JIHUSUA 12:1 - OTSAO BAIBEL (BSI)

¹ Athaxpi Jordan shuanu zongma handünchi haxtok komkaile zan to lütlaxle Israel noke koptsuak daoa. Hwome kopkya haxtok: Arnon haxsha makhange dongle Jordan haxsha alople ilaxle shuakux chito Harmon Haxnu alople. Hwome wanghom anyi to lüt.

JIHUSUA 12:1 ပူးပေါင်းရင်းမြစ်များ

KAXFÜNPA-HWOM 11:18

Ifüima hwome sak-hax makhange Edom nok haxtok hia Moab nok haxtok tsiakle handün chito anguile lepu, ija a Arnon Shuanu zongma tachikao to. Hwome ikhato pom zaile athongpu, ikoxlechu hwome Arnon Shuanu chita chemthüikoxle ija a Moab nok longzi chang koxle.

JIHUSUA 1:15

Jordan shuanu zongma hannopchi haxtok koplaxle tingtan nokzingle changkya kople hwom to asunle azanüi. Chemtue chixe Israel homjen pangwüi ang khosün fale tsuaküihex, ifüima hünzom chatlaxle, Jowan dapa Mosa-e hünzom ang koxle toxkya haxtok, Jordan shuanu zongma tsaxchi ma hünzome tingtan nokzingle ngo ang tsuaküi.”

HUAKE LAIPEX 21:24

Ikoxlechu Israel khünakbue ibu zan-nok huanuma lang ilaxle Jabok zongto shuakuxchi Arnon shuanu makhange ibu haxtok hwople lax, ija a Amnon nok alople; büthüikoxle Amnon nok a hwom longzi müile ziakop laxle tüikya.

HUAKE LAIPEX 21:13

Ikha angkya achex laxle chatle chu hwome Arnon shuanu shuakuxchi ma pom zai. Ija fao a Amor nok haxsüt alople tüikya. (Arnon a Moab nok hia Amor nok longzipong changkya.)

ISAIA 16:2

Hwome Arnon Shuanu kax ma tanle nui ilaxle, athax ile otswon kha angkya daple alaikya osa tuita ningle nong-tsax to khosam ma ahamle ngo.

MÜNCHUAK-TSAI 133:3

Ija a Zaion haxnu ma dütkya Hermon nyenti ningle changpu! Chemthüikoxle imakhange Jowanpae tsün-tsün to mohiman angkya kaxtom koxle.

JIHUSUA 22:4

Athaxpi chixe tsaokya jaojaole hünzome mamix Israel khünaknuechu mongsom atakle changdaoa. Idaile, athaxpi, Jowan dapa Mosa-e hünzom ang koxle toxkya haxtok, Jordan shuanu zongma handünchi, ojongkha hünzome ma haxsüt sungdün ang laxpuix, ikhato chatlax.

JIHUSUA 11:17

Hwom haxsüt longzi shuathongchi Edom zui angkya Halak Haxnu makhange shuakuxchi ma tüikya Lebanon haxsha angkya Balgad alople tüikya. Ibu haxtok angkya wanghombu füi Jihusua okuilole azanle hüilaxle chixe wüi ibu bakle kop ang tho ilaxle pangwüi langle awüt.

JIHUSUA 11:3

Chixe ibibi nok hato chuwüi kaxpua apik: Jordan shuanu pangnyichi ma tüikya Kanan nokbu, Amor nok, Hit nok, Peri nok ilaxle Jebu nok, haxhua to tüikya onok pangwüi hato ilaxle Mizpah haxtok angkya Hebron haxnu chithong ma tüikya Hip nok, ibu pangwüi hato kaxho kox.

TSAITONG-KAXTONG 4:48

Ija haxtok a ibibile tüikya: Arnon shuanu kax ma tüikya Aroar tingnu makhange shuakux chito dongle Hermon Haxnu angkya Sirion haxhua alople.

TSAITONG-KAXTONG 2:24

Keme Moab akaile lekya füima, Jowanpae kem ang thüi: Athaxpi, achexlax ilaxle Arnon shuanu talax. Kue Amor nok, Heshbon angkya wanghompa Sihon hia chix haxtok bakle hünzom chak to koxdaoa. Chix tingtaklax ilaxle chix haxtok koplax.

HUAKE LAIPEX 32:19

Kwome Jordan shuanu atale hwom füi tomle ikhato ma haxtok münkop, chemthüikoxle kwom tsyen ija Jordan shuanu zong ma handün chito kopdaoa.”

HUAKE LAIPEX 32:33

Idaile Mosa-e Gad hia Reuben homjen boma Manasseh homjen angkya süifi khünak ang Amor nok wanghompa Sihon wangting ilaxle Bashan nok wanghompa Og wangting, ibu akhople tüikya tingnu hia chaxwan bakle kop angkya atsyenle kox.

JIHUSUA 13:8

Reuben hia gad homjen tamchu Manasseh homjen süifie, Jowan dapa Mosa-e koxle toxkya haxtok hwom tingtok ang koplaxle tüile; ija haxtok a Jordan shuanu ta to tüile.

MÜNCHUAK-TSAI 89:12

Shuakux hia shuathong nange zingpu; Tabor hia Harmon haxnubue nang füikya mongmüie tsai ngaole.

MÜNCHUAK-TSAI 136:21

Chixe ibu haxtok chix khünaknu ang kox; chix mongkün ma oshuk müntüi;

HUAKE LAIPEX 21:21

Ifüima Amor nok wanghompa Sihon hato Israel khünakbue kaxhole akat:

HUAKE LAIPEX 32:32

Chix kaxtom ma kwome Jordan shuanu tale Kanan haxtok to nguiüi ilaxle ikhato zan to kaüi, ikoxle tix ija Jordan shuanu zongma handünchi haxtok kwome kop ang tho angkya daile.”

TSAITONG-KAXTONG 2:32

Jahaz tingnu zui ma wanghompa Sihon kem füi azan ang chix süpahibu pangwüi koplaxle laipu,

TSAITONG-KAXTONG 3:1

“Ifüima kem shuakuxchi Bashan haxtok chito achex, ilaxle Edrüi tingnu zui ma wanghompa Og, chix süpahibu komle laxlaxle kem füi azan ang lai.

TSAITONG-KAXTONG 4:44

Mosa-e Israel khünaknu ang Zang wanlom hia hwon-nwot jaonobu fa.

1 WANGHOMBU 4:19

Uri sasün Gebar-e: Gilid wankam, ojongkha Amor nok wanghom Sihon hia Bashan nok wanghompa Og nyie apünle hüikya kha apün. Hwom mixsün 12 boma, haxtok pangnu to o-le gowarnor tuita tüikya.