10

Ikoxlechu ija mixsüne tamchatle ikhato pomhomle ngosele chitsu, ikhoma chix danucha laxlaxle hwom a hom to chat ang achex, hokhi füi tomle dapa hia mantsak anyi ma hünzing laxle tüikya. Hwome Jebu zuito nguipongma hansongle tix alop (ija a, Jerusalem), ikhoma chix dapae hopupa ang thüi: “Ajakya zangnak a kem ija Jebu nok tingnu ma pomle toxkox wüi müikoxlax?”

JIHUSUA 18:28

Zela, Haelef, Jebu (Jerusalem), Gibeah, ilaxle Kiriath Jearim: tingnubu 14, ibu akhople tüikya tinglongbu tüihukya. Ibibi a Benjamin homjene hwom haxsüt ang kopkya haxtok changpu.

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

KAXFÜNPA-HWOM 1:21

Ikoxlechu Benjamin homjene Jerusalem ma ngokya Jebu nok jwonle chiapao, ilaxle owang tokhange wüi Jebu nok a Benjamin hwom füi tomle ngole hüi.

JEREMIA 19:14

Ifüima kue Tofeth danle tox. Jowanpae ku ikhato ija kaxho khuapu ang tsanle ahüikya changle. Ku paolaxle noknusa tunthoma Zangshwom-Hom khwa ma ajong

JEREMIA 19:6

Idaile ijongkha ang Tofeth chichangba Hinnom Haxsha le chinyak angkya tunu nguile hüiüi, Ijakha a Mikmütnui lümix awan ang kopüi.

JEREMIA 19:2

ilaxle Tik zingnui Zünkai makhange Hinnom Haxsha to pao angkya chixe ku füi akax. Ikhato kue chixe ku ang koxkya kaxho apuk angkya chang.

ISAIA 17:5

Israel a sozam pakle puamün wün füima dantoxkya haxtok ningle, ikha angkya tsaxthop khünake tsui wün füima awütle toxkya Refaim haxsha ningle.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

2 SAMUEL 5:22

Ifüima Filistia nok Refaim to chatle anaole chuwüi ija haxsha amle kop.

2 SAMUEL 5:18

Filistia nok Refaim haxsha to nguilaxle ija kop.

KAXFÜNPA-HWOM 1:8

Judah homjene Jerusalem tingtak laxle ija kop. Hwom khünaknu lang ilaxle tingnu to wünlang.

1 PUKAX-PANGAO 11:4

Wanghompa Dawid hia Israel nok pangwüi kalaxle Jerusalem to sing. Ipongma ija ang Jebu le nyakkya, ilaxle Jebu nok, ija nok ma tingpu hwom, ikhama ngole tüikya.

NEHEMIA 11:30

Zanoah ma, Adulam ma, ilaxle ibu tinglongbu akhople tüikya tingkhuabu ma ngole hüi. Hwom a Lakish ma ngo ilaxle ija zui ma tüikya manzai haxtok ma, ilaxle Azekah hia ija tingkhuabu ma ngole hüi. Ija a, Judah angkya khünaknu a shuathongchi ma Bersheba ilaxle shuakuxchi ma Hinnom Haxsha ma ngole hüi.