JIHUSUA 13:6 - OTSAO BAIBEL (BSI)

⁶ Ija ma Sidon nok haxtok pangwüi womle. Hwom a Lebanon Haxnu hia Misrefoth Maim nyi zo ma ngokyabu changle. Israel khünaknue ziakople hüikya zuma kue ibu khünak pangwüi jwonle apaoüi. Kue nang füi kaxtom koxle akax daokya ningle nange haxtok Israel nok ang tom-hanle kox angkya changpu.

JIHUSUA 13:6 ပူးပေါင်းရင်းမြစ်များ

JIHUSUA 11:8

Jowanpae ibu to Israel noke wüi lüt ang tom; Israel nok hwom to single shuakuxchi Misrefoth Maim hia Sidon alople jao achua, ilaxle handün chito Mizpah haxsha alople jao achua. Zan nok tuita ozün ma chitoxle ma-amüt tanto hwom chizakle azan.

JIHUSUA 23:13

hünzome tsingle koplax, Jowanpa hünzom Zang-e hünzom hüikoxlechu ibu jat-libu jwonle münapao. Itülüito, hünzom zongto hwom a tai chichangba tswomkha ningle tuita chongkya thomzün atak angkya ilaxle tok ma sansüi füi fitkya koppupu le chichangba mik ma hux wangpupu le changkyae hünzom to poxle ngoüi. Ija ile ngokya a, Jowanpa hünzom Zang-e hünzom ang koxkya ipong müikya haxtok ma hünzom tütachu ota chitoxle machangchangba ile wüi ngoüi.

JIHUSUA 23:4

Athax kople makoptsuakle tüikya haxtokbu ngaxchu kue hünzom homjen-homjen ang ma haxtok hex-ole tom-hanle koxdaopu. Ifüima kue opang jat-libu to lütle koptsuakdao laxpuix, ija a Jordan shuanu handünchi ma, imakhange hannopchi ma Mediterenian Tinu alople, ma süntswon-tswon le ahanle koxdaopu.

HUAKE LAIPEX 33:54

Chizing tswonlaxle haxtok a homjen pangwüi ang, saxthom-saxthom ma daole ahanle laxlax. Khünak huak süluile tüikya saxthom ang haxtok sükhao le laxkox, khünak huak sühi le tüikya saxthom ang haxtok sühi le laxkox.

JIHUSUA 13:7

Athaxpi, ibibi haxtok a hwom homjen aku ilaxle Manasseh homjen süifi tüikya hanpak ang tom-hanle changlax, ilaxle ibu hwome ma tingtok ang laxüi.”

MÜNCHUAK-TSAI 80:8

Nange Ijip nok tokya grep zu apüipu; nange mixnokbu jwonle apaolaxle ibu hwom haxtok ma thwompu.

JIHUSUA 1:6

Mongzangwünle tsuaklax tamchu mongong tüilax, chemthüikoxle kue hwom pupa hwom ang tsaokya haxtok hwome kopkya zuma nang a hwom lompa ang achang angkya changpu.

JIHUSUA 11:12

Jihusua-e ibu tingnu tamchu hwom wanghombu pangwüi koptsuak, hwom pangwüi langle awüt; ile Jowan dapa Mosa-e fakya kaxtom ningle hwome mok.

JIHUSUA 23:5

Jowanpa hünzom Zang-e ibu hünzom thoto achale pao ang tomüi ilaxle hünzom hüikya füi tomle chixe hwom jwonle apaoüi. Jowanpa hünzom Zang-e hünzom füi tsaosax daokya ningle haxtok hünzome kopüi.