JIHUSUA 13:7 - OTSAO BAIBEL (BSI)

⁷ Athaxpi, ibibi haxtok a hwom homjen aku ilaxle Manasseh homjen süifi tüikya hanpak ang tom-hanle changlax, ilaxle ibu hwome ma tingtok ang laxüi.”

JIHUSUA 13:7 ပူးပေါင်းရင်းမြစ်များ

HUAKE LAIPEX 33:54

Chizing tswonlaxle haxtok a homjen pangwüi ang, saxthom-saxthom ma daole ahanle laxlax. Khünak huak süluile tüikya saxthom ang haxtok sükhao le laxkox, khünak huak sühi le tüikya saxthom ang haxtok sühi le laxkox.

JIHUSUA 13:6

Ija ma Sidon nok haxtok pangwüi womle. Hwom a Lebanon Haxnu hia Misrefoth Maim nyi zo ma ngokyabu changle. Israel khünaknue ziakople hüikya zuma kue ibu khünak pangwüi jwonle apaoüi. Kue nang füi kaxtom koxle akax daokya ningle nange haxtok Israel nok ang tom-hanle kox angkya changpu.

JIHUSUA 13:8

Reuben hia gad homjen tamchu Manasseh homjen süifie, Jowan dapa Mosa-e koxle toxkya haxtok hwom tingtok ang koplaxle tüile; ija haxtok a Jordan shuanu ta to tüile.

MÜNCHUAK-TSAI 78:55

Chix khünakbu nguikya füi tomle ikhato ngokya khünakbu chixe jwonle apao; chixe ija haxtok Israel nok saxthom-homjen bama ahanle lax ang tom ilaxle chix khünaknu ang hwom ngo angkya hom-haxbu kox.

MÜNCHUAK-TSAI 105:44

Chixe hwom ang mix haxtok hwom kux ang kox üntoxle hwom ang ibu haxtokbu lax ang tom,

EZEKEL 45:1

Chemtue homjen pangwüi ang tomle kox ang haxtok ahanle changpuix, othom tuita a Jowanpa hanpak ang atsaole kox angkya chang. Ija a ojang ma mai 10 ilaxle okhao ma mai 8 chang angkya oli. Ija wankam a bakle otsao changüi.

HUAKE LAIPEX 34:13

Mosa-e Israel khünaknu ang thüi: “Ija a hünzome chizing tswonlaxle zingmüi ma ahanle lax angkya haxtok changle. Ija a Jowanpae homjen aku boma süifi ang koxkya haxtok changpu.

JIHUSUA 14:2

Jowanpae Mosa ang kaxtom koxkya ningle, homjen aku hia süifi bama, Jordan zongma hannopchi haxtok a chizing tswonle ahan.