JIHUSUA 11:6 - OTSAO BAIBEL (BSI)

⁶ Jowanpae Jihusua ang thüi: “Ibu thua ojao taxza! Ngainyix ipongma kue ibu pangwüi Israel nok hanpak ang langle tsuakdaoüi. Hünzome hwom manbu ocha afaiüi ilaxle ibue linkya zyenbu zokle ashunüi.”

JIHUSUA 11:6 ပူးပေါင်းရင်းမြစ်များ

JIHUSUA 10:8

Jowanpae Jihusua ang thüi: “Hwom thua taxza. Kue nang ang lüt ang tomdaoa. Hwom opupuechu nang füi alünle chang ang münthopu.”

2 SAMUEL 8:4

Dawid-e chix kux 1700 man füikya süpahibu ilaxle 20000 cha ma azankya süpahibu ang achang. Chixe man-kanlin 100 ma hanpak ang tüi ilaxle man mamabu bakle hongle afai.

1 SAMUEL 11:9

Hwome Jabesh angkya kaxhomixbu ang thüi: “Hünzom khünakbu ang ngainyix tsomthoe wüi hwome khosün ataküile thüilax.” Ija noke Jabesh tokya ija kaxho kopkya zuma noknusa ang wüi mongmüi

JIHUSUA 11:9

Jowanpae kaxtom fakya lailaile Jihusua-e hwom to mok: Chixe hwom manbu ocha afai ilaxle ibue linkya zyenbu zokle ashun.

HOSIA 14:3

Asiria-e kwom otuechu sün ang müntsuak ilaxle zankat manbue kwom kho awa ang müntho. Kwome kwom chapabu füi ibu a kwom Zang changle le chatle münthüi. O Jowanpa, owa hato pao angkyachu chitüile ngokyabu to nange chingcha ahohüi.”

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

ISAIA 30:16

Itülüi, hünzome hünzom zanpabu chak tokya ozik tsuakkya manbu kho ma ngale paole azang angkya olom zing. Üntoxle hünzom hanpakma ija changle — paole azang angkya tix wüi hünzom mwot changkox-a! Hünzome thütle hünzom manbu a müimamale momle ziktsuakle, ikoxlechu hünzom achuale zikkyabu sisi ifüi momle zik angkya changle!

WANWÜNKAX 20:7

Otsingtsing zangwün tamchu sukya mwot mokkya hopa tüikyabu a tüle shomüikya su-sa hwom changpu.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

2 PUKAX-PANGAO 20:16

Hwom Ziz lomnu makhange laipongma ngainyix singkox. Faokha to ngokya Jeruel nok to le angkya haxsha oshuk chito hünzome hwom apongle changüi.

JIHUSUA 3:5

Jihusua-e khünaknu ang thüi: “Hünzom malualua to tsaothale changlax chemthüikoxle ngainyix a Jowanpae hünzom khama ohünotün mwot mok angkya changle.”

TSAITONG-KAXTONG 7:16

Jowanpae hünzom ang lüt ang tomkya hünzom zanpabu pangwüi amütkox, hwom to ojao chingcha taxaho. Hwom baozangbu to taxshwom, chemthüikoxle ija a mawüt masan ang changüi.

JIHUSUA 11:5

Wanghom ibu pangwüi athütlaxle Israel nok füi azan ang Merom shuajen ma pom zaile athong.

JIHUSUA 11:7

Idaile Jihusua hia chix khünakbue Merom shuajen ma hwom to allele single tingtak.

KAXFÜNPA-HWOM 7:9

Ija ja Jowanpa Gideon ang kaxtom kox: “Zolax üntoxle zan pom to singkox; kue ija to nange lüt ang tompu.

EZEKEL 39:9

Tingnubu ma ngole tüikya Israel khünakbue paolaxle, awütle toxkya chang-paxbu a ha ang tak ang tswonle athünüi. Hwome zanglao anüt mong ma ojao chibakle, di, haxnu, sanhap, pax, pünthom, ibu füi wüntakle changüi.

NAHUM 2:13

“Ku a hünzom zanpa changpu! Kue hünzom man-kanlinbu zokle ashunüi. Hünzom süpahibu a zanhok ma max ang tomüi, ilaxle nange mixkux laxle tüikya pangwüi kue tsuile paoüi. Hünzom kaxhomixbu zingzua athax tam-münatat”, le Jowanpa Khüthak Zang-e thüile

2 WANGHOMBU 6:16

Elisha-e lan: “Taxza! Hwom chima chemtukux tüipuix ifüi süluile kem chima tüile ngole.”

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”