JIHUSUA 10:40 - OTSAO BAIBEL (BSI)

⁴⁰ Jihusua-e haxtok pangwüi lütle kop. Chixe haxhua nok wanghombu pangwüi to lüt, ilaxle handünchi haxsha nok, hannopchi haxnu chithong ma tüikya nok ilaxle shuathongchi ma haxkozan to tüikya onok, ibu pangwüi to chixe lüt. Chixe owachu danle chitox; pangwüi langle awüt. Ile chang angkya a Jowanpa Israel nok Zang kaxtom chang koxpu.

JIHUSUA 10:40 ပူးပေါင်းရင်းမြစ်များ

MÜNCHUAK-TSAI 9:17

Chichangchizangle tüikya hia Zang pongle chikopkyabu pangwüi oshuk a zik changle.

1 WANGHOMBU 15:29

Janpüi ma chixe Jeroboam homkha khünak lang ang süt. Jowanpae chix dapa, Shiloh angkya ajepa Ahijah makhange akax daokya lailaile, Jeroboam hwom homkha pangwüi langle awüt; tuitachu ozün ma chitox.

JIHUSUA 10:37

Tingtak laxle ija kop. Hwome wanghompa tamchu tingnu ma atüitüi pangwüi langle awüt ilaxle tomzi nok tokyabu ngaxchu wüi lang. Jihusua-e ija tingnu komkaile oli thule Eglon nok lailaile amüt. Ikha angkya ozün ma owachu chitox.

JIHUSUA 10:35

Hwome ija nyixta ma wüi kop ang tho, ilaxle Lakish nok to hwonkya ningle hwome mixhuak tuita ozün ma chitoxle hwon.

JIHUSUA 9:24

Hwome lan: “Alixachong, changle, kwome ile mokdao ngüna, ikoxle ija a, Jowanpa hünzom Zang-e chix dapa Mosa füi kaxtom koxle, hünzom ang ibibi haxtok komkaile koxdaoa ilaxle hünzom nguile hüikya zuma ikhato ngole tüikya khünaknu pangwüi langle awüt angkya kaxzing atatkya khoma kwome ile mokpu. Chemthüikoxle kwom hünzom thua tüle zalaxle tamchu kwome ma mik max angkya thua zalaxle ile mokdaoa.

JIHUSUA 8:27

Jowanpae Jihusua füi akaxkya lailaile Israel noke ija tingnu ma kopkya tuina hia tsom-pom hwom hanpak ang tüi.

JIHUSUA 8:2

Jeriko hia ija wanghompa to chemle hwondao laxpuix, nange ilailaile Ai hia ija wanghompa to chuwüi hwon angkya changpu, ikoxle hünzome tuina hia tsom-pom hünzom hanpak ang tüi ang tsuak. Ija tingnu to lomnong tokhange hüilaxle allele sing ang achwonlax.”

JIHUSUA 6:17

Ija tingnu tamchu ija ma atüitüi, Jowanpa to shwomkya ang laxle pangwüi olithu angkya changpu. Tsangtsa hangle ngokya mixcha Rahap hia hwom homkha a mik max ang chitomüi, chemthüikoxle kem zyetmixbu pyenle azünkya a she changle.

TSAITONG-KAXTONG 7:24

Chixe hwom wanghombu hünzom tsak-zong chak to koxüi. Hünzome hwom langle awütüi, ilaxle ibu alakle awütdaoüi. Hünzom to owaechu abax ang münthopu; hünzome pangwüi amütüi.

JIHUSUA 18:21

Benjamin homjen kux tingnubu a: Jeriko, Beth Hoglah, Emek Keziz,

JIHUSUA 12:8

Ija haxtok wankam ma: haxhua nok, hannopchi haxnu chithong ma tüikya nok, Jordan haxsha hia ija haxchithong nok, handünchi haxsha ilaxle shuathongchi haxkozan to tüikya onok pangwüi wom. Ija haxtok a Hit nok, Amor nok, Kanan nok, Peri nok, Hip nok, ilaxle Jebu nok, ibu tingtok changkya.

TSAITONG-KAXTONG 1:7

Pombu pünlax ilaxle achexlax. Amor nok haxnu to paolax ilaxle hozui ma akhople tüikya pangnu haxtok to: Jordan haxsha to, haxhua chito, ilaxle haxchithong chito, shuathongchi chaxwan to, ilaxle Mediterenian tinu kax to paolax. Kanan haxtok to paokox tamchu Lebanon haxnu tokna kai tokya Eufrat shuanu alople paokox.

LAIPAO 34:12

Hünzom paole ngokya nok tokya khünakbu füi tingmüi-nokzing angkya zangwün taxtüi; chemthüikoxle ija a oshan-odan chimüikya kam tuita ang achangle bangüi.

JIHUSUA 10:39

Chixe ija ting kop, ikha nok wanghom tamchu tomzi nok wanghombu pangwüi kop. Hwome ikhama pangwüi mik amüt. Hebron hia Libnah nokbu, ibu wanghombu füi afomle chemle hwondao laxpuix, ilailaile Jihusua-e Debir tingnu hia ija wanghompa tochu hwon.

JIHUSUA 11:16

Jihusua-e haxhua nok, haxchithong nok, shuakux-shuathong pangwüi, Goshen haxsha pangwüi ilaxle shuathongchi angkya haxza nok ilaxlechu Jordan haxsha, ibu haxtok pangwüi kop.

HUAKE LAIPEX 13:17

Chemtue Mosa-e hwom tsanle apaopuix, chixe hwom füi ija akax: “Imakhange shuakuxchi ma dongle Kanan haxtok shuathong chikao ma noplax ifüima haxhua nok to paolax.

TSAITONG-KAXTONG 2:34

Ifüi tomle keme tingnubu pangwüi koplaxle ibu amüt, ilaxle khünak pangwüi, mixnu-naosa, mixmüi chemchu chisüile, komkaile langle awütpu. Keme owachu ozün ma chitox.

NEHEMIA 9:24

Hwome Kanan chaxwan tingtakle tsuak; ikhato ngole tüikya khünakbu to nange anao. Nange nang khünaknu a hwom mongtex ma mok angkya janzüi kox Kanan haxtok angkya khünaknu hia wanghombu to a.