JIHUSUA 10:8 - OTSAO BAIBEL (BSI)

⁸ Jowanpae Jihusua ang thüi: “Hwom thua taxza. Kue nang ang lüt ang tomdaoa. Hwom opupuechu nang füi alünle chang ang münthopu.”

JIHUSUA 10:8 ပူးပေါင်းရင်းမြစ်များ

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

TSAITONG-KAXTONG 3:2

Ikoxlechu Jowanpae ku ang thüi: ‘Chix thua taxza. Kue chix tamchu chix süpahibu ilaxle chix haxtok komle hünzom ang koxüi. Heshbon ma apünkya Amon nok wanghompa Sihon to chemle hwondaopuix, ilailaile chix to chuwüi hwonkox.’

JIHUSUA 11:6

Jowanpae Jihusua ang thüi: “Ibu thua ojao taxza! Ngainyix ipongma kue ibu pangwüi Israel nok hanpak ang langle tsuakdaoüi. Hünzome hwom manbu ocha afaiüi ilaxle ibue linkya zyenbu zokle ashunüi.”

JIHUSUA 8:1

Jowanpae Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

TSAITONG-KAXTONG 7:24

Chixe hwom wanghombu hünzom tsak-zong chak to koxüi. Hünzome hwom langle awütüi, ilaxle ibu alakle awütdaoüi. Hünzom to owaechu abax ang münthopu; hünzome pangwüi amütüi.

JIHUSUA 10:9

Awünning tungle Jihusua hia chix süpahibu Gilgal makhange apüile Gibeon to ka, ilaxle Amor nok to hwome allele single kox.

JIHUSUA 10:25

Ifüima nguakax-wangkhobu ang Jihusua-e thüi: “Hünzom taxza chichangba mong taxhi. Chachen-mongchen füi tüilax büthüikoxle hünzom zan pangwüi füi Jowanpae ile mok angkya changle.”

KAXFÜNPA-HWOM 7:9

Ija ja Jowanpa Gideon ang kaxtom kox: “Zolax üntoxle zan pom to singkox; kue ija to nange lüt ang tompu.

KAXFÜNPA-HWOM 6:16

Jowanpae lan: “Nange ija mok ang thoüi, chemthüikoxle kue nang to asunüi. Nange Midi nok a mixhuak tuita tsempa ma amüt ang thoüi.”

1 SAMUEL 17:47

ilaxle chix khünaknu khosün ang Jowanpae chang hia pax laxle ngo angkya chem mwot müntüi, le ikha angkyabue awan ang kopüi. Zan pangnu to chixe wüi lütpu, ilaxle athax hünzom pangwüi chixe kwom chak to kox angkya changle.”

1 WANGHOMBU 20:13

Ipongkhae ajepa tuita Ahap hato ngui ilaxle thüi: “Jowanpae thüile, ija chongkya süpahibu thua ojao taxza. Kue nang ang ibu to lüt ang tomüi ilaxle nange ku a Jowanpa changle le awan ang kopüi.”