JIHUSUA 13:9 - OTSAO BAIBEL (BSI)

⁹ Hwom haxsüt a Aroar (Arnon haxsha otua ma tüikya) ilaxle ija haxsha osungwa ma tüikya tingnu ilaxle Medeba makhange Dibon alople tüikya haxsha chuwüi womle tüipu.

JIHUSUA 13:9 ပူးပေါင်းရင်းမြစ်များ

JIHUSUA 13:16

Hwom haxsüt a Aroar alople (Arnon haxsha otua ma) ilaxle haxsha osungwa ma tüikya tingnu ilaxle Medeba akhople tüikya haxsha pangwüi ima womle.

HUAKE LAIPEX 21:30

Ikoxle athaxpi ibu putong hwom a amütdaoa, Heshbon makhange Debon alople, Nashim makhange Medeba.” Zui angkya Nashim alople.

JEREMIA 48:22

Dibon, Nebo, Beth Diblathaim,

JEREMIA 48:18

Hünzom Dibon ma ngokyabu, hünzom achuak-achenle tüikya ngwotnui tokya thailax ilaxle hax ma labu khato ngolax; Moab ama angkya mix ima tüile ilaxle ija angkya zanhunuibu amale toxdaoa.

ISAIA 15:2

Dibon angkya khünaknu baozang to shwomnui zui ang haxkho to dong. Moab angkya khünaknu a Nebo hia Medeba tingnu nyi mangsop; mongma laxle hwome khangmun hia tunmunbu ongle awüt.

JIHUSUA 12:2

Wanghom tuita a Sihon, Heshbon ma apünle ngokya Amor nok wanghompa. Chix wangting a Gilid haxtok süifi jao womle: Aroar (Arnon haxsha otua ma tüikya) hia ija haxsha osung wama tüikya tingnu makhange Amon longzipong tokya Jabbok shuanu alople;

TSAITONG-KAXTONG 3:16

Ilaxle Reuben hia Gad homjen nyi ang haxtok Gilid makhange Arnon shuanu alople lax ang kox. Shuajen otanti a shuathongchi longzipong changkya, ilaxle shuakuxchi hwom longzi a Jabbok shuanu changkya. Ikha angkya hidaole Amon nok longzi ang chuwüi wom.

TSAITONG-KAXTONG 3:12

“Chemtue keme ija chaxwan laxle changpuix, kue Reuben hia Gad saxthom hwom ang Arnon shuanu zui ma tüikya Aroar tingnu zongma shuakuxchi haxtok ilaxle Gilid angkya haxhua nok süifi, hwom tingnubu füi tomle hwople kop ang tom.

TSAITONG-KAXTONG 2:36

Jowanpa kem Zang-e kem ang Arnon haxcha kax ma tüikya Aroar angkya tingnu hwople kop ang tompu; iboma Gilid to leüi lom ma haxcha osungwa ma tüikya tingnu tuita chuwüi amüt ang tompu.

JIHUSUA 13:8

Reuben hia gad homjen tamchu Manasseh homjen süifie, Jowan dapa Mosa-e koxle toxkya haxtok hwom tingtok ang koplaxle tüile; ija haxtok a Jordan shuanu ta to tüile.

JIHUSUA 13:10

Imakhange Amon alople, Amor nok wanghompa Sihon-e Heshbon makhange apünle tüikya haxtok pangwüi womle tüipu.

2 SAMUEL 24:5

Hwome Jordan shuanu tale le ilaxle Aroar zongma shuathongchi ma pomzaile athong. Ija a Gad haxsüt angkya haxsha osungkha ma tüikya tingnu tuita changkya. Ikha angkya hwom shuakux chito Jazar to dong,

1 PUKAX-PANGAO 19:7

Dawid-e ija kax atatlaxle chix süpahibu komkaile kop üntoxle zan to Joap akat.

NEHEMIA 11:25

Ma manzai haxtok zui angkya tinglongbu ma khünakbu huanuma ngole hüi. Judah homjen angkya khünakbu a Kiriath Arba, Dibon, ilaxle Jekabzil, ilaxlechu ibu tingnubu zui ma hoxhoxle tüikya tingkhuabu to ngole hüi.

JEREMIA 48:8

Ija thama thoto tinglong tuita chu paole azangüi münchang; haxcha hia haxsha pangwüi amale toxüi. Ku, Jowanpae akaxdaoa.