JIHUSUA 11:12 - OTSAO BAIBEL (BSI)

¹² Jihusua-e ibu tingnu tamchu hwom wanghombu pangwüi koptsuak, hwom pangwüi langle awüt; ile Jowan dapa Mosa-e fakya kaxtom ningle hwome mok.

JIHUSUA 11:12 ပူးပေါင်းရင်းမြစ်များ

TSAITONG-KAXTONG 7:2

Chemtue Jowanpa hünzom Zang-e ibu hünzom chak to koxle changüihex tamchu ongai hünzome hwom to lütle changüihex, ipongma hünzome hwom pangwüi mik amüt angkya changle. Hwom füi tomsax-tommok angkya tsaotsüt taxtüi chichangba chingcha ahole taxchang.

JIHUSUA 11:15

Jowanpae chix kaxtombu chix dapa Mosa ang kox, Mosa-e Jihusua ang kox ilaxle Jihusua-e ibu kax ma laxle mok. Jowanpae Mosa ang koxkya kaxtom pangwüi chixe mok.

JIHUSUA 10:37

Tingtak laxle ija kop. Hwome wanghompa tamchu tingnu ma atüitüi pangwüi langle awüt ilaxle tomzi nok tokyabu ngaxchu wüi lang. Jihusua-e ija tingnu komkaile oli thule Eglon nok lailaile amüt. Ikha angkya ozün ma owachu chitox.

JIHUSUA 10:35

Hwome ija nyixta ma wüi kop ang tho, ilaxle Lakish nok to hwonkya ningle hwome mixhuak tuita ozün ma chitoxle hwon.

JIHUSUA 10:32

Nyix anyi-azom laxle Jowanpae Israel nok ang Lakish nok to lüt ang tom. Hwome Libnah ma mokle toxdaokya lailaile ija tingnu ma atüitüi oli tuita chitoxle komkaile amüt.

JIHUSUA 10:30

Jowanpae ija tingnu to chuwüi Israel nok ang lüt ang tom. Hwome tuita oli danle chitox ikoxle ikhama atüitüi bakle lang. Jeriko nok wanghompa to chemle hwonpuix ilailaile ija nok wanghompa tochu hwome hwon.

JIHUSUA 10:28

Ija nyix Jihusua-e Mekkedah nok tingtakle ija nok wanghompa kop. Tingnu mong ma chixe pangwüi mik amüt; owachu ozün ma danle chitox. Jeriko wanghompa to chixe chemle hwonpuix ija lailaile Mekkedah wanghompa to chuwüi hwon.

JIHUSUA 9:24

Hwome lan: “Alixachong, changle, kwome ile mokdao ngüna, ikoxle ija a, Jowanpa hünzom Zang-e chix dapa Mosa füi kaxtom koxle, hünzom ang ibibi haxtok komkaile koxdaoa ilaxle hünzom nguile hüikya zuma ikhato ngole tüikya khünaknu pangwüi langle awüt angkya kaxzing atatkya khoma kwome ile mokpu. Chemthüikoxle kwom hünzom thua tüle zalaxle tamchu kwome ma mik max angkya thua zalaxle ile mokdaoa.

JIHUSUA 8:31

Chixe ija Jowan dapa Mosa-e Israel khünaknu ang chix makhange fakya Wanlom ma adangle fakya lailaile zing: “ija tö-tsap tuita a, jan füi honghele machangkya long füi zing.” Ija ding ma hwome Jowanpa ang zokle ashunkya tö kox, ilaxle hwome notom-tusüi tö chuwüi kox.

JIHUSUA 8:8

Hünzome tingnu kople changkya füima ija to wünlang kox, ija a Jowanpa kaxtom changle.”

JIHUSUA 11:13

Ikoxlechu Jihusua-e zokle ashunkya Hazor tingnu boma, Israel noke haxhua dingma tüikya tingnu tuita chu chizok.

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.

JIHUSUA 10:20

Jihusua hia chix khünakbue hwom to hüt-hütle lang, ikoxlechu züizüi hwom tingnu pan katuk mongto azwonle azang ang kop.

JIHUSUA 13:6

Ija ma Sidon nok haxtok pangwüi womle. Hwom a Lebanon Haxnu hia Misrefoth Maim nyi zo ma ngokyabu changle. Israel khünaknue ziakople hüikya zuma kue ibu khünak pangwüi jwonle apaoüi. Kue nang füi kaxtom koxle akax daokya ningle nange haxtok Israel nok ang tom-hanle kox angkya changpu.

JIHUSUA 21:44

Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.