JIHUSUA 14:12 - OTSAO BAIBEL (BSI)

¹² Jangchangba athaxpi, ku füikya khünakbu hia kue ija kaxwün wangpongma Jowanpae koxüihex-ole tsaosaxdaokya haxhua chikao haxtok ku ang laxhüi. Ipongma kwome nang hama Anakim le tomchong-hualo li, tüpong-tüpong tütle tingnu pan zailaxle tüile le apuapu. Jowanpa wüi ku füi ngohüi, ilaxle Jowanpa kax lailaile kue ibu jwonle apaoüi.”

JIHUSUA 14:12 ပူးပေါင်းရင်းမြစ်များ

IBRI 11:33

Mongong makhange hwome chaxwannu füi azan ilaxle ibu to anao. Chem supuix hwome ija mok üntoxle Zang kaxtsao tüikya hwome atak.

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

HUAKE LAIPEX 13:33

ilaxle kwome ikhato tomchong-hualole tüikyabu ngaxchu ngün ang kople, ibu a Anakim su-sa hwom changle. Hwom tuto kwom a kuksa-luksa pong ang achangle hixle paole, ilaxle kwome hwom to ibukuxle hu angkya wüi ang changle.”

HUAKE LAIPEX 13:28

Ikoxlechu ikhato tüikya khünakbu a tüle mixtsak-naomüibu changa, hwom tingnubu chu tüle chongle tüile ilaxle shingmongle pan zailaxle ziakople tüile. Tamtai lechu kwome tomchong-hualole tüikya likanbu ikhato ngünle toxle.

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

JIHUSUA 15:14

Kaleb-e tingnu angkya Anak sixli jwonle apao: ibu a Sheshai, Ahiman ilaxle Talmai homjenbu changkya.

MÜNCHUAK-TSAI 60:12

Zang kwomchima jangtüi thüikoxtix kwome lüt ang thoüi; chixe kwom zanpabu to lüttsuaküi.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

2 PUKAX-PANGAO 14:11

Asa-e chix Zang, Jowanpa to jop: “O Jowanpa, nange tsak-zong chitüikya süpahi tuita to chongkya janzüi koxle fong tsuakpu. Jowanpa, kwom Zang, athaxpi kwom to fonghüi, chemthüikoxle kwome nang to mongong thompu, ilaxle nang mün male kwom ipong chongkya süpahibu füi azan ang laipu. Jowanpa, nang a owaechu anao ang chithokya kwom Zang changpu.”

1 SAMUEL 14:6

Jonathan-e ija naosün ang thüi: “Hai, künyipi Filistia songsari nok hato hwom pom to nguihax, owatsing Jowanpae künyi to asunle chu changtüilax; chixe jangfong, künyi tata wüi chang koxlechu, ibu to lüt angkya künyi to owaechu münabax.”

KAXFÜNPA-HWOM 1:20

Mosa-e kaxtom koxle toxkya ningle Hebron a Kaleb ang kox, chemthüikoxle chixe Anak su-sa hwom saxthom azom jwonle apao.

HUAKE LAIPEX 21:34

Jowanpae Mosa ang thüi: “Chix thua taxza, kue hünzom ang chix to, chix khünakbu to tamchu chix haxtok to anao ang tomüi. Heshbon makhange apünle ngokya Amor nok wanghompa Sihon to hwonkya lailaile chix to chuwüi hwonkox.”

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

2 WANGHOMBU 19:4

Asiria nok chongwangpae ozün ma tüikya Zang tha ajao ang chix nguakax-wangkho khama akhokya ahüile. Jowan Zang, nange ibu thajao wünhai kax nax atat ilaxle ibu akaxkyabu to sikngün koxle naxchang. Ikhoma kem khünaknu ozün ma tüile ngokyabu hanpakma zangjople changkox.”

TSAITONG-KAXTONG 9:1

“Israel khünaknu, apalax! Anyix hünzome Jordan shuanu tale lelaxle hünzom füi ngaxchu süchongkya tamchu sütsak-süzongle tüikya jat-libu chaxwan le ngole hüikya haxtok hünzome laxüikhakha. Hwom tingnubu a tüle chongle ilaxle hwom panbu a zangkho to thule long füi tuklaxle tüile.

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.