JIHUSUA 10:6 - OTSAO BAIBEL (BSI)

⁶ Gibeon noke Gilgal ma pom zailaxle ngokya Jihusua hato kax akat: “Alixachong! Nange kwom kwom tata taxdan! Athax wüi hüihüi, ilaxle kwom khosün hüi! Haxhua tokya Amor nok wanghom atüitüi komle asüilaxle kwom zan to ka ang achwonle tüia!”

JIHUSUA 10:6 ပူးပေါင်းရင်းမြစ်များ

JIHUSUA 9:6

Gilgal angkya hwom pom to nguilaxle Jihusua hia Israel nok ang thüi: “Kwom a tsailo nok tokya nguipu, kwome hünzom füi pongsaxle muamüise tsupu.”

JIHUSUA 5:10

Israel khünaknu Gilgal ma pomzai laxle ngopongma, ija a Jeriko zui angkya haxsha ma, hwome ija lyetkua nyixbün ali lükya hansong ma Kaitox Pangpwon sax.

KAXHO MÜIKYA LUK 1:39

Ifüima Meri momle achwon üntoxle haxhua tokya Jehudi tingnu to momle pao.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

MÜNCHUAK-TSAI 125:2

Chemle Jerusalem a haxnubue akhoplaxle tüipuix, ija lailaile othuithuima chix khünakbu a Jowanpa akhople ziakop thomle.

2 WANGHOMBU 4:24

Ifüima she mantsak tuita ma nga, ilaxle dapa tuita füi akax: “Kue zakkoxle mathüi tanto nange man a mom-momle ahamkox.”

JIHUSUA 21:11

Hwom ang Arba tingnu kox (Arba a Anak hopa changkya), athax ija ang Hebron le nyakle, ija a Judah haxhua ma tüile. Fumtsütnui chuwüi ibu füi tomtomle tüikya.

JIHUSUA 9:15

Jihusua-e Gibeon nok füi zuikhui hex-ole nokmüi zing ilaxle ibu hwom khato ngo ang tom. Israel nok lompabue hwom katzua otya ma thom angkya ibu pomtho ma tsaosaxle akax.

TSAITONG-KAXTONG 1:15

Idaile hünzome ma homjen angkya zünle kopkya jetüi-hwonlangle tüikya hia jali othwon lople tüikya khünakbu kue laxpu, ilaxle kue hwom hünzom thakma lompabu ang achangpu. Züizüie hajat khünak tu ma lompa ang changüi, züizüi a oho tu ma lompa ang changüi, ilaxle züizüi a bün tu ma lompa ang changüi. Kue homjen foto mama okax-okhobu chuwüi kampu.

HUAKE LAIPEX 13:29

Shuathongchi kaoma Anakimbu ngole; ikoxle Hit, Jebu hia Amor nokbu a haxhuachi ma tüile; ilaxle Mediterenian tinu chikao ma Jordan shuanu ajole Kanan nok tüile.”

JIHUSUA 10:5

Ibibi Amor nok, Jerusalem, Hebron, Jarmuth, Lakish tamchu Eglon, hwom bibi wanghombu athüt üntoxle tingtakle amüt ang Gibeon akhople kop.

JIHUSUA 10:7

Ikhoma Jihusua hia chix süpahibu, ataxle müikya othom chuwüi koplaxle, Gilgal angkya achexle lai.

JIHUSUA 9:8

Hwome Jihusua ang thüi: “Kwom a nang thotha ang nguipu.” Jihusua-e hwom ma atüi: “Hünzom a opang changkya? Hünzom a ojong tokya nguikya?”