JIHUSUA 11:20 - OTSAO BAIBEL (BSI)

²⁰ Jowanpae hwom mong ma Israel nok füi azan angkya mongkho adünle kox. Ija a hwom pangwüi olithule amüt ang tom angkya hanpakma ilaxle pangwüi chingcha chitüile langle awüt angkya hanpakma. Ija a Jowanpae Mosa ang fakya kaxtombu.

JIHUSUA 11:20 ပူးပေါင်းရင်းမြစ်များ

ROM NOK HATO ZAKYA POL LAIZA 9:18

Idaile chixe chingchase le texkya mix to Zange chingchale, ilaxle chixe mong akhüi ang koxse lükya mix ang chixe mong khüi ang koxle.

LAIPAO 4:21

Anaole chuwüi Jowanpae Mosa füi akax: “Athax nang Ijip nok to chatle ngopu; kue nang ang ohünotün mwot mokle ahokya pangwüi wanghom tunthoma mokle ahokya changle, ija taxalak. Ikoxlechu kue wanghompa ang mongtsakle chang ang tomüi, ilaxle chixe khünaknu pao ang mündanüi.

TSAITONG-KAXTONG 7:16

Jowanpae hünzom ang lüt ang tomkya hünzom zanpabu pangwüi amütkox, hwom to ojao chingcha taxaho. Hwom baozangbu to taxshwom, chemthüikoxle ija a mawüt masan ang changüi.

TSAITONG-KAXTONG 2:30

“Ikoxlechu wanghompa Sihon-e chix chaxwan makhange kwomle ang chitom. Athax keme kople tüikya chix haxtok kem ang kop ang tom angkya hanpakma, chix kem füi azanle naxchang tamchu keme chix to lütle naxchangle Jowanpae chix mongtsak ang tom.

KAXFÜNPA-HWOM 14:4

Jowanpae Filistia nok füi azan angkya opong atak angkya hanpakma ija a Jowanpae mokle ngopule honu hia hopa hwome chitsing. Ipongma Israel nok a Filistia noke apün laxle tüikya.

LAIPAO 14:17

Kue Ijip nok mong tsakle chang ang tomüi ilaxle hwome ibu mantole azuiüi. Wanghompa hia chix süpahibu, chix man-kanlin hia ibu zopkya khünakbu, ibu pangnu to anaokya tokhange kue achuak-achenkya kopüi.

LAIPAO 9:16

Ikoxlechu chix tsak-zong aho ang tamchu chix mün zangfang pangnu khato fuale naxpao ang nang ozün ma thompu ta.

2 PUKAX-PANGAO 25:16

Ija kax apale Amaziah-e thüi: “Chemtu makhange kwome nang wanghom zün angkya wangnak-wangshem ang achang daopu? Nange taxakax ngo, kue nang langle awüt langa!” Ajepa kax zak, ikoxlechu chixe ija kax tsuakle tox: “Nange ibu mwot mokkya hia ku zünkax-saikax to na chithale changkya khoma, athaxpi Jowanpa nang mik amüt angkya mongzangwünle tsuakdaoale kue awandaoa.”

1 WANGHOMBU 12:15

Shiloh ang ajepa Ahijah-e Nabat sasün Jeroboam füi akax daokya ajekax changle ngai angkya hanpakma ile chang angkya a Jowanpa mongtex changkya. Ikhoma wanghompa-e khünaknu zangwün to ojao na chitha.

1 SAMUEL 2:25

Khünak tuitae mama mix owawa zongto thaile jangchang, Zang ija khünak khose ang thoüi; ikoxle Jowanpa zongto achaxkya khünak kho owae süntsuaküi?” Jowanpae hwom mik amüt angkya mongzangwünle tsuakdaokoxle hwome hopa kax ma ojao chilax.

LAIPAO 9:12

Ikoxlechu chixe akax daokya ningle Jowanpae wanghom ang mongtsak ang tom. Ikhoma wanghompa-e Mosa hia Arun nyi zangwün to ojao na chitha.

LAIPAO 10:1

Ifüima Jowanpae Mosa ang thüi: “Paolax üntoxle wanghompa to hulax. Kue chix tamchu chix wangshembu ang mongtsak ang tomdaoa. Ile changkox tix kue hwom hama ibu ohünotün mwot mok ang tho angkya changle.

LAIPAO 11:10

Mosa hia Arun nyie ibibi ohünotün mwot wanghompa tunthoma mokle aho; ikoxlechu Jowanpae chix ang mongtsak ang tom ilaxle chixe Israel nokbu Ijip chaxwan angkya laile pao ang chidan.

LAIPAO 14:4

Kue chix ang mongtsak ang tomüi ilaxle chixe hünzom to achuaüi, ilaxle kue wanghompa hia chix süpahibu to anaole changkya zuma ku achuaküi. Ijama Ijip nokbue ku a Jowanpa changpule awan ang kopüi.” Israel khünaknue hwom füi akaxkya ningle mok.

LAIPAO 14:8

Jowanpae Ijip nok wanghompa Farao mong tsak ang tom, ilaxle sungdün-ngadong Israel khünakbu achuale zik.

2 SAMUEL 17:14

Absalom hia Israel khünaknu pangwüie thüi: “Ahithofel füi Hushai zünkax-saikax wüi müihule.” Absalom hato thama chihüi angkya hanpakma, Ahithofel-e koxkya müikya zünkax-saikaxbu mokle chile angkya hanpakma Jowanpae kaxfün tsuakle fa.

2 PUKAX-PANGAO 22:7

Ile changpongma Ahaziah athomle adüt angkya hanpakma Zang-e Joram twon. Ahaziah ikhato ngole tüipongma, Nimshi sasün Jehu hokhi füi apong; chix a Ahap wangting amüt angkya hanpakma Zang-e zünle kopkya mix changkya.

ISAIA 14:24

Jowanpa Khüthak Zang-e tsaotsütdaoa: “Kue chem moküile texpuix ija changüijao. Kue chem mok angkya mongzangwünle tsuakdaopuix ija tsuaküijao.

ISAIA 34:2

Jowanpa ang chaxwannu nok hia hwom süpahibu füi mongmale. Chixe hwom max angkya hanpakma ahaile changdaoa.